헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 81)

ὁ μὲν δὴ Βροῦτοσ τοιούτουσ εἰπὼν λόγουσ ἐπαύσατο· τοῖσ δὲ παροῦσιν, ὅσα τε περὶ τῶν δικαίων εἶπεν, ἀληθῆ εἶναι ἐδόκει καὶ ὅσα τῆσ ὑπεροψίασ τοῦ συνεδρίου κατηγόρησε, μάλιστα δ’ ἐν οἷσ τὸ ἀσφαλὲσ τῶν ὁμολογιῶν δόλου μεστὸν ἀπεδείκνυε καὶ ἀπάτησ. ἐπεὶ δὲ τὰσ ὕβρεισ τελευτῶν διῆλθεν, ἃσ ἦσαν ὑβρισμένοι ὑπὸ τῶν δανειστῶν, καὶ τῶν οἰκείων ἕκαστον ἀνέμνησε κακῶν, οὐδεὶσ ἦν στερρὸσ οὕτω τὴν διάνοιαν, ὃσ οὐκ ἐξεχεῖτο τοῖσ δάκρυσι καὶ ἀνεκλαίετο τὰσ κοινὰσ συμφοράσ·

καὶ τοῦτ’ οὐκ αὐτοῖσ μόνοισ συνέβαινε παθεῖν, ἀλλὰ καὶ τοῖσ παρὰ τῆσ βουλῆσ ἥκουσιν. οὐδὲ γὰρ οἱ πρέσβεισ τὰ δάκρυα κατέχειν ἴσχυον ἐνθυμούμενοι τὰσ ἐκ τοῦ διοικισμοῦ τῆσ πόλεωσ ἀτυχίασ, καὶ πολὺσ ἦν χρόνοσ ἐν ᾧ κατηφεῖσ καὶ δεδακρυμένοι καὶ τί χρὴ λέγειν ἀποροῦντεσ εἱστήκεσαν. ἀξιώσει, Τῖτοσ Λάρκιοσ, ὃσ δὶσ ἀποδειχθεὶσ ὕπατοσ δυναστείᾳ τῇ καλουμένῃ δικτατορίᾳ κράτιστα πάντων ἀνθρώπων χρησάμενοσ ἱερὰν καὶ σεβασμοῦ μεστὴν ἐποίησε νομισθῆναι τὴν ἐπίφθονον ἀρχήν.

ἐπιβαλλόμενοσ δὲ περὶ τοῦ δικαίου ποιεῖσθαι λόγουσ, καὶ τὰ μὲν τοῖσ δανειστικοῖσ ἐγκαλῶν ὡσ ὠμὰ καὶ ἀπάνθρωπα διαπεπραγμένοισ, τὰ δὲ τῶν πενήτων καθαπτόμενοσ ὡσ οὐ δικαίωσ ἀξιούντων βίᾳ μᾶλλον ἀφεῖσθαι τῶν ὀφειλημάτων ἢ χάριτι, καὶ ὡσ τὴν βουλὴν οὐκ ὀρθῶσ δἰ ὀργῆσ ἐχόντων ἐπὶ τῷ μηθενὸσ τῶν μετρίων παρ’ αὐτῆσ τυγχάνειν, μᾶλλον ἢ οὐχὶ τοὺσ αἰτίουσ·

πειρώμενόσ τ’ ἀποφαίνειν βραχὺ μὲν ὑπάρχον τοῦ δήμου τὸ μὴ κατὰ γνώμην ἀδικοῦν, ὑπὸ δὲ μήκουσ ἀπορίασ ἠναγκασμένον αἰτεῖσθαι τὴν ἄφεσιν, τὸ δὲ πλεῖον ἀκολασίᾳ καὶ ὕβρει καὶ τῷ καθ’ ἡδονὰσ ζῆν ἐφεικὸσ καὶ δἰ ἁρπαγῆσ ἐκ τῶν ἀλλοτρίων ὑπηρετεῖν ταῖσ ἐπιθυμίαισ παρεσκευασμένον, διακρίνεσθαί τε οἰόμενοσ δεῖν ἀπὸ τῶν ἐλεεινῶν τὰ πονηρὰ καὶ ἀπὸ τῶν φιλανθρωπίασ δεομένων τὰ μίσουσ ἄξια, καὶ τοιούτουσ τινὰσ ἄλλουσ καθιστάμενοσ λόγουσ ἀληθεῖσ μέν, οὐχ ἅπασι δὲ τοῖσ ἀκούουσι κεχαρισμένουσ, οὐκ ἔπειθεν, ἀλλὰ θροῦσ ἦν ἐφ’ ἑκάστῳ πολὺσ καὶ τῶν μὲν ἀγανακτήσεισ ὡσ ἐξαιμάττοντοσ τὰσ λύπασ, τῶν δ’ ἐξομολογήσεισ ὡσ οὐδὲν τῶν ἀληθῶν ἀποκρυπτομένου·

ἔλαττον δὲ πολλῷ τοῦτ’ ἦν θατέρου τὸ μέροσ, ὥστ’ ἠφανίζοντο τῷ πολλῷ καὶ περιῆν ἡ τοῦ ἀγανακτοῦντοσ βοή.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 81

(디오니시오스, Antiquitates Romanae, Books IV-VI, book 6, chapter 81)

상위

목록

SEARCH

MENU NAVIGATION