헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 18)

Ἀντίπατροσ δὲ διὰ ταύτησ τῆσ στρατηγίασ διαλύσασ τὸ σύστημα τῶν Ἑλλήνων ἤγαγε τὴν δύναμιν πᾶσαν ἐπὶ τοὺσ Ἀθηναίουσ. ὁ δὲ δῆμοσ ἐρημωθεὶσ τῆσ τῶν συμμάχων βοηθείασ ἐν ἀπορίᾳ πολλῇ καθειστήκει· πάντων δὲ καταφερομένων ἐπὶ τὸν Δημάδην καὶ βοώντων τοῦτον ἐκπέμπειν πρεσβευτὴν πρὸσ Ἀντίπατρον ὑπὲρ τῆσ εἰρήνησ οὗτοσ μὲν καλούμενοσ σύμβουλοσ οὐχ ὑπήκουσεν· ἦν γὰρ τρὶσ ἡλωκὼσ παρανόμων καὶ διὰ τοῦτο γεγονὼσ ἄτιμοσ καὶ κωλυόμενοσ ὑπὸ τῶν νόμων συμβουλεύειν·

ἀπολαβὼν δὲ τὴν ἐπιτιμίαν ὑπὸ τοῦ δήμου παραχρῆμα ἐξεπέμφθη πρεσβευτὴσ μετὰ Φωκίωνοσ καί τινων ἑτέρων. τοῦ δ’ Ἀντιπάτρου διακούσαντοσ τῶν λόγων καὶ δόντοσ ἀπόκρισιν ὡσ ἄλλωσ οὐ μὴ συλλύσηται τὸν πρὸσ Ἀθηναίουσ πόλεμον, ἐὰν μὴ τὰ καθ’ ἑαυτοὺσ ἐπιτρέψωσιν αὐτῷ ̔καὶ γὰρ ἐκείνουσ συγκλείσαντασ εἰσ Λάμιαν τὸν Ἀντίπατρον τὰσ αὐτὰσ ἀποκρίσεισ πεποιῆσθαι πρεσβεύσαντοσ αὐτοῦ περὶ τῆσ εἰρήνησ’ ὁ δῆμοσ οὐκ ὢν ἀξιόμαχοσ ἠναγκάσθη τὴν ἐπιτροπὴν καὶ τὴν ἐξουσίαν πᾶσαν Ἀντιπάτρῳ δοῦναι περὶ τῆσ πόλεωσ.

ὁ δὲ φιλανθρώπωσ αὐτοῖσ προσενεχθεὶσ συνεχώρησεν ἔχειν τήν τε πόλιν καὶ τὰσ κτήσεισ καὶ τἄλλα πάντα·

τὴν δὲ πολιτείαν μετέστησεν ἐκ τῆσ δημοκρατίασ καὶ προσέταξεν ἀπὸ τιμήσεωσ εἶναι τὸ πολίτευμα καὶ τοὺσ μὲν κεκτημένουσ πλείω δραχμῶν δισχιλίων κυρίουσ εἶναι τοῦ πολιτεύματοσ καὶ τῆσ χειροτονίασ, τοὺσ δὲ κατωτέρω τῆσ τιμήσεωσ ἅπαντασ ὡσ ταραχώδεισ ὄντασ καὶ πολε μικοὺσ ἀπήλασε τῆσ πολιτείασ καὶ τοῖσ βουλομένοισ χώραν ἔδωκεν εἰσ κατοίκησιν ἐν τῇ Θρᾴκῃ. οὗτοι μὲν οὖν ὄντεσ πλείουσ τῶν μυρίων καὶ δισχιλίων μετεστάθησαν ἐκ τῆσ πατρίδοσ, οἱ δὲ τὴν ὡρισμένην τίμησιν ἔχοντεσ περὶ ἐννακισχιλίουσ ἀπεδείχθησαν κύριοι τῆσ τε πόλεωσ καὶ χώρασ καὶ κατὰ τοὺσ Σόλωνοσ νόμου ἐπολιτεύοντο·

πάντεσ δὲ τὰσ οὐσίασ εἰάθησαν ἔχειν ἀναφαιρέτουσ. φρούραρχον δὲ Μένυλλον καὶ φρουρὰν ἠναγκάσθησαν δέξασθαι τὴν οὐκ ἐπιτρέψουσαν οὐδενὶ νεωτερίζειν. περὶ δὲ τῆσ Σάμου τὴν ἀναφορὰν ἐπὶ τοὺσ βασιλεῖσ ἐποιήσαντο.

Ἀθηναῖοι μὲν οὖν παρ’ ἐλπίδα φιλανθρωπευθέντεσ ἔτυχον τῆσ εἰρήνησ καὶ τὸ λοιπὸν ἀταράχωσ πολιτευόμενοι καὶ τὴν χώραν ἀδεῶσ καρπούμενοι ταχὺ ταῖσ οὐσίαισ προσανέδραμον. ὁ δ’ Ἀντίπατροσ ἐπανελθὼν εἰσ τὴν Μακεδονίαν τὸν μὲν Κρατερὸν ταῖσ ἁρμοζούσαισ τιμαῖσ τε καὶ δωρεαῖσ ἐκόσμησε καὶ τῶν θυγατέρων μίαν συνοικίσασ αὐτῷ τὴν πρεσβυτάτην Φίλαν τὴν εἰσ τὴν Ἀσίαν ἐπάνοδον συγκατεσκεύασεν.

ὁμοίωσ δὲ καὶ ταῖσ ἄλλαισ Ἑλληνίσι πόλεσιν ἐπιεικῶσ προσενεχθείσ καὶ τὰ πολιτεύματα συναγαγὼν καὶ καλῶσ καταστήσασ ἐπαίνων καὶ στεφάνων ἔτυχεν.

ὀ δὲ Περδίκκασ ἀποκαταστήσασ τοῖσ Σαμίοισ τήν τε πόλιν καὶ χώραν κατήγαγεν αὐτοὺσ εἰσ τὴν πατρίδα, πεφευγότασ ἔτη τρισὶ πλείω τῶν τεσσαράκοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 18

(디오도로스 시켈로스, Bibliotheca Historica, Books XVIII-XX, book 18, chapter 18)

상위

목록

SEARCH

MENU NAVIGATION