헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 11)

αἱ μὲν κατ’ ἔθνοσ, αἱ δὲ κατὰ πόλιν. τῶν δ’ ἄλλων Ἑλλήνων οἱ μὲν πρὸσ Μακεδόνασ ἀπέκλινον, οἱ δὲ τὴν ἡσυχίαν εἵλοντο. Αἰτωλοὶ μὲν οὖν ἅπαντεσ πρῶτοι συνέθεντο τὴν συμμαχίαν, καθάπερ προείρηται, μετὰ δὲ τούτουσ Θετταλοὶ μὲν πάντεσ πλὴν Πελινναίων, Οἰταῖοι δὲ πλὴν Ἡρακλεωτῶν, Ἀχαιοὶ δὲ Φθιῶται πλὴν Θηβαίων, Μηλιεῖσ δὲ πλὴν Λαμιέων, ἑξῆσ δὲ Δωριεῖσ ἅπαντεσ καὶ Λοκροὶ καὶ Φωκεῖσ, ἔτι δ’ Αἰνιᾶνεσ καὶ Ἀλυζαῖοι καὶ Δόλοπεσ, πρὸσ δὲ τούτοισ Ἀθαμᾶνεσ καὶ Λευκάδιοι καὶ Μολοττῶν οἱ περὶ Ἀρυπταῖον· οὗτοσ δ’ ὕπουλον συμμαχίαν συνθέμενοσ ὕστερον διὰ προδοσίασ συνήργησε τοῖσ Μακεδόσι. τῶν τ’ Ἰλλυριῶν καὶ Θρᾳκῶν ὀλίγοι συνέθεντο συμμαχίαν διὰ τὸ πρὸσ τοὺσ Μακεδόνασ μῖσοσ. ἑξῆσ δὲ συνελάβοντο τοῦ πολέμου Καρύστιοι μὲν ἐξ Εὐβοίασ, τελευταῖοι δὲ τῶν Πελοποννησίων Ἀργεῖοι, Σικυώνιοι, Ἠλεῖοι, Μεσσήνιοι καὶ οἱ τὴν Ἀκτὴν κατοικοῦντεσ.

οἱ μὲν οὖν συμμαχίαν συνθέμενοι τῶν Ἑλλήνων ὑπῆρχον οἱ προειρημένοι. ὁ δὲ δῆμοσ ἀπέστελλε στρατιώτασ τῷ Λεωσθένει βοηθήσοντασ πολιτικοὺσ μὲν πεζοὺσ πεντακισχιλίουσ, ἱππεῖσ δὲ πεντακοσίουσ, μισθοφόρουσ δὲ δισχιλίουσ.

τούτων δὲ πορευομένων διὰ τῆσ Βοιωτίασ ἀλλοτρίουσ συνέβαινεν εἶναι τοὺσ Βοιωτοὺσ τοῖσ Ἀθηναίοισ διὰ τοιαύτασ τινὰσ αἰτίασ. Ἀλέξανδροσ Θήβασ κατασκάψασ τὴν χώραν τοῖσ περιοικοῦσι Βοιωτοῖσ ἔδωκεν. οὗτοι δὲ κατακληρουχήσαντεσ τὰσ τῶν ἠτυχηκότων κτήσεισ ἐκ τῆσ χώρασ μεγάλασ ἐλάμβανον προσόδουσ.

διόπερ εἰδότεσ ὅτι κρατήσαντεσ Ἀθηναῖοι τῷ πολέμῳ τοῖσ Θηβαίοισ ἀποκαταστήσουσι τήν τε κατρίδα καὶ τὴν χώραν, ἀκέκλινον πρὸσ τοὺσ Μακεδόνασ. στρατοπεδευόντων δ’ αὐτῶν περὶ τὰσ Πλαταιὰσ ὁ Λεωσθένησ μέροσ τῆσ ἰδίασ δυνάμεωσ ἀναλαβὼν ἧκεν εἰσ τὴν Βοιωτίαν.

μετὰ δὲ τῶν Ἀθηναίων παραταξάμενοσ πρὸσ τοὺσ ἐγχωρίουσ μάχῃ τε ἐνίκησε καὶ τρόκαιον στήσασ ταχέωσ ἐπανῆλθεν εἰσ Πύλασ· ἐνταῦθα γὰρ διατρίβων χρόνον τινὰ προκατείληπτο τὰσ παρόδουσ καὶ τὴν τῶν Μακεδόνων δύναμιν ἀνεδέχετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 11

(디오도로스 시켈로스, Bibliotheca Historica, Books XVIII-XX, book 18, chapter 11)

상위

목록

SEARCH

MENU NAVIGATION