헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 89)

τῇ δ’ ἑξῆσ ἡμέρᾳ παρῆσαν μὲν οἱ περὶ τὸν Βροῦτον πεποιημένοι τὰσ πρὸσ τὴν βουλὴν συνθήκασ διὰ τῶν εἰρηνοδικῶν, οὓσ καλοῦσι Ῥωμαῖοι Φητιάλεισ. νεμηθεὶσ δ’ ὁ δῆμοσ εἰσ τὰσ τότε οὔσασ φράτρασ, ἢ ὅπωσ βούλεταί τισ αὐτὰσ προσαγορεύειν, ἃσ ἐκεῖνοι καλοῦσι κουρίασ, ἄρχοντασ ἐνιαυσίουσ ἀποδεικνύουσι τούσδε· καὶ ἔτι πρὸσ τούτοισ Γάιον καὶ Πόπλιον Λικιννίουσ καὶ Γάιον Οὐισκέλλιον Ῥοῦγαν.

οὗτοι τὴν δημαρχικὴν ἐξουσίαν πρῶτοι παρέλαβον οἱ πέντε ἄνδρεσ ἡμέρᾳ τετάρτῃ πρότερον εἰδῶν Δεκεμβρίων, ὥσπερ καὶ μέχρι τοῦ καθ’ ἡμᾶσ χρόνου γίνεται.

τελεσθεισῶν δὲ τῶν ἀρχαιρεσιῶν τοῖσ μὲν παρὰ τῆσ βουλῆσ ἥκουσι καλῶσ ἔχειν ἐδόκει πάντα, περὶ ὧν ἀπεστάλησαν· ὁ δὲ Βροῦτοσ ἐκκλησίαν συναγαγὼν συνεβούλευε τοῖσ δημόταισ ἱερὰν καὶ ἄσυλον ἀποδεῖξαι τὴν ἀρχὴν νόμῳ τε καὶ ὁρ́κῳ βεβαιώσαντασ αὐτῇ τὸ ἀσφαλέσ. ἐδόκει ταῦτα πᾶσι, καὶ γράφεται πρὸσ αὐτοῦ καὶ τῶν συναρχόντων ὅδε ὁ νόμοσ· δήμαρχον ἄκοντα, ὥσπερ ἕνα τῶν πολλῶν, μηδεὶσ μηδὲν ἀναγκαζέτω δρᾶν μηδὲ μαστιγούτω μηδ’ ἐπιταττέτω μαστιγοῦν ἑτέρῳ μηδ’ ἀποκτιννύτω μηδ’ ἀποκτείνειν κελευέτω.

ἐὰν δέ τισ τῶν ἀπηγορευμένων τι ποιήσῃ, ἐξάγιστοσ ἔστω, καὶ τὰ χρήματα αὐτοῦ Δήμητροσ ἱερά, καὶ ὁ κτείνασ τινὰ τῶν ταῦτ’ εἰργασμένων φόνου καθαρὸσ ἔστω. καὶ ἵνα μηδὲ τὸ λοιπὸν τῷ δήμῳ ἐξουσία γένηται καταπαῦσαι τόνδε τὸν νόμον, ἀλλ’ εἰσ ἅπαντα τὸν χρόνον ἀκίνητοσ διαμείνῃ, πάντασ ἐτάχθη Ῥωμαίουσ ὀμόσαι καθ’ ἱερῶν ἦ μὴν χρήσεσθαι τῷ νόμῳ καὶ αὐτοὺσ καὶ ἐγγόνουσ τὸν ἀεὶ χρόνον, ἀρά τε τῷ ὁρ́κῳ προσετέθη, τοῖσ μὲν ἐμπεδοῦσι τοὺσ θεοὺσ τοὺσ οὐρανίουσ ἵλεωσ εἶναι καὶ δαίμονασ τοὺσ καταχθονίουσ, τοῖσ δὲ παραβαίνουσιν ἐναντία καὶ τὰ παρὰ θεῶν γίνεσθαι καὶ τὰ παρὰ δαιμόνων ὡσ ἄγει τῷ μεγίστῳ ἐνόχοισ.

ἐκ τούτων κατέστη τοῖσ Ῥωμαίοισ ἔθοσ τὰ τῶν δημάρχων σώματα ἱερὰ εἶναι καὶ παναγῆ, καὶ μέχρι τοῦ καθ’ ἡμᾶσ χρόνου διαμένει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 89

(디오니시오스, Antiquitates Romanae, Books IV-VI, book 6, chapter 89)

상위

목록

SEARCH

MENU NAVIGATION