Pausanias, Description of Greece, Μεσσηνιακά, chapter 14

(파우사니아스, Description of Greece, Μεσσηνιακά, chapter 14)

Μεσσηνίων δὲ ὅσοισ μὲν ἔτυχον ἐν Σικυῶνι οὖσαι καὶ ἐν Ἄργει προξενίαι καὶ παρὰ τῶν Ἀρκάδων τισίν, οὗτοι μὲν ἐσ ταύτασ τὰσ πόλεισ ἀπεχώρησαν, ἐσ Ἐλευσῖνα δὲ οἱ τοῦ γένουσ τῶν ἱερέων καὶ θεαῖσ ταῖσ Μεγάλαισ τελοῦντεσ τὰ ὄργια· ὁ δὲ ὄχλοσ ὁ πολὺσ κατὰ τὰσ πατρίδασ ἕκαστοι τὰσ ἀρχαίασ ἐσκεδάσθησαν. Λακεδαιμόνιοι δὲ πρῶτα μὲν τὴν Ἰθώμην καθεῖλον ἐσ ἔδαφοσ, ἔπειτα καὶ τὰσ λοιπὰσ πόλεισ ἐπιόντεσ ᾕρουν.

ἀνέθεσαν δὲ καὶ ἀπὸ τῶν λαφύρων τῷ Ἀμυκλαίῳ τρίποδασ χαλκοῦσ· Ἀφροδίτησ ἄγαλμά ἐστιν ἑστηκὸσ ὑπὸ τῷ τρίποδι τῷ πρώτῳ, Ἀρτέμιδοσ δὲ ὑπὸ τῷ δευτέρῳ, Κόρησ δὲ ἢ Δήμητροσ ὑπὸ τῷ τρίτῳ. ταῦτα μὲν δὴ ἀνέθεσαν ἐνταῦθα, τῆσ δὲ γῆσ τῆσ Μεσσηνίασ Ἀσιναίοισ μὲν ἀνεστηκόσιν ὑπὸ Ἀργείων διδόασιν ἐπὶ θαλάσσῃ ταύτην ἣν καὶ νῦν ἔτι οἱ Ἀσιναῖοι νέμονται·

τούτοισ τὴν Υἁμίαν καλουμένην ἀπονέμουσι.

τὰ δὲ ἐσ αὐτοὺσ Μεσσηνίουσ παρὰ Λακεδαιμονίων ἔσχεν οὕτωσ.

πρῶτον μὲν αὐτοῖσ ἐπάγουσιν ὁρ́κον μήτε ἀποστῆναί ποτε ἀπ’ αὐτῶν μήτε ἄλλο ἐργάσασθαι νεώτερον μηδέν· δεύτερα δὲ φόρον μὲν οὐδένα ἐπέταξαν εἰρημένον, οἳ δὲ τῶν γεωργουμένων τροφῶν σφισιν ἀπέφερον ἐσ Σπάρτην πάντων τὰ ἡμίσεα. προείρητο δὲ καὶ ἐπὶ τὰσ ἐκφορὰσ τῶν βασιλέων καὶ ἄλλων τῶν ἐν τέλει καὶ ἄνδρασ ἐκ τῆσ Μεσσηνίασ καὶ τὰσ γυναῖκασ ἐν ἐσθῆτι ἥκειν μελαίνῃ· καὶ τοῖσ παραβᾶσιν ἐπέκειτο ποινή. <ἐσ> τιμωρίασ δὲ ἃσ ὕβριζον ἐσ τοὺσ Μεσσηνίουσ, Τυρταίῳ πεποιημένα ἐστὶνὥσπερ ὄνοι μεγάλοισ ἄχθεσι τειρόμενοι,δεσποσύνοισι φέροντεσ ἀναγκαίησ ὑπὸ λυγρῆσἥμισυ πᾶν ὅσσων καρπὸν ἄρουρα φέρει.

ὅτι δὲ καὶ συμπενθεῖν ἔκειτο αὐτοῖσ ἀνάγκη, δεδήλωκεν ἐν τῷδε· δεσπότασ οἰμώζοντεσ, ὁμῶσ ἄλοχοί τε καὶ αὐτοί,εὖτέ τιν’ οὐλομένη μοῖρα κίχοι θανάτου. τοιούτων οὖν οἱ Μεσσήνιοι κατειληφότων καὶ ἅμα ἐσ τὰ μέλλοντα οὐδὲν ἐνορῶντεσ παρὰ τῶν Λακεδαιμονίων φιλάνθρωπον, πρό τε δὴ τῶν παρόντων τεθνάναι μαχομένουσ ἢ καὶ τὸ παράπαν ἐκ Πελοποννήσου φεύγοντασ οἴχεσθαι νομίζοντεσ αἱρετώτερα, ἀφίστασθαι πάντωσ ἐγίνωσκον.

λαμπροὶ δὲ ὄντεσ τὰ φρονήματα καὶ ἀποθανεῖν προτιμῶντεσ ἐν ἐλευθέρᾳ τῇ πατρίδι, εἰ καὶ τὰ ἄλλα εὐδαιμόνωσ δουλεύειν παρείη.

ἐπετράφη δὲ νεότησ καὶ ἀλλαχοῦ τῆσ Μεσσηνίασ, οἱ δὲ ἄριστοι καὶ ἀριθμὸν πλεῖστοι περὶ τὴν Ἀνδανίαν, ἐν δὲ αὐτοῖσ καὶ Ἀριστομένησ, ὃσ καὶ νῦν ἔτι ὡσ ἡρ́ωσ ἔχει παρὰ Μεσσηνίοισ τιμάσ.

καί οἱ καὶ τὰ τῆσ γενέσεωσ ἐπιφανέστερα ὑπάρξαι νομίζουσι· Νικοτελείᾳ γὰρ τῇ μητρὶ αὐτοῦ δαίμονα ἢ θεὸν δράκοντι εἰκασμένον συγγενέσθαι λέγουσι. τοιαῦτα δὲ καὶ Μακεδόνασ ἐπὶ Ὀλυμπιάδι καὶ ἐπὶ Ἀριστοδάμᾳ Σικυωνίουσ οἶδα εἰρηκότασ, διάφορα δὲ τοσόνδε ἦν· Μεσσήνιοι γὰρ οὐκ ἐσποιοῦσιν Ἀριστομένην Ἡρακλεῖ παῖδα ἢ Διί, ὥσπερ Ἀλέξανδρον Ἄμμωνι οἱ Μακεδόνεσ καὶ Ἄρατον Ἀσκληπιῷ Σικυώνιοι·

Ἀριστομένει δὲ πατέρα Ἑλλήνων μὲν οἱ πολλοὶ Πύρρον φασὶν εἶναι, Μεσσηνίουσ δὲ οἶδα αὐτὸσ ἐπὶ ταῖσ σπονδαῖσ Ἀριστομένην Νικομήδουσ καλοῦντασ. οὗτοσ μὲν οὖν ἀκμάζων ἡλικίᾳ καὶ τόλμῃ καὶ ἄλλοι τῶν ἐν τέλει παρώξυνον ἐπὶ τὴν ἀπόστασιν· ἐπράσσετο δὲ ταῦτα οὐκ εὐθὺσ ἐκ τοῦ φανεροῦ, κρύφα δὲ ἐσ Ἄργοσ καὶ παρὰ τοὺσ Ἀρκάδασ ἀπέστελλον, εἴ σφισιν ἀπροφασίστωσ καὶ μηδὲν ἐνδεεστέρωσ ἢ ἐπὶ τοῦ πολέμου τοῦ προτέρου ἀμῦναι θελήσουσιν.

일치하는 문장이 없습니다.

SEARCH

MENU NAVIGATION