호흡부호 보기
강세부호 보기
장단부호 보기
작은 Iota 보기
모든 부호 보기
ἐσ δὲ τὴν κορυφὴν ἐρχομένῳ τῆσ Ἰθώμησ, ἣ δὴ Μεσσηνίοισ ἐστὶν ἀκρόπολισ, πηγὴ Κλεψύδρα γίνεται. πάντασ μὲν οὖν καταριθμήσασθαι καὶ προθυμηθέντι ἄπορον, ὁπόσοι θέλουσι γενέσθαι καὶ τραφῆναι παρὰ σφίσι Δία· μέτεστι δ’ οὖν καὶ Μεσσηνίοισ τοῦ λόγου· φασὶ γὰρ καὶ οὗτοι τραφῆναι παρὰ σφίσι τὸν θεόν, Ἰθώμην δὲ εἶναι καὶ Νέδαν τὰσ θρεψαμένασ, κεκλῆσθαι δὲ ἀπὸ μὲν τῆσ Νέδασ τὸν ποταμόν, τὴν δὲ ἑτέραν τῷ ὄρει τὴν Ἰθώμην δεδωκέναι τὸ ὄνομα. ταύτασ δὲ τὰσ νύμφασ τὸν Δία, κλαπέντα ὑπὸ Κουρήτων διὰ τὸ ἐκ τοῦ πατρὸσ δεῖμα, ἐνταῦθα λοῦσαι λέγουσι καὶ τὸ ὄνομα εἶναι τῷ ὕδατι ἀπὸ τῶν Κουρήτων τῆσ κλοπῆσ· φέρουσί τε ἀνὰ πᾶσαν ἡμέραν ὕδωρ ἀπὸ τῆσ πηγῆσ ἐσ τοῦ Διὸσ τοῦ Ἰθωμάτα τὸ ἱερόν.
호흡부호 보기
강세부호 보기
장단부호 보기
작은 Iota 보기
모든 부호 보기