헬라어 문장 검색 - Διονψσ́Αντιθυί1́68́

(디오니시오스, Antiquitates Romanae, book 1, chapter 68)

ἃ δὲ αὐτόσ τε ἰδὼν ἐπίσταμαι καὶ δέοσ οὐδὲν ἀποκωλύει με περὶ αὐτῶν γράφειν τοιάδε ἐστί· νεὼσ ἐν Ῥώμῃ δείκνυται τῆσ ἀγορᾶσ οὐ πρόσω κατὰ τὴν ἐπὶ Καρίνασ φέρουσαν ἐπίτομον ὁδὸν ὑπεροχῇ σκοτεινὸσ ἱδρυμένοσ οὐ μέγασ. λέγεται δὲ κατὰ τὴν ἐπιχώριον γλῶτταν ὑπ’ Ἐλαίασ τὸ χωρίον.

ἐν δὲ τούτῳ κεῖνται τῶν Τρωικῶν θεῶν εἰκόνεσ, ἃσ ἅπασιν ὁρᾶν θέμισ, ἐπιγραφὴν ἔχουσαι δηλοῦσαν τοὺσ Πενάτασ. εἰσὶ δὲ νεανίαι δύο καθήμενοι δόρατα διειληφότεσ, τῆσ παλαιᾶσ ἔργα τέχνησ.

πολλὰ δὲ καὶ ἄλλα ἐν ἱεροῖσ ἀρχαίοισ εἴδωλα τῶν θεῶν τούτων ἐθεασάμεθα, καὶ ἐν ἅπασι νεανίσκοι δύο στρατιωτικὰ σχήματα ἔχοντεσ φαίνονται. ὁρᾶν μὲν δὴ ταῦτα ἔξεστιν, ἀκούειν δὲ καὶ γράφειν ὑπὲρ αὐτῶν, ἃ Καλλίστρατόσ τε ὁ περὶ Σαμοθρᾴκησ συνταξάμενοσ ἱστορεῖ καὶ Σάτυροσ ὁ· τοὺσ ἀρχαίουσ μύθουσ συναγαγὼν καὶ ἄλλοι συχνοί, παλαιότατοσ δὲ ὧν ἡμεῖσ ἴσμεν ποιητὴσ Ἀρκτῖνοσ. λέγουσι γοῦν ὧδε·

Χρύσην τὴν Πάλλαντοσ θυγατέρα γημαμένην Δαρδάνῳ φερνὰσ ἐπενέγκασθαι δωρεὰσ Ἀθηνᾶσ τά τε Παλλάδια καὶ τὰ ἱερὰ τῶν μεγάλων θεῶν διδαχθεῖσαν αὐτῶν τὰσ τελετάσ. ἐπειδὴ δὲ τὴν ἐπομβρίαν φεύγοντεσ Ἀρκάδεσ Πελοπόννησον μὲν ἐξέλιπον, ἐν δὲ τῇ Θρᾳκίᾳ νήσῳ τοὺσ βίουσ ἱδρύσαντο, κατασκευάσαι τὸν Δάρδανον ἐνταῦθα τῶν θεῶν τούτων ἱερὸν ἀρρήτουσ τοῖσ ἄλλοισ ποιοῦντα τὰσ ἰδίουσ αὐτῶν ὀνομασίασ καὶ τὰσ τελετὰσ αὐτοῖσ τὰσ καὶ εἰσ τόδε χρόνου γινομένασ ὑπὸ Σαμοθρᾴκων ἐπιτελεῖν. ὡσ δὲ μετῆγε τοῦ λεὼ τὴν πλείω μοῖραν εἰσ τὴν Ἀσίαν τὰ μὲν ἱερὰ τῶν θεῶν καὶ τὰσ τελετὰσ τοῖσ ὑπομείνασιν ἐν τῇ νήσῳ καταλιπεῖν·

τὰ δὲ Παλλάδια καὶ τὰσ τῶν θεῶν εἰκόνασ κατασκευασάμενον ἀγαγέσθαι μετ’ αὐτοῦ.

διαμαντευόμενον δὲ περὶ τῆσ οἰκήσεωσ τά τε ἄλλα μαθεῖν καὶ περὶ τῶν ἱερῶν τῆσ φυλακῆσ τόνδε τὸν χρησμὸν λαβεῖν· εἰσ πόλιν ἣν κτίζῃσθα θεοῖσ σέβασ ἄφθιτον αἰεὶ θεῖναι, καὶ φυλακαῖσ τε σέβειν θυσίαισ τε χοροῖσ τε. ἔστ’ ἂν γὰρ τάδε σεμνὰ καθ’ ὑμετέρην χθόνα μίμνῃ δῶρα Διὸσ κούρησ ἀλόχῳ σέθεν, ἡ δὲ πόλισ σοι ἔσται ἀπόρθητοσ τὸν ἀεὶ χρόνον ἤματα πάντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 68

(디오니시오스, Antiquitates Romanae, book 1, chapter 68)

상위

목록

SEARCH

MENU NAVIGATION