헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 23)

μετὰ δὲ τὴν ἀπώλειαν τῶν πόλεων ἧκον δύο γυναῖκεσ εἰσ συνοικισμὸν τῷ Περδίκκᾳ, Νίκαιά τε ἡ Ἀντιπάτρου θυγάτηρ, ἣν αὐτὸσ ὁ Περδίκκασ ἦν μεμνηστευκώσ, καὶ Κλεοπάτρα ἡ Ἀλεξάνδρου μὲν ἀδελφὴ γνησία, θυγάτηρ δὲ Φιλίππου τοῦ Ἀμύντου. ὁ δὲ Περδίκκασ πρότερον μὲν ἦν κεκρικὼσ κοινοπραγίαν Ἀντιπάτρῳ καὶ διὰ τοῦτο τὴν μνηστείαν ἐπεποίητο, μήπω τῶν κατ’ αὐτὸν πραγμάτων βεβαίωσ ἐστερεωμένων·

ὡσ δὲ παρέλαβε τάσ τε βασιλικὰσ δυνάμεισ καὶ τὴν τῶν βασιλέων προστασίαν, μετέπεσε τοῖσ λογισμοῖσ. ὀρεγόμενοσ γὰρ βασιλείασ ἔσπευδε τὴν Κλεοπάτραν γῆμαι, νομίζων διὰ ταύτησ προτρέψεσθαι τοὺσ Μακεδόνασ συγκατάσκευάζειν αὐτῷ τὴν τῶν ὅλων ἐξουσίαν.

οὔπω δὲ βουλόμενοσ ἀποκαλύψασθαι πρὸσ τὴν ἐπιβολὴν κατὰ μὲν τὸ παρὸν ἦγε τὴν Νίκαιαν, ὅπωσ μὴ τὸν Ἀντίπατρον ἀλλότριον ἔχῃ ταῖσ ἰδίαισ ἐπιβολαῖσ· μετὰ δὲ ταῦτα Ἀντιγόνου τὴν προαίρεσιν αὐτοῦ κατανοήσαντοσ καὶ φιλίαν ἔχοντοσ πρὸσ Ἀντίπατρον, ἔτι δὲ ὄντοσ τοῦ ἀνδρὸσ τούτου πρακτικωτάτου τῶν ἡγεμόνων ἔκρινεν αὐτὸν ἐκποδῶν ποιήσασθαι. ἐπιβαλὼν οὖν αὐτῷ διαβολὰσ ψευδεῖσ καὶ κατηγορίασ ἀδίκουσ φανερὸσ ἦν ἀναιρήσων αὐτόν ὁ δ’ Ἀντίγονοσ συνέσει καὶ τόλμῃ διαφέρων φανερῶσ μὲν ἀπεφαίνετο βούλεσθαι περὶ τῶν ἐγκαλουμένων ἀπολογήσασθαι, λάθρᾳ δὲ παρασκευασάμενοσ τὰ πρὸσ τὸν δρασμὸν ἔλαθε μετὰ τῶν ἰδίων φίλων καὶ τοῦ υἱοῦ Δημητρίου νυκτὸσ εἰσβὰσ εἰσ τὰσ Ἀττικὰσ ναῦσ. ἐν δὲ ταύταισ κομισθεὶσ εἰσ τὴν Εὐρώπην προῆγε συμμίξων Ἀντιπάτρῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 23

(디오도로스 시켈로스, Bibliotheca Historica, Books XVIII-XX, book 18, chapter 23)

상위

목록

SEARCH

MENU NAVIGATION