헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 5)

ἡμεῖσ δὲ πρὸσ τὰσ μελλούσασ ἱστορεῖσθαι πράξεισ οἰκεῖον εἶναι νομίζομεν ἐκθεῖναι πρότερον τάσ τε αἰτίασ τῆσ ἀποστάσεωσ καὶ τῆσ ὅλησ Ἀσίασ τὴν θέσιν καὶ τῶν σατραπειῶν τὰ μεγέθη καὶ τὰσ ἰδιότητασ. οὕτωσ γὰρ μάλιστα εὐπαρακολούθητοσ τοῖσ ἀναγινώσκουσιν ἡ διήγησισ ἔσται, πρὸ ὀφθαλμῶν τεθείσησ τῆσ ὅλησ τοποθεσίασ καὶ τῶν διαστημάτων. ἀπὸ τοίνυν τοῦ κατὰ Κιλικίαν Ταύρου συνεχὲσ ὄροσ δι’ ὅλησ τῆσ Ἀσίασ διήκει μέχρι τοῦ Καυκάσου καὶ τοῦ πρὸσ ἀνατολὰσ Ὠκεανοῦ·

τοῦτο δὲ παντοδαποῖσ ἀναστήμασι λόφων διειλημμένον ἰδίασ καθ’ ἕκαστον ἔχει προσηγορίασ. τοῦτον δὲ τὸν τρόπον εἰσ δύο μέρη διαιρουμένησ τῆσ Ἀσίασ τὸ μὲν πρὸσ τὰσ ἄρκτουσ αὐτῆσ νένευκεν, τὸ δὲ πρὸσ τὴν μεσημβρίαν.

ἀκολούθωσ δὲ τούτοισ τοῖσ κλίμασι τῶν ποταμῶν τὰσ ῥύσεισ ἐχόντων ἀντιπροσώπουσ οἱ μὲν εἰσ τὴν Κασπίαν θάλατταν, οἱ δὲ εἰσ τὸν Εὔξεινον Πόντον, ἔνιοι δὲ εἰσ τὸν ὑπὸ τὰσ ἄρκτουσ Ὠκεανὸν ἐξερεύγονται. οἱ δ’ ἀντικείμενοι τούτοισ οἱ μὲν εἰσ τὸν κατὰ τὴν Ἰνδικήν, οἱ δ’ ἐπὶ τὸν συνεχῆ τῆσ ἠπείρου ταύτησ κείμενον Ὠκεανὸν ἐκβάλλουσιν, ἔνιοι δ’ εἰσ τὴν καλουμένην Ἐρυθρὰν θάλατταν καταφέρονται. ὁμοίωσ δὲ τούτοισ διειλημμένων τῶν σατραπειῶν αἱ μὲν ἐπὶ τὴν ἄρκτον, αἱ δ’ ἐπὶ τὴν μεσημβρίαν ἔχουσι τὰσ κλίσεισ.

καὶ πρώτη μὲν τῶν πρὸσ τὴν ἄρκτον ἐστραμμένων κεῖται παρὰ τὸν Τάναϊν ποταμὸν Σογδιανὴ καὶ Βακτριανὴ καὶ τούτων ἐχομένη Ἀρία καὶ Παρθυαία καὶ Ὑρκανία, δι’ ἧσ συμβαίνει περιέχεσθαι τὴν Ὑρκανίαν θάλατταν, οὖσαν καθ’ αὑτήν· μετὰ δὲ ταῦτα Μηδία, πολλὰσ μὲν ἔχουσα τόπων προσηγορίασ, μεγίστη δ’ οὖσα πασῶν τῶν σατραπειῶν· ἑξῆσ δ’ Ἀρμενία καὶ Λυκαονία καὶ Καππαδοκία, πᾶσαι τὸν ἀέρα δυσχείμερον ἔχουσαι· ταύταισ δὲ συνορίζουσαι κατ’ εὐθεῖαν μὲν ἥ τε μεγάλη Φρυγία καὶ ἡ ἐφ’ Ἑλλησπόντῳ κειμένη, ἐκ δὲ τῶν πλαγίων Λυδία καὶ Καρία, ὑπερδέξιοσ δὲ τῆσ Φρυγίασ καὶ παράλληλοσ ἡ Πισιδικὴ καὶ ταύτησ ἐχομένη Λυκία. ἐν δὲ τοῖσ παρὰ θάλασσαν τόποισ τούτων τῶν σατραπειῶν αἱ τῶν Ἑλλήνων πόλεισ καθίδρυνται, ὧν τὰσ προσηγορίασ γράφειν οὐκ ἀναγκαῖον πρὸσ τὴν ὑποκειμένην ὑπόθεσιν.

αἱ μὲν οὖν πρὸσ τὴν ἄρκτον ἐστραμμέναι σατραπεῖαι τὸν εἰρημένον τρόπον καθίδρυνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 5

(디오도로스 시켈로스, Bibliotheca Historica, Books XVIII-XX, book 18, chapter 5)

상위

목록

SEARCH

MENU NAVIGATION