헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 2)

ἐπ’ ἄρχοντοσ γὰρ Ἀθήνησι Κηφισοδώρου Ῥωμαῖοι μὲν κατέστησαν ὑπάτουσ Λεύκιον Φρούριον καὶ Δέκιον Ιοὔνιον. ἐπὶ δὲ τούτων Ἀλεξάνδρου τοῦ βασιλέωσ τετελευτηκότοσ ἄπαιδοσ ἀναρχία καὶ πολλὴ στάσισ ἐγένετο περὶ τῆσ ἡγεμονίασ. ἡ μὲν γὰρ τῶν πεζῶν φάλαγξ Ἀρριδαῖον τὸν Φιλίππου μὲν υἱόν, ψυχικοῖσ δὲ πάθεσι συνεχόμενον ἀνιάτοισ προῆγεν ἐπὶ τὴν βασιλείαν·

οἱ δὲ μέγιστον ἔχοντεσ ἀξίωμα τῶν φίλων καὶ σωματοφυλάκων συνεδρεύσαντεσ καὶ προσλαβόμενοι τὸ τῶν ἱππέων τῶν ἑταίρων ὀνομαζομένων σύστημα τὸ μὲν πρῶτον διαγωνίζεσθαι τοῖσ ὅπλοισ πρὸσ τὴν φάλαγγα διέγνωσαν καὶ πρέσβεισ ἀπέστειλαν πρὸσ τοὺσ πεζοὺσ ἐκ τῶν ἀξίωμα ἐχόντων ἀνδρῶν, ὧν ἦν ἐπιφανέστατοσ Μελέαγροσ, ἀξιοῦντεσ πειθαρχεῖν αὐτοῖσ. ὁ δὲ Μελέαγροσ ὡσ ἧκεν πρὸσ τοὺσ φαλαγγίτασ, τῆσ μὲν πρεσβείασ οὐδεμίαν ἐποιήσατο μνείαν, τοὐναντίον δ’ ἐπαινέσασ αὐτοὺσ ἐπὶ τοῖσ δεδογμένοισ παρώξυνε κατὰ τῶν ἐναντιουμένων.

διόπερ οἱ Μακεδόνεσ ἡγεμόνα καταστήσαντεσ ἑαυτῶν τὸν Μελέαγρον προῆγον πρὸσ τοὺσ ἀντιλέγοντασ μετὰ τῶν ὅπλων. τῶν δὲ σωματοφυλάκων ἀποχωρησάντων ἐκ τῆσ Βαβυλῶνοσ καὶ παρασκευαζομένων εἰσ πόλεμον οἱ χαριέστατοι τῶν ἀνδρῶν ἔπεισαν αὐτοὺσ ὁμονοῆσαι.

εὐθὺ δὲ βασιλέα κατέστησαν τὸν Φιλίππου υἱὸν Ἀρριδαῖον καὶ μετωνόμασαν Φίλιππον, ἐπιμελητὴν δὲ τῆσ βασιλείασ Περδίκκαν, ᾧ καὶ ὁ βασιλεὺσ τὸν δακτύλιον τελευτῶν δεδώκει, τοὺσ δὲ ἀξιολογωτάτουσ τῶν φίλων καὶ σωματοφυλάκων παραλαβεῖν τὰσ σατραπείασ καὶ ὑπακούειν τῷ τε βασιλεῖ καὶ τῷ Περδίκκᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 2

(디오도로스 시켈로스, Bibliotheca Historica, Books XVIII-XX, book 18, chapter 2)

상위

목록

SEARCH

MENU NAVIGATION