헬라어 문장 검색 - Διονψσ́Αντιθυί1́34́

(디오니시오스, Antiquitates Romanae, book 1, chapter 34)

ὀλίγοισ δ’ ὕστερον ἔτεσι μετὰ τοὺσ Ἀρκάδασ ἄλλοσ εἰσ Ἰταλίαν ἀφικνεῖται στόλοσ Ἑλληνικὸσ ἄγοντοσ Ἡρακλέουσ, ὃσ Ἰβηρίαν καὶ τὰ μέχρι δυσμῶν ἡλίου πάντα χειρωσάμενοσ ἧκεν. ἐξ ὧν τινεσ Ἡρακλέα παραιτησάμενοι τῆσ πραγματείασ ἀφεθῆναι, περὶ ταῦτα τὰ χωρία ὑπέμειναν καὶ πολίζονται λόφον ἐπιτήδειον εὑρόντεσ, τρισταδίῳ δὲ μάλιστα μήκει τοῦ Παλλαντίου διειργόμενον, ὅσ νῦν μὲν Καπιτωλῖνοσ ὀνομάζεται, ὑπὸ δὲ τῶν τότε ἀνθρώπων Σατόρνιοσ ἐλέγετο, ὥσπερ ἂν εἴποι τισ Ἑλλάδι φωνῇ Κρόνιοσ. τῶν δὲ ὑπολειφθέντων οἱ μὲν πλείουσ ἦσαν Πελοποννήσιοι, Φενεᾶταί τε καὶ Ἐπειοὶ ἐξ Ἤλιδοσ, οἷσ οὐκέτι πόθοσ ἦν τῆσ οἴκαδε ὁδοῦ διαπεπορθημένησ αὐτοῖσ τῆσ πατρίδοσ ἐν τῷ πρὸσ Ἡρακλέα πολέμῳ, ἐμέμικτο δέ τι καὶ Τρωικὸν αὐτοῖσ τῶν ἐπὶ Λαομέδοντοσ αἰχμαλώτων ἐξ Ἰλίου γενομένων ὅτε τῆσ πόλεωσ Ἡρακλῆσ ἐκράτησε.

δοκεῖ δέ μοι καὶ τοῦ ἄλλου στρατοῦ πᾶν, εἴ τι καματηρὸν ἢ τῇ πλάνῃ ἀχθόμενον ἦν, ἄφεσιν τῆσ στρατείασ αἰτησάμενον ἐν τῷ χωρίῳ τῷδε ὑπομεῖναι.

τὸ δὲ ὄνομα τῷ λόφῳ τινὲσ μὲν ὥσπερ ἔφην ἀρχαῖον οἰόνται εἶναι, καὶ δι’ αὐτὸ τοὺσ Ἐπειοὺσ οὐχ ἥκιστα φιλοχωρῆσαι τῷ λόφῳ μνήμῃ τοῦ ἐν Ἤλιδι Κρονίου λόφου, ὅσ ἐστιν ἐν τῇ Πισάτιδι γῇ ποταμοῦ πλησίον Ἀλφειοῦ, καὶ αὐτὸν ἱερὸν τοῦ Κρόνου νομίζοντεσ Ἠλεῖοι θυσίαισ καὶ ἄλλαισ τιμαῖσ συνιόντεσ γεραίρουσιν ἐν ὡρισμένοισ χρόνοισ.

ἱδρύσασθαι μεθ’ Ἡρακλέουσ, ὃσ ἔτι καὶ νῦν διαμένει παρὰ τῇ ῥίζῃ τοῦ λόφου κατὰ τὴν ἄνοδον τὴν ἀπὸ τῆσ ἀγορᾶσ φέρουσαν εἰσ τὸ Καπιτώλιον, τήν τε θυσίαν, ἣν καὶ ἐπ’ ἐμοῦ Ῥωμαῖοι ἔθυον φυλάττοντεσ τὸν Ἑλληνικὸν νόμον, ἐκείνουσ εἶναι τοὺσ καταστησαμένουσ.

ὡσ δ’ ἐγὼ συμβαλλόμενοσ εὑρίσκω, καὶ πρὶν Ἡρακλέα ἐλθεῖν εἰσ Ἰταλίαν ἱερὸσ ἦν ὁ τόποσ τοῦ Κρόνου καλούμενοσ ὑπὸ τῶν ἐπιχωρίων Σατόρνιοσ, καὶ ἡ ἄλλη δὲ ἀκτὴ σύμπασα ἡ νῦν Ἰταλία καλουμένη τῷ θεῷ τούτῳ ἀνέκειτο, Σατορνία πρὸσ τῶν ἐνοικούντων ὀνομαζομένη, ὡσ ἔστιν εὑρεῖν ἔν τε Σιβυλλείοισ τισὶ λογίοισ καὶ ἄλλοισ χρηστηρίοισ ὑπὸ τῶν θεῶν δεδομένοισ εἰρημένον, ἱερά τε πολλαχῇ τῆσ χώρασ ἐστὶν ἱδρυμένα τῷ θεῷ καὶ πόλεισ τινὲσ οὕτωσ ὥσπερ ἡ σύμπασα τότε ἀκτὴ ὀνομαζόμεναι χῶροί τε πολλοὶ τοῦ δαίμονοσ ἐπώνυμοι καὶ μάλιστα οἱ σκόπελοι καὶ τὰ μετέωρα·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 1, chapter 34

(디오니시오스, Antiquitates Romanae, book 1, chapter 34)

상위

목록

SEARCH

MENU NAVIGATION