헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 8)

κατὰ δὲ τὴν Εὐρώπην Ῥόδιοι μὲν ἐκβαλόντεσ τὴν Μακεδονικὴν φρουρὰν ἠλευθέρωσαν τὴν πόλιν, Ἀθηναῖοι δὲ πρὸσ Ἀντίπατρον πόλεμον ἐξήνεγκαν τὸν ὀνομασθέντα Λαμιακόν. τούτου δὲ τὰσ αἰτίασ ἀναγκαῖόν ἐστι προεκθέσθαι χάριν τοῦ σαφεστέρασ γενέσθαι τὰσ ἐν αὐτῷ συντελεσθείσασ πράξεισ. Ἀλέξανδροσ γὰρ βραχεῖ χρόνῳ πρότερον τῆσ τελευτῆσ ἔκρινε κατάγειν ἅπαντασ τοὺσ ἐν ταῖσ Ἑλληνίσι πόλεσι φυγάδασ, ἅμα μὲν δόξησ ἕνεκεν, ἅμα δὲ βουλόμενοσ ἔχειν ἐν ἑκάστῃ πόλει πολλοὺσ ἰδίουσ ταῖσ εὐνοίαισ πρὸσ τοὺσ νεωτερισμοὺσ καὶ τὰσ ἀποστάσεισ τῶν Ἑλλήνων.

διόπερ ὑπογύων ὄντων τῶν Ὀλυμπίων ἐξέπεμψεν εἰσ τὴν Ἑλλάδα Νικάνορα τὸν Σταγειρίτην, δοὺσ ἐπιστολὴν περὶ τῆσ καθόδου·

ταύτην δὲ προσέταξεν ἐν τῇ πανηγύρει διὰ τοῦ νικήσαντοσ κήρυκοσ ἀναγνωσθῆναι τοῖσ πλήθεσιν. τούτου δὲ ποιήσαντοσ τὸ προσταχθὲν λαβὼν ὁ κῆρυξ ἀνέγνω τὴν ἐπιστολὴν τήνδε.

"βασιλεὺσ Ἀλέξανδροσ τοῖσ ἐκ τῶν Ἐλληνίδων πόλεων φυγάσι. "τοῦ μὲν φεύγειν ὑμᾶσ οὐχ ἡμεῖσ αἴτιοι γεγόναμεν, τοῦ δὲ κατελθεῖν εἰσ τὰσ ἰδίασ πατρίδασ ἡμεῖσ ἐσόμεθα πλὴν τῶν ἐναγῶν. γεγράφαμεν δὲ Ἀντιπάτρῳ περὶ τούτων, ὅπωσ τὰσ μὴν βουλομένασ τῶν πόλεων κατάγειν ἀναγκάσῃ. κηρυχθέντων δὲ τούτων μεγάλῳ κρότῳ ἐπεσήμηνε τὸ πλῆθοσ· ἀποδεξάμενοι γὰρ οἱ κατὰ τὴν πανήγυριν τὴν χάριν τοῦ βασιλέωσ διὰ τὴν χαρὰν ἠμείβοντο τὴν εὐεργεσίαν τοῖσ ἐπαίνοισ.

ἦσαν δ’ οἱ φυγάδεσ ἀπηντηκότεσ ἅπαντεσ ἐπὶ τὴν πανήγυριν, ὄντεσ πλείουσ τῶν δισμυρίων. οἱ μὲν οὖν πολλοὶ τὴν κάθοδον τῶν φυγάδων ὡσ ἐπ’ ἀγαθῷ γινομένην ἀπεδέχοντο, Αἰτωλοὶ δὲ καὶ Ἀθηναῖοι δυσχεραίνοντεσ τῇ πράξει χαλεπῶσ ἔφερον.

Αἰτωλοὶ μὲν γὰρ τοὺσ Οἰνιάδασ ἐκβεβληκότεσ ἐκ τῆσ πατρίδοσ προσεδόκων τὴν ἐπὶ τοῖσ παρανομήμασιν ἐπακολουθοῦσαν κόλασιν· καὶ γὰρ ὁ βασιλεὺσ ἠπειληκὼσ ἦν ὡσ οὐκ Οἰνιαδῶν παῖδεσ, ἀλλ’ αὐτὸσ ἐπιθήσει τὴν δίκην αὐτοῖσ· ὁμοίωσ δὲ τούτοισ Ἀθηναῖοι τὴν Σάμον κατακεκληρουχηκότεσ οὐδαμῶσ τὴν νῆσον ταύτην προϊέντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 8

(디오도로스 시켈로스, Bibliotheca Historica, Books XVIII-XX, book 18, chapter 8)

상위

목록

SEARCH

MENU NAVIGATION