헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 51)

τούτου δὲ περὶ ταῦτ’ ὄντοσ Ἀρριδαῖοσ ὁ τῆσ ἐφ’ Ἑλλησπόντῳ Φρυγίασ σατράπησ, γνοὺσ αὐτοῦ τὴν ἐπιβολήν, ἔκρινεν ἀσφαλισάμενοσ τὰ κατὰ τὴν ἰδίαν σατραπείαν καὶ τὰσ ἀξιολογωτάτασ πόλεισ φρουραῖσ περιλαμβάνειν. οὔσησ δὲ τῆσ τῶν Κυζικηνῶν πόλεωσ ἐπικαιροτάτησ καὶ μεγίστησ ἀνέζευξεν ἐπ’ αὐτὴν ἔχων πεζοὺσ μὲν μισθοφόρουσ πλείουσ τῶν μυρίων, Μακεδόνασ δὲ χιλίουσ, Πέρσασ δὲ τοξότασ καὶ σφενδονήτασ πεντακοσίουσ, ἱππεῖσ δὲ ὀκτακοσίουσ, βέλη δὲ παντοδαπὰ καὶ καταπέλτασ ὀξυβελεῖσ τε καὶ πετροβόλουσ καὶ τὴν ἄλλην χορηγίαν πᾶσαν τὴν ἀνήκουσαν πρὸσ πολιορκίαν. ἄφνω δὲ προσπεσὼν τῇ πόλει καὶ τὸν πολὺν ὄχλον ἀπολαβὼν ἐπὶ τῆσ χώρασ εἴχετο τῆσ πολιορκίασ καὶ τοὺσ ἐν τῇ πόλει καταπληξάμενοσ ἠνάγκαζε δέχεσθαι φρουράν.

οἱ δὲ Κυζικηνοὶ παραδόξου τῆσ ἐπιθέσεωσ γενομένησ καὶ τῶν μὲν πλείστων ἐπὶ τῆσ χώρασ ἀπειλημμένων, ὀλίγων δ’ ὄντων τῶν ὑπολελειμμένων ἀπαράσκευοι παντελῶσ ὑπῆρχον πρὸσ τὴν πολιορκίαν. ὅμωσ δὲ κρίναντεσ ἀντέχεσθαι τῆσ ἐλευθερίασ φανερῶσ μὲν πρέσβεισ ἐξέπεμψαν τοὺσ διαλεξομένουσ τῷ Ἀρριδαίῳ λῦσαι τὴν πολιορκίαν·

ποιήσειν γὰρ πάντα τὴν πόλιν Ἀρριδαίῳ πλὴν τοῦ δέξασθαι φρουράν· λάθρᾳ δὲ τοὺσ νέουσ ἀθροίζοντεσ καὶ τῶν οἰκετῶν τοὺσ εὐθέτουσ ἐπιλεγόμενοι καθώπλιζον καὶ τὸ τεῖχοσ ἀνεπλήρουν τῶν ἀμυνομένων. τοῦ δὲ Ἀρριδαίου βιαζομένου δέχεσθαι φρουρὰν ἔφησαν βούλεσθαι τῷ δήμῳ προσανενεγκεῖν περὶ τούτου.

συγχωρήσαντοσ δὲ τοῦ σατράπου λαβόντεσ ἀνοχὴν ταύτην τε τὴν ἡμέραν καὶ τὴν ἐπιοῦσαν νύκτα βέλτιον παρεσκευάσαντο τὰ πρὸσ τὴν πολιορκίαν. ὁ δ’ Ἀρριδαῖοσ καταστρατηγηθεὶσ καὶ τὸν οἰκεῖον ἑαυτῷ προέμενοσ καιρὸν διεσφάλη τῆσ ἐλπίδοσ·

οἱ γὰρ Κυζικηνοὶ πόλιν ἔχοντεσ ὀχυρὰν καὶ παντελῶσ εὐφύλακτον ἀπὸ τῆσ γῆσ διὰ τὸ χερρόνησον αὐτὴν εἶναι καὶ θαλαττοκρατοῦντεσ ῥᾳδίωσ ἠμύνοντο τοὺσ πολεμίουσ. μετεπέμποντο δὲ καὶ παρὰ Βυζαντίων στρατιώτασ καὶ βέλη καὶ τἄλλα τὰ χρήσιμα πρὸσ τὴν πολιορκίαν·

ὧν ἅπαντα συντόμωσ καὶ προθύμωσ χορηγησάντων ἀνέλαβον ἑαυτοὺσ ταῖσ ἐλπίσι καὶ πρὸσ τοὺσ κινδύνουσ εὐθαρσεῖσ κατέστησαν. εὐθὺ δὲ καὶ μακρὰσ ναῦσ καθελκύσαντεσ παρέπλεον τὴν παραθαλάττιον καὶ τοὺσ ἀπὸ τῆσ χώρασ ἀναλαμβάνοντεσ ἀπεκόμιζον εἰσ τὴν πόλιν.

ταχὺ δὲ στρατιωτῶν εὐπορήσαντεσ καὶ πολλοὺσ τῶν πολιορκούντων ἀποκτείναντεσ ἀπετρίψαντο τὴν πολιορκίαν. Ἀρριδαῖοσ μὲν οὖν καταστρατηγηθεὶσ ὑπὸ τῶν Κυζικηνῶν ἄπρακτοσ ἐπανῆλθεν εἰσ τὴν ἰδίαν σατραπείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 51

(디오도로스 시켈로스, Bibliotheca Historica, Books XVIII-XX, book 18, chapter 51)

상위

목록

SEARCH

MENU NAVIGATION