헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 66)

οὗτοι μὲν οὖν ἐκβληθέντεσ ἐκ τῆσ πόλεωσ κατέφυγον πρὸσ Ἀλέξανδρον τὸν Πολυπέρχοντοσ καὶ διὰ τούτου τὴν σωτηρίαν ἑαυτοῖσ πορίζειν ἐφιλοτιμοῦντο. προσδεχθέντεσ δὲ ὑπ’ αὐτοῦ φιλοφρόνωσ γράμματα ἔλαβον πρὸσ τὸν πατέρα Πολυπέρχοντα, ὅπωσ μηδὲν πάθωσιν οἱ περὶ Φωκίωνα, τἀκείνου πεφρονηκότεσ καὶ νῦν ἐπαγγελλόμενοι πάντα συμπράξειν. ἀποστείλαντοσ δὲ καὶ τοῦ δήμου πρεσβείαν πρὸσ τὸν Πολυπέρχοντα τὴν κατηγοροῦσαν μὲν τῶν περὶ Φωκίωνα, παρακαλοῦσαν δὲ τὴν Μουνυχίαν αὐτοῖσ δοῦναι μετὰ τῆσ αὐτονομίασ ὁ Πολυπέρχων ἔσπευδε μὲν φρουρᾷ κατέχειν τὸν Πειραιᾶ διὰ τὸ πολλὰ δύνασθαι χρησιμεύειν τὸν λιμένα πρὸσ τὰσ ἐν τοῖσ πολέμοισ χρείασ·

αἰσχυνόμενοσ δ’ ἐναντία πράττειν τῷ ὑφ’ ἑαυτοῦ γεγραμμένῳ διαγράμματι καὶ νομίζων ἄπιστοσ κριθήσεσθαι παρὰ τοῖσ Ἕλλησιν, ἐὰν εἰσ τὴν ἐπιφανεστάτην παρανομήσῃ πόλιν, μετενόησε τῇ γνώμῃ. διακούσασ δὲ τῶν πρέσβεων τοῖσ μὲν παρὰ τοῦ δήμου πρεσβεύουσι φιλανθρώπωσ κεχαρισμένασ ἔδωκεν ἀποκρίσεισ, τοὺσ δὲ περὶ Φωκίωνα συλλαβὼν ἀπέστειλε δεσμίουσ εἰσ τὰσ Ἀθήνασ, διδοὺσ τὴν ἐξουσίαν τῷ δήμῳ εἴτε βούλεται θανατοῦν εἴτ’ ἀπολῦσαι τῶν ἐγκλημάτων.

συναχθείσησ οὖν ἐκκλησίασ ἐν ταῖσ Ἀθήναισ καὶ προτεθείσησ κρίσεωσ τοῖσ περὶ τὸν Φωκίωνα πολλοὶ τῶν τε φυγάδων γεγονότων ἐπ’ Ἀντιπάτρου καὶ τῶν ἀντιπολιτευομένων κατηγόρησαν αὐτῶν θανάτου.

ἦν δ’ ὁ σύμπασ τῆσ κατηγορίασ λόγοσ ὅτι οὗτοι παραίτιοι γεγένηνται μετὰ τὸν Λαμιακὸν πόλεμον τῆσ τε δουλείασ τῇ πατρίδι καὶ τῆσ καταλύσεωσ τοῦ δήμου καὶ τῶν νόμων.

ὡσ δὲ τοῖσ ἀπολογουμένοισ ὁ καιρὸσ παρεδόθη τῆσ ἀπολογίασ, ὁ μὲν Φωκίων ἤρξατο ποιεῖσθαι τὸν ὑπὲρ ἑαυτοῦ λόγον, τὸ δὲ πλῆθοσ τοῖσ θορύβοισ ἐξέσεισε τὴν ἀπολογίαν, ὥστ’ εἰσ πολλὴν ἀπορίαν παραγενέσθαι τοὺσ ἀπολογουμένουσ. λήξαντοσ δὲ τοῦ θορύβου πάλιν ὁ μὲν Φωκίων ἀπελογεῖτο, ὁ δὲ ὄχλοσ κατεβόα καὶ τὴν φωνὴν τοῦ κινδυνεύοντοσ ἐκώλυεν ἐξακούεσθαι·

τὸ γὰρ πλῆθοσ τῶν δημοτικῶν, ἀπωσμένον τῆσ πολιτείασ καὶ παρ’ ἐλπίδασ τετευχὸσ τῆσ καθόδου, πικρῶσ διέκειτο πρὸσ τοὺσ ἀφῃρημένουσ τὴν αὐτονομίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 66

(디오도로스 시켈로스, Bibliotheca Historica, Books XVIII-XX, book 18, chapter 66)

상위

목록

SEARCH

MENU NAVIGATION