헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 35)

ὁ δὲ Περδίκκασ κατανοήσασ τὴν δυσκολίαν τοῦ ῥείθρου τοὺσ μὲν ἐλέφαντασ ἐκ τῶν εὐωνύμων ἐπέστησεν, ἐκδεχόμενοσ τὴν καταφορὰν τοῦ ποταμοῦ, καταπραϋνοῦντασ τὸ ῥεῖθρον, τοὺσ δ’ ἱππεῖσ ἐκ τοῦ δεξιοῦ μέρουσ ἔταξε, δι’ ὧν ἐξεδέχετο τοὺσ παραφερομένουσ ὑπὸ τοῦ ποταμοῦ καὶ διέσωζεν εἰσ τὸ πέραν. ἴδιον δέ τι καὶ παράδοξον συνέβη γενέσθαι κατὰ τὴν διάβασιν τῆσ δυνάμεωσ ταύτησ.

τῶν πρώτων γὰρ ἀσφαλῶσ διαβάντων οἱ μετὰ ταῦτα περαιούμενοι μεγάλοισ περιέπιπτον κινδύνοισ· ὁ γὰρ ποταμὸσ οὐδεμιᾶσ οὔσησ αἰτίασ φανερᾶσ πολλῷ βαθύτεροσ ἐγίνετο καὶ τῶν σωμάτων ὅλων καταδυομένων ἅπαντεσ εἰσ πολλὴν ἀμηχανίαν περιέπιπτον. τῆσ δὲ κατὰ τὴν πλήρωσιν αἰτίασ ἐπιζητουμένησ τὸ μὲν ἀληθὲσ ἀσυλλόγιστον ἦν, ἔφασαν δ’ οἱ μὲν ἐν τοῖσ ἄνω τόποισ ἐγκεχωσμένην διώρυγα πάλιν ἐκφραχθῆναι καὶ συμμιχθεῖσαν τῷ ποταμῷ βαθύτερον πεποιηκέναι τὸν πόρον, οἱ δ’ ὄμβρουσ ἐν τοῖσ ἄνω τόποισ γενομένουσ αὐξῆσαι τὸ μέγεθοσ τοῦ Νείλου.

τούτων δ’ οὐδέτερον ἦν, ἀλλὰ τοῦ πόρου τὴν μὲν πρώτην διάβασιν ἀσφαλεστέραν συνέβαινε γεγονέναι ἀκεραίου τῆσ κατὰ τὴν διάβασιν ἄμμου γεγενημένησ, κατὰ δὲ τὰσ ἄλλασ ὑπὸ τῶν προδιαβεβηκότων ἵππων τε καὶ ἐλεφάντων, ἔτι δὲ πεζῶν τοῖσ μὲν ποσὶ τὴν ἄμμον πατουμένην καὶ κινουμένην ὑπὸ τοῦ ῥείθρου κατενεχθῆναι καὶ διὰ τοῦτο κοιλωθέντοσ τοῦ πόρου βαθυτέραν γενέσθαι τὴν διάβασιν κατὰ μέσον τὸν ποταμόν.

διὰ δὲ ταύτην τὴν αἰτίαν ἀδυνατούσησ τῆσ λοιπῆσ δυνάμεωσ διαβῆναι τὸν ποταμὸν ὁ Περδίκκασ εἰσ πολλὴν ἀπορίαν ἐνέπιπτεν καὶ τῶν μὲν διαβεβηκότων οὐκ ἀξιομάχων ὄντων τοῖσ πολεμίοισ, τῶν δ’ ἐν τῷ πέραν μὴ δυναμένων βοηθεῖν τοῖσ ἰδίοισ προσέταξεν εἰσ τοὐπίσω πάλιν ἀπιέναι πάντασ.

διόπερ ἀναγκασθέντων ἁπάντων περαιοῦσθαι τὸ ῥεῖθρον οἱ μὲν ἐπιστάμενοι καλῶσ νεῖν καὶ τοῖσ σώμασιν ἰσχυρότατοι μετὰ πολλῆσ κακοπαθίασ διενήξαντο τὸν Νεῖλον, πολλὰ τῶν ὅπλων ἀποβαλόντεσ, τῶν δ’ ἄλλων διὰ τὴν ἀπειρίαν οἱ μὲν ὑπὸ τοῦ ῥείθρου κατεπόθηαν, οἱ δὲ πρὸσ τοὺσ πολεμίουσ ἐξέπεσον, οἱ πλεῖστοι δὲ παρενεχθέντεσ ἐπὶ πολὺν τόπον ὑπὸ τῶν ἐν τῷ ποταμῷ θηρίων κατεβρώθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 35

(디오도로스 시켈로스, Bibliotheca Historica, Books XVIII-XX, book 18, chapter 35)

상위

목록

SEARCH

MENU NAVIGATION