헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 16)

ἅμα δὲ τούτοισ πραττομένοισ Περδίκκασ, ἔχων μεθ’ ἑαυτοῦ τόν τε βασιλέα Φίλιππον καὶ τὴν βασιλικὴν δύναμιν, ἐστράτευσεν ἐπὶ Ἀριαράθην τὸν Καππαδοκίασ δυνάστην. οὗτοσ γὰρ οὐ προσέχων τοῖσ Μακεδόσιν ὑπὸ μὲν Ἀλεξάνδρου παρεωράθη διὰ τοὺσ περὶ Δαρεῖον ἀγῶνασ καὶ περισπασμούσ, ἀναστροφὴν δὲ πολυχρόνιον εἶχε κυριεύων τῆσ Καππαδοκίασ. διὸ καὶ πολλὰ μὲν ἐκ τῶν προσόδων χρήματα ἤθροισε, δυνάμεισ δ’ ἐγχωρίουσ καὶ ξενικὰσ μεγάλασ συνεστήσατο.

διὸ καὶ βασιλείασ ἀντιποιούμενοσ ἕτοιμοσ ἦν πρὸσ τὸν Περδίκκαν διαγωνίζεσθαι, πεζοὺσ μὲν ἔχων τρισμυρίουσ, ἱππεῖσ δὲ μυρίουσ πεντακισχιλίουσ. ὁ δὲ Περδίκκασ συνάψασ αὐτῷ μάχην καὶ τῇ παρατάξει νικήσασ ἀνεῖλε μὲν εἰσ τετρακισχιλίουσ, ἐζώγρησε δὲ ὑπὲρ τοὺσ πεντακισχιλίουσ, ἐν οἷσ ἦν καὶ αὐτὸσ ὁ Ἀριαράθησ. τοῦτον μὲν οὖν καὶ τοὺσ συγγενεῖσ αὐτοῦ πάντασ αἰκισάμενοσ ἀνεσταύρωσε·

τοῖσ δ’ ἡττηθεῖσι συγχωρήσασ τὴν ἀσφάλειαν καὶ καταστήσασ τὰ κατὰ τὴν Καππαδοκίαν παρέδωκε τὴν σατραπείαν Εὐμενεῖ τῷ Καρδιανῷ, καθάπερ ἐξ ἀρχῆσ ἦν μεμερισμένοσ. ὑπὸ δὲ τοὺσ αὐτοὺσ καιροὺσ καὶ Κρατερὸσ ἐκ Κιλικίασ ἀναζεύξασ ἧκεν εἰσ Μακεδονίαν, βοηθήσων τοῖσ περὶ τὸν Ἀντίπατρον καὶ διορθωσόμενοσ τὰσ γεγενημένασ ἥττασ τῶν Μακεδόνων.

ἦγε δὲ πεζοὺσ μὲν τῶν εἰσ Ἀσίαν Ἀλεξάνδρῳ συνδιαβεβηκότων ἑξακισχιλίουσ, τῶν δ’ ἐν παρόδῳ προσειλημμένων τετρακισχιλίουσ, Πέρσασ δὲ τοξότασ καὶ σφενδονήτασ χιλίουσ, ἱππεῖσ δὲ χιλίουσ καὶ πεντακοσίουσ. παρελθὼν δ’ εἰσ τὴν Θετταλίαν καὶ τοῦ πρωτείου παραχωρήσασ ἑκουσίωσ Ἀντιπάτρῳ κοινῇ μετ’ αὐτοῦ κατεστρατοπέδευσε παρὰ τὸν Πηνειὸν ποταμόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 16

(디오도로스 시켈로스, Bibliotheca Historica, Books XVIII-XX, book 18, chapter 16)

상위

목록

SEARCH

MENU NAVIGATION