헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 13)

Λεωσθένησ δὲ μετὰ πάσησ τῆσ δυνάμεωσ παρελθὼν πλησίον τῆσ Λαμίασ καὶ τὴν παρεμβολὴν ὀχυρωσάμενοσ τάφρῳ βαθείᾳ καὶ χάρακι τὸ μὲν πρῶτον ἐκτάξασ τὴν δύναμιν προσῆγε τῇ πόλει καὶ τοὺσ Μακεδόνασ εἰσ μάχην προυκαλεῖτο. μὴ τολμώντων δὲ αὐτῶν διαγωνίσασθαι προσβολὰσ καθ’ ἡμέραν τοῖσ τείχεσιν ἐκ διαδοχῆσ ἐποιεῖτο. ἀμυνομένων δὲ τῶν Μακεδόνων εὐρώστωσ πολλοὶ τῶν προπετῶσ βιαζομένων Ἑλλήνων ἀπώλλυντο·

δυνάμεωσ γὰρ ἀξιολόγου κατὰ τὴν πόλιν οὔσησ καὶ βελῶν παντοδαπῶν ἀφθονίασ, ἔτι δὲ τείχουσ πολυτελοῦσ κατεσκευασμένου ῥᾳδίωσ οἱ πολιορκούμενοι περιεγίνοντο. ὁ δὲ Λεωσθένησ ἀπογνοὺσ τὴν ἐκ βίασ ἅλωσιν τῆσ πόλεωσ τὰσ ἀγομένασ εἰσ ταύτην ἀγορὰσ παρῃρεῖτο, νομίζων ῥᾳδίωσ τῇ σιτοδείᾳ καταπολεμήσειν τοὺσ ἐγκεκλεισμένουσ ἐν τῇ πόλει.

κατεσκεύαζε δὲ καὶ τεῖχοσ καὶ τάφρον ὤρυττεν μεγάλην καὶ βαθεῖαν, εἴργων τοὺσ πολιορκουμένουσ ἀπὸ τῆσ ἐξόδου. μετὰ δὲ ταῦτα Αἰτωλοὶ μὲν ἀξιώσαντεσ τὸν Λεωσθένην διά τινασ ἐθνικὰσ χρείασ κατὰ τὸ παρὸν ἀπελθεῖν ἐπ’ οἴκου πάντεσ ἐπανῆλθον εἰσ τὴν Αἰτωλίαν·

οὕτωσ δὲ τῶν περὶ Ἀντίπατρον καταπονηθέντων καὶ τῆσ πόλεωσ κινδυνευούσησ ἁλῶναι διὰ τὴν προσδοκωμένην σιτοδείαν ἡ τύχη τι παράδοξον ἀπένειμε τοῖσ Μακεδόσιν εὐκλήρημα. τοῦ γὰρ Ἀντιπάτρου τοῖσ τὰσ τάφρουσ ὀρύττουσιν ἐπιθεμένου καὶ συμπλοκῆσ γενομένησ ὁ Λεωσθένησ παραβοηθῶν τοῖσ ἰδίοισ καὶ πληγεὶσ εἰσ τὴν κεφαλὴν λίθῳ παραχρῆμα μὲν ἔπεσεν καὶ λιποψυχήσασ εἰσ τὴν παρεμβολὴν ἀπεκομίσθη, τῇ τρίτῃ δ’ ἡμέρᾳ τελευτήσαντοσ αὐτοῦ καὶ ταφέντοσ ἡρωικῶσ διὰ τὴν ἐν τῷ πολέμῳ δόξαν ὁ μὲν δῆμοσ τῶν Ἀθηναίων τὸν ἐπιτάφιον ἔπαινον εἰπεῖν προσέταξεν Ὑπερείδῃ τῷ πρωτεύοντι τῶν ῥητόρων τῇ τοῦ λόγου δεινότητι καὶ τῇ κατὰ τῶν Μακεδόνων ἀλλοτριότητι·

κατ’ ἐκεῖνον γὰρ τὸν καιρὸν ὁ μὲν κορυφαῖοσ τῶν Ἀθήνησι ῥητόρων Δημοσθένησ ἐπεφεύγει, καταδεδικασμένοσ ὡσ εἰληφὼσ τῶν Ἁρπαλείων χρημάτων.

ἀντὶ δὲ τοῦ Λεωσθένουσ κατεστάθη στρατηγὸσ Ἀντίφιλοσ, ἀνὴρ συνέσει στρατηγικῇ καὶ ἀνδρείᾳ διαφέρων. καὶ τὰ μὲν κατὰ τὴν Εὐρώπην ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 13

(디오도로스 시켈로스, Bibliotheca Historica, Books XVIII-XX, book 18, chapter 13)

상위

목록

SEARCH

MENU NAVIGATION