헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 37)

μετὰ δὲ τὴν τούτου τελευτὴν εὐθὺσ ἧκόν τινεσ ἀπαγγέλλοντεσ ὅτι παρατάξεωσ γενομένησ περὶ Καππαδοκίαν Εὐμενὴσ νενίκηκε, Κρατερὸσ δὲ καὶ Νεοπτόλεμοσ ἡττηθέντεσ ἀνῄρηνται. τοῦτο δ’ εἰ δυσὶ πρότερον ἡμέραισ ἐγένετο τῆσ Περδίκκου τελευτῆσ, οὐδεὶσ ἂν ἐτόλμησε τὰσ χεῖρασ Περδίκκᾳ προσενεγκεῖν διὰ τὸ μέγεθοσ τῆσ εὐημερίασ. οἱ δ’ οὖν Μακεδόνεσ πυθόμενοι τὰ περὶ τὸν Εὐμενῆ κατέγνωσαν αὐτοῦ θάνατον καὶ τῶν περὶ αὐτὸν ἐπιφανῶν ἀνδρῶν πεντήκοντα, ἐν οἷσ ἦν καὶ Ἀλκέτασ ὁ ἀδελφὸσ τοῦ Περδίκκου.

ἀπέκτειναν δὲ καὶ τῶν φίλων τοῦ Περδίκκου τοὺσ μάλιστα πιστοτάτουσ καὶ τὴν ἀδελφὴν αὐτοῦ Ἀταλάντην, ἣν ἦν γεγαμηκὼσ Ἄτταλοσ ὁ τοῦ στόλου τὴν ἡγεμονίαν παρειληφώσ. μετὰ δὲ τὴν ἀναίρεσιν τοῦ Περδίκκου Ἄτταλοσ ὁ τοῦ στόλου τὴν ἡγεμονίαν ἔχων διέτριβε μὲν περὶ τὸ Πηλούσιον, ὡσ δ’ ἐπύθετο τὴν τῆσ γυναικὸσ ἀναίρεσιν καὶ τοῦ Περδίκκου, τὸν στόλον ἀναλαβὼν ἐξέπλευσε καὶ κατήντησεν εἰσ Τύρον.

ὁ δὲ τῆσ πόλεωσ ταύτησ φρούραρχοσ Ἀρχέλαοσ, Μακεδὼν τὸ γένοσ, τὸν Ἄτταλον φιλοφρόνωσ ὑπεδέξατο καὶ τήν τε πόλιν παρέδωκεν αὐτῷ καὶ τὰ χρήματα, δεδομένα μὲν ὑπὸ Περδίκκου φυλάττειν, τότε δὲ δικαίωσ ἀποδεδομένα, τὸ δὲ πλῆθοσ ὄντα ταλάντων ὀκτακοσίων.

ὁ δ’ Ἄτταλοσ ἐν τῇ Τύρῳ διατρίβων ἀνελάμβανε τῶν Περδίκκου φίλων τοὺσ διασωζομένουσ ἐκ τῆσ πρὸσ τῇ Μέμφει στρατοπεδείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 37

(디오도로스 시켈로스, Bibliotheca Historica, Books XVIII-XX, book 18, chapter 37)

상위

목록

SEARCH

MENU NAVIGATION