헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 67)

βιαζομένου δὲ τοῦ Φωκίωνοσ καὶ πρὸσ περίστασιν ἀπεγνωσμένην ὑπὲρ τοῦ ζῆν ἀγωνιζομένου οἱ μὲν πλησίον ὄντεσ ἤκουον τῶν τῆσ ὑποθέσεωσ δικαίων, οἱ δὲ μακρότερον διεστηκότεσ διὰ τὸ μέγεθοσ τῆσ κραυγῆσ τῶν θορυβούντων ἤκουον μὲν οὐδέν, αὐτὴν δὲ μόνην ἐθεώρουν τὴν τοῦ σώματοσ κίνησιν, γινομένην ἐναγώνιον καὶ ποικίλην διὰ τὸ μέγεθοσ τοῦ κινδύνου. τέλοσ δὲ ἀπογνοὺσ τὴν σωτηρίαν ὁ Φωκίων ἀνεβόησε, δεόμενοσ αὐτοῦ μὲν καταψηφίσασθαι τὸν θάνατον, τῶν δ’ ἄλλων φείδεσθαι.

ἀμεταθέτου δὲ· τῆσ τοῦ πλήθουσ ὁρμῆσ καὶ βίασ οὔσησ παρεπορεύοντό τινεσ τῶν φίλων συνηγορήσοντεσ τῷ Φωκίωνι, ὧν τὰσ μὲν ἀρχὰσ τῶν λόγων ἤκουον, ὁπότε δὲ προβαίνοντεσ φανεροὶ καθίσταντο τὴν ἀπολογίαν διεξιόντεσ, ἐξεβάλλοντο τοῖσ θορύβοισ καὶ ταῖσ ἐναντιουμέναισ κραυγαῖσ. τὸ δ’ ἔσχατον πανδήμῳ φωνῇ καταχειροτονηθέντεσ εἰσ τὸ δεσμωτήριον ἤγοντο τὴν ἐπὶ θανάτῳ.

συνηκολούθουν δὲ αὐτοῖσ πολλοὶ τῶν σπουδαίων ἀνδρῶν, ὀδυρόμενοι καὶ συμπάσχοντεσ ἐπὶ τῷ μεγέθει τῶν ἀτυχημάτων· τὸ γὰρ πρωτεύοντασ ἄνδρασ ταῖσ δόξαισ καὶ ταῖσ εὐγενείαισ, πολλὰ πεπραχότασ ἐν τῷ ζῆν φιλάνθρωπα, μήτε λόγου μήτε κρίσεωσ δικαίασ τυγχάνειν πολλοὺσ ἦγεν εἰσ ἐπίστασιν διανοίασ καὶ φόβον, ἀστάτου καὶ κοινῆσ ἅπασι τῆσ τύχησ οὔσησ.

πολλοὶ δὲ καὶ τῶν δημοτικῶν καὶ πικρῶσ διακειμένων πρὸσ αὐτὸν ἐλοιδόρουν τε ἀνηλεῶσ καὶ πικρῶσ ὠνείδιζον αὐτῷ τὰσ συμφοράσ·

τὸ γὰρ ἐν ταῖσ εὐτυχίαισ σιωπώμενον μῖσοσ, ὅταν ἐκ μεταβολῆσ ἐν ταῖσ ἀτυχίαισ ἐκραγῇ, ταῖσ ὀργαῖσ ἀποθηριοῦται πρὸσ τοὺσ μισουμένουσ. διὰ δὲ τῆσ τοῦ κωνείου πόσεωσ κατὰ τὸ πάτριον ἔθοσ τὸν βίον καταλύσαντεσ ἐρρίφησαν ἄταφοι πάντεσ ἐκ τῶν τῆσ Ἀττικῆσ ὁρ́ων.

ὁ μὲν οὖν Φωκίων καὶ οἱ μετ’ αὐτοῦ διαβληθέντεσ τοιαύτην ἔσχον τὴν τοῦ βίου καταστροφήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 67

(디오도로스 시켈로스, Bibliotheca Historica, Books XVIII-XX, book 18, chapter 67)

상위

목록

SEARCH

MENU NAVIGATION