헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 56 1:)

"ἐπειδὴ συμβέβηκε τοῖσ προγόνοισ ἡμῶν πολλὰ τοὺσ Ἕλληνασ εὐεργετηκέναι, βουλόμεθα διαφυλάττειν τὴν ἐκείνων προαίρεσιν καὶ πᾶσι φανερὰν ποιῆσαι τὴν ἡμετέραν εὔνοιαν ἣν ἔχοντεσ διατελοῦμεν πρὸσ τοὺσ Ἕλληνασ. "πρότερον μὲν οὖν Ἀλεξάνδρου μεταλλάξαντοσ ἐξ ἀνθρώπων καὶ τῆσ βασιλείασ εἰσ ἡμᾶσ καθηκούσησ, ἡγούμενοι δεῖν ἐπαναγαγεῖν πάντασ ἐπὶ τὴν εἰρήνην καὶ τὰσ πολιτείασ ἃσ Φίλιπποσ ὁ ἡμέτεροσ πατὴρ κατέστησεν, ἐπεστείλαμεν εἰσ ἁπάσασ τὰσ πόλεισ περὶ τούτων. "ἐπεὶ δὲ συνέβη, μακρὰν ἀπόντων ἡμῶν, τῶν Ἑλλήνων τινὰσ μὴ ὀρθῶσ γινώσκοντασ πόλεμον ἐξενεγκεῖν πρὸσ Μακεδόνασ καὶ κρατηθῆναι ὑπὸ τῶν ἡμετέρων στρατηγῶν καὶ πολλὰ καὶ δυσχερῆ ταῖσ πόλεσι συμβῆναι, τούτων μὲν τοὺσ στρατηγοὺσ αἰτίουσ ὑπολάβετε γεγενῆσθαι, ἡμεῖσ δὲ τιμῶντεσ τὴν ἐξ ἀρχῆσ προαίρεσιν κατασκευάζομεν ὑμῖν εἰρήνην, πολιτείασ δὲ τὰσ ἐπὶ Φιλίππου καὶ Ἀλεξάνδρου καὶ τἄλλα πράττειν κατὰ τὰ διαγράμματα τὰ πρότερον ὑπ’ ἐκείνων γραφέντα. "καὶ τοὺσ μεταστάντασ ἢ φυγόντασ ὑπὸ τῶν ἡμετέρων στρατηγῶν ἐκ τῶν πόλεων ἀφ’ ὧν χρόνων Ἀλέξανδροσ εἰσ τὴν Ἀσίαν διέβη κατάγομεν· "καὶ τοὺσ ὑφ’ ἡμῶν κατελθόντασ πάντα τὰ αὑτῶν ἔχοντασ καὶ ἀστασιάστουσ καὶ ἀμνησικακουμένουσ ἐν ταῖσ ἑαυτῶν πατρίσι πολιτεύεσθαι· "καὶ εἴ τι κατὰ τούτων ἐψήφιστο, ἄκυρον ἔστω, πλὴν εἴ τινεσ ἐφ’ αἵματι ἢ ἀσεβείᾳ κατὰ νόμον πεφεύγασι. "μὴ κατιέναι δὲ μηδὲ Μεγαλοπολιτῶν τοὺσ μετὰ Πολυαινέτου ἐπὶ προδοσίᾳ φεύγοντασ μηδ’ Ἀμφισσεῖσ μηδὲ Τρικκαίουσ μηδὲ Φαρκαδωνίουσ μηδὲ Ἡρακλεώτασ· "τοὺσ δ’ ἄλλουσ καταδεχέσθωσαν πρὸ τῆσ τριακάδοσ τοῦ ξανθικοῦ μηνόσ. εἰ δέ τινα τῶν πολιτευμάτων Φίλιπποσ ἢ Ἀλέξανδροσ ἀπέδειξαν ἑαυτοῖσ ὑπεναντία, παραγινέσθωσαν πρὸσ ἡμᾶσ, ἵνα διορθωσάμενοι τὰ συμφέροντα καὶ ἡμῖν καὶ ταῖσ πόλεσι πράττωσιν. "Ἀθηναίοισ δ’ εἶναι τὰ μὲν ἄλλα καθάπερ ἐπὶ Φιλίππου καὶ Ἀλεξάνδρου, Ὠρωπὸν δὲ Ὠρωπίουσ ἔχειν καθάπερ νῦν. Σάμον δὲ δίδομεν Ἀθηναίοισ, ἐπειδὴ καὶ Φίλιπποσ ἔδωκεν ὁ πατήρ. ποιήσασθαι δὲ δόγμα πάντασ τοὺσ Ἕλληνασ μηδένα μήτε στρατεύειν μήτε πράττειν ὑπεναντία ἡμῖν· "εἰ δὲ μή, φεύγειν αὐτὸν καὶ γενεὰν καὶ τῶν ὄντων στέρεσθαι. "προστετάχαμεν δὲ καὶ περὶ τούτων καὶ τῶν λοιπῶν Πολυπέρχοντι πραγματεύεσθαι. "ὑμεῖσ οὖν, καθάπερ ὑμῖν καὶ πρότερον ἐγράψαμεν, ἀκούετε τούτου· "τοῖσ γὰρ μὴ ποιοῦσί τι τῶν γεγραμμένων οὐκ ἐπιτρέψομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 56 1:

(디오도로스 시켈로스, Bibliotheca Historica, Books XVIII-XX, book 18, chapter 56 1:)

상위

목록

SEARCH

MENU NAVIGATION