헬라어 텍스트

Dionysius of Halicarnassus, Antiquitates Romanae, book 1, chapter 45

(디오니시오스, Antiquitates Romanae, book 1, chapter 45)

κατὰ δὲ τὸν χρόνον τοῦτον Τρῶεσ οἱ σὺν Αἰνείᾳ διαφυγόντεσ ἐξ Ἰλίου τῆσ πόλεωσ ἁλούσησ κατέσχον εἰσ Λωρεντόν, αἰγιαλὸν Ἀβοριγίνων ἐπὶ τῷ Τυρρηνικῷ πελάγει κείμενον, οὐ πρόσω τῶν ἐκβολῶν τοῦ Τεβέριοσ· λαβόντεσ δὲ παρὰ τῶν Ἀβοριγίνων χωρίον εἰσ οἴκησιν καὶ ὅσα ἠξίουν, πολίζονται μικρὸν ἀποσχόντεσ ἀπὸ θαλάττησ ἐπὶ λόφῳ τινὶ Λαουΐνιον ὄνομα τῇ πόλει θέμενοι. ὀλίγῳ δ’ ὕστερον χρόνῳ τὴν ἀρχαίαν ἀλλάξαντεσ ὀνομασίαν ἅμα τοῖσ Ἀβοριγῖσιν ἀπὸ τοῦ βασιλέωσ τῆσ χώρασ Λατῖνοι ὠνομάσθησαν·

καὶ μεταναστάντεσ ἐκ τοῦ Λαουϊνίου κοινῇ μετὰ τῶν ἐπιχωρίων μείζονα περιβάλλονται πόλιν, ἣν Ἄλβαν ἐκάλεσαν, ἐξ ἧσ ὁρμώμενοι πολλὰσ μὲν καὶ ἄλλασ πόλεισ ἔκτισαν τῶν κληθέντων Πρίσκων Λατίνων, ἐξ ὧν αἱ πλεῖσται ἔτι καὶ εἰσ ἐμὲ ἦσαν οἰκούμεναι, γενεαῖσ δ’ ὕστερον ἑκκαίδεκα μετὰ τὴν Ἰλίου ἅλωσιν ἐκπέμψαντεσ ἀποικίαν εἰσ τὸ Παλλάντιόν τε καὶ τὴν Σατορνίαν, ἔνθα Πελοποννήσιοί τε καὶ Ἀρκάδεσ τὴν πρώτην οἴκησιν ἐποιήσαντο καὶ ἦν ἔτι ζώπυρ’ ἄττα περιλειπόμενα τοῦ παλαιοῦ γένουσ, οἰκίζουσι τοὺσ τόπουσ περιλαβόντεσ τείχεσι τὸ Παλλάντιον, ὥστε λαβεῖν πόλεωσ σχῆμα τότε πρῶτον.

δέκατοσ ἀπ’ Αἰνείου γεγονώσ.

καὶ τὰσ Ῥωμαίων τῶν μάλιστα πιστευομένων ἱστορίασ παραβαλών.

ἔχει δὲ τὰ περὶ αὐτοῦ λεγόμενα ὧδε.