헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 10)

ἐλευθερῶσαι τὴν Ἑλλάδα· ὁ δὲ δῆμοσ τῶν Ἀθηναίων, τῶν μὲν κτηματικῶν συμβουλευόντων τὴν ἡσυχίαν ἄγειν, τῶν δὲ δημοκόπων ἀνασειόντων τὰ πλήθη καὶ παρακαλούντων ἐρρωμένωσ ἔχεσθαι τοῦ πολέμου, πολὺ τοῖσ πλήθεσιν ὑπερεῖχον οἱ τὸν πόλεμον αἱρούμενοι καὶ τὰσ τροφὰσ εἰωθότεσ ἔχειν ἐκ τοῦ μισθοφορεῖν· οἷσ ποτ’ ἔφησεν ὁ Φίλιπποσ τὸν μὲν πόλεμον εἰρήνην ὑπάρχειν, τὴν δὲ εἰρήνην πόλεμον. εὐθὺσ οὖν οἱ μὲν ῥήτορεσ τὰσ τῶν δημοτικῶν ὁρμὰσ σωματοποιοῦντεσ ἔγραψαν ψήφισμα τῆσ κοινῆσ τῶν Ἑλλήνων ἐλευθερίασ φροντίσαι τὸν δῆμον καὶ τὰσ μὲν φρουρουμένασ πόλεισ ἐλευθερῶσαι, ναῦσ δὲ παρασκευάσαι τετρήρεισ μὲν τεσσαράκοντα, τριήρεισ δὲ διακοσίασ, στρατεύσασθαι δὲ πάντασ Ἀθηναίουσ τοὺσ μέχρι ἐτῶν τεσσαράκοντα καὶ τρεῖσ μὲν φυλὰσ τὴν Ἀττικὴν παραφυλάττειν, τὰσ δ’ ἑπτὰ πρὸσ τὰσ ὑπερορίουσ στρατείασ ἑτοίμουσ εἶναι.

ἐκπέμψαι δὲ καὶ πρέσβεισ τοὺσ ἐπελευσομένουσ τὰσ Ἑλληνίδασ πόλεισ καὶ διδάξοντασ ὅτι καὶ πρότερον μὲν ὁ δῆμοσ, τὴν Ἑλλάδα πᾶσαν κοινὴν εἶναι πατρίδα κρίνων τῶν Ἑλλήνων, τοὺσ ἐπὶ δουλείᾳ στρατευσαμένουσ βαρβάρουσ ἠμύνατο κατὰ θάλασσαν καὶ νῦν οἰέται δεῖν ὑπὲρ τῆσ κοινῆσ τῶν Ἑλλήνων σωτηρίασ καὶ σώμασι καὶ χρήμασι καὶ ναυσὶ προκινδυνεύειν.

κυρωθέντοσ δὲ τοῦ ψηφίσματοσ προχειρότερον ἢ συνέφερεν οἱ μὲν συνέσει διαφέροντεσ τῶν Ἑλλήνων ἔφασαν τὸν δῆμον τῶν Ἀθηναίων τὰ μὲν πρὸσ εὐδοξίαν εὖ βεβουλεῦσθαι, τοῦ δὲ συμφέροντοσ διημαρτηκέναι·

προεξανίστασθαι γὰρ αὐτὸν τῶν καιρῶν καὶ πρὸσ ἀνικήτουσ καὶ μεγάλασ δυνάμεισ ἐπιβάλλεσθαι διακινδυνεύειν μηδεμιᾶσ ἀνάγκησ κατεπειγούσησ καὶ φρονήσει δοκοῦντα διαφέρειν μηδὲ ταῖσ περιβοήτοισ τῶν Θηβαίων συμφοραῖσ νενουθετῆσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 10

(디오도로스 시켈로스, Bibliotheca Historica, Books XVIII-XX, book 18, chapter 10)

상위

목록

SEARCH

MENU NAVIGATION