헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 25)

οἱ δὲ περὶ τὸν Ἀντίπατρον καὶ Κρατερὸν εἰσβαλόντεσ εἰσ τὴν Αἰτωλίαν καὶ τὰσ εὐχειρώτουσ πόλεισ ὁρῶντεσ ἐρήμουσ ὡρ́μησαν ἐπὶ τοὺσ ἀνακεχωρηκότασ εἰσ τὰσ δυσχωρίασ. τὸ μὲν οὖν πρῶτον οἱ Μακεδόνεσ πρὸσ τόπουσ ὀχυροὺσ καὶ τραχεῖσ βιαζόμενοι πολλοὺσ τῶν στρατιωτῶν ἀπέβαλον· ἡ γὰρ τόλμα τῶν Αἰτωλῶν προσλαβοῦσα τὴν ἐν τοῖσ τόποισ ὀχυρότητα ῥᾳδίωσ ἠμύνετο τοὺσ διὰ τὴν προπέτειαν εἰσ ἀβοηθήτουσ κινδύνουσ προπίπτοντασ· μετὰ δὲ ταῦτα τῶν περὶ Κρατερὸν στεγνὰ κατασκευασάντων καὶ συναναγκαζόντων τοὺσ πολεμίουσ μένειν τὸν χειμῶνα καὶ διακαρτερεῖν ἐν τόποισ χιονοβολουμένοισ καὶ τροφῆσ ἐνδεέσιν εἰσ τοὺσ ἐσχάτουσ ἦλθον κινδύνουσ· ἀναγκαῖον γὰρ ἦν ἢ καταβάντασ ἀπὸ τῶν ὀρέων διαγωνίσασθαι πρὸσ δυνάμεισ πολλαπλασίουσ καὶ στρατηγοὺσ ἐπιφανεῖσ ἢ μένοντασ ὑπ’ ἐνδείασ καὶ κρυμοῦ διαφθαρῆναι.

ἤδη δ’ αὐτῶν ἀπογινωσκόντων τὴν σωτηρίαν αὐτόματόσ τισ λύσισ τῶν κακῶν ἐφάνη, καθάπερ θεῶν τινοσ ἐλεοῦντοσ αὐτῶν τὴν εὐψυχίαν. Ἀντίγονοσ γὰρ ὁ πεφευγὼσ ἐκ τῆσ Ἀσίασ συμμίξασ τοῖσ περὶ τὸν Ἀντίπατρον ἐδίδαξεν αὐτοὺσ περὶ τῆσ ὅλησ ἐπιβουλῆσ τοῦ Περδίκκου καὶ διότι τὴν Κλεοπάτραν γαμήσασ εὐθὺσ ἥξει μετὰ τῆσ δυνάμεωσ εἰσ Μακεδονίαν ὡσ βασιλεὺσ καὶ τὴν ἡγεμονίαν αὐτῶν παραιρήσεται.

οἱ δὲ περὶ τὸν Κρατερὸν καὶ Ἀντίπατρον διὰ τὸ παράδοξον τῆσ προσαγγελίασ καταπλαγέντεσ συνήδρευσαν μετὰ τῶν ἡγεμόνων.

προτεθείσησ οὖν βουλῆσ περὶ τούτων ἔδοξεν ὁμογνωμόνωσ πρὸσ μὲν Αἰτωλοὺσ ἐφ’ οἷσ ἦν δυνατὸν διαλυθῆναι, τὰσ δὲ δυνάμεισ κατὰ τάχοσ περαιοῦν εἰσ τὴν Ἀσίαν καὶ τῷ μὲν Κρατερῷ τὴν τῆσ Ἀσίασ ἡγεμονίαν περιτιθέναι, τῷ δ’ Ἀντιπάτρῳ τὴν τῆσ Εὐρώπησ, πρεσβεύειν δὲ καὶ πρὸσ Πτολεμαῖον περὶ κοινοπραγίασ, ὄντα τοῦ μὲν Περδίκκου παντελῶσ ἀλλότριον, ἑαυτοῖσ δὲ φίλον, κοινῇ δὲ ἐπιβουλευόμενον. εὐθὺσ οὖν πρὸσ μὲν Αἰτωλοὺσ διάλυσιν ἐποιήσαντο, διεγνωκότεσ ὕστερον αὐτοὺσ καταπολεμῆσαι καὶ μεταστῆσαι πανοικίουσ ἅπαντασ εἰσ τὴν ἐρημίαν καὶ πορρωτάτω τῆσ Ἀσίασ κειμένην χώραν, αὐτοὶ δὲ δόγμα γράψαντεσ ἀκόλουθον τοϊσ προειρημένοισ παρεσκευάζοντο τὰ πρὸσ τὴν στρατείαν.

Περδίκκασ δὲ τούσ τε φίλουσ καὶ τοὺσ ἡγεμόνασ ἀθροίσασ προέθηκε βουλὴν πότερον ἐπὶ τὴν Μακεδονίαν χρὴ στρατεύειν ἢ πρότερον ἐπὶ τὸν Πτολεμαῖον ὁρμῆσαι.

πάντων δ’ ἐπενεχθέντων ἐπὶ τὸ πρότερον καταπολεμῆσαι τὸν Πτολεμαῖον, ὅπωσ μηδὲν ἐμπόδιον ἔχωσι τῆσ κατὰ τὴν Μακεδονίαν ὁρμῆσ, Εὐμενῆ μὲν ἐξέπεμψε μετὰ δυνάμεωσ ἀξιολόγου, προστάξασ ἐφεδρεύειν τοῖσ περὶ τὸν Ἑλλήσποντον τόποισ καὶ τὴν διάβασιν κωλύειν, αὐτὸσ δὲ ἀναλαβὼν τὴν δύναμιν ἐκ τῆσ Πισιδικῆσ τὴν πορείαν ἐπὶ τὴν Αἴγυπτον ἐποιεῖτο. ταῦτα μὲν οὖν ἐπράχθη κατὰ τοῦτον τὸν ἐνιαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 25

(디오도로스 시켈로스, Bibliotheca Historica, Books XVIII-XX, book 18, chapter 25)

상위

목록

SEARCH

MENU NAVIGATION