Pausanias, Description of Greece, Μεσσηνιακά, chapter 2

(파우사니아스, Description of Greece, Μεσσηνιακά, chapter 2)

πυθέσθαι δὲ σπουδῇ πάνυ ἐθελήσασ, οἵ τινεσ παῖδεσ Πολυκάονι ἐγένοντο ἐκ Μεσσήνησ, ἐπελεξάμην τάσ τε Ηοἴασ καλουμένασ καὶ τὰ ἔπη τὰ Ναυπάκτια, πρὸσ δὲ αὐτοῖσ ὁπόσα Κιναίθων καὶ Ἄσιοσ ἐγενεαλόγησαν. μεγάλασ οἶδα Ηοἴασ, τὰ δὲ ἐσ τὸν Μεσσήνησ ἄνδρα καὶ τὰ ἐσ αὐτὴν Μεσσήνην παρεῖταί σφισι.

χρόνῳ δὲ ὕστερον, ὡσ ἦν τῶν Πολυκάονοσ οὐδεὶσ ἔτι ἀπογόνων, ἐσ γενεὰσ πέντε ἐμοὶ δοκεῖν προελθόντων καὶ οὐ πλέονασ, Περιήρην τὸν Αἰόλου βασιλέα ἐπάγονται.

παρὰ τοῦτον ἀφίκετο, ὡσ οἱ Μεσσήνιοί φασι, Μελανεύσ, τοξεύειν ἀνὴρ ἀγαθὸσ καὶ διὰ τοῦτο Ἀπόλλωνοσ εἶναι νομιζόμενοσ· καί οἱ τῆσ χώρασ τὸ Καρνάσιον, τότε δὲ Οἰχαλίαν κληθεῖσαν, ἀπένειμεν ὁ Περιήρησ ἐνοικῆσαι· γενέσθαι δὲ ὄνομα Οἰχαλίαν τῇ πόλει φασὶν ἀπὸ τοῦ Μελανέωσ τῆσ γυναικόσ. Θεσσαλοὶ δὲ καὶ Εὐβοεῖσ, ἥκει γὰρ δὴ ἐσ ἀμφισβήτησιν τῶν ἐν τῇ Ἑλλάδι <τὰ> πλείω, λέγουσιν οἱ μὲν ὡσ τὸ Εὐρύτιον ‐ χωρίον δὲ ἔρημον ἐφ’ ἡμῶν ἐστι τὸ Εὐρύτιον ‐ πόλισ τὸ ἀρχαῖον ἦν καὶ ἐκαλεῖτο Οἰχαλία, τῷ δὲ Εὐβοέων λόγῳ Κρεώφυλοσ ἐν Ἡρακλείᾳ πεποίηκεν ὁμολογοῦντα·

Ἑκαταῖοσ δὲ ὁ Μιλήσιοσ ἐν Σκίῳ μοίρᾳ τῆσ Ἐρετρικῆσ ἔγραψεν εἶναι Οἰχαλίαν. ἀλλὰ γὰρ οἱ Μεσσήνιοι τά τε ἄλλα δοκοῦσί μοι μᾶλλον εἰκότα ἐκείνων λέγειν καὶ οὐχ ἥκιστα τῶν ὀστῶν ἕνεκα τῶν Εὐρύτου, ἃ δὴ καὶ ἐν τοῖσ ἔπειτά που <ὁ> λόγοσ ἐπέξεισί μοι. Περιήρει δὲ ἐγεγόνεσαν ἐκ Γοργοφόνησ τῆσ Περσέωσ Ἀφαρεὺσ καὶ Λεύκιπποσ, καὶ ὡσ ἀπέθανε Περιήρησ, ἔσχον οὗτοι τὴν Μεσσηνίων ἀρχήν·

κυριώτεροσ δὲ ἔτι Ἀφαρεὺσ ἦν. οὗτοσ βασιλεύσασ πόλιν ᾤκισεν Ἀρήνην ἀπὸ τῆσ Οἰβάλου θυγατρόσ, αὑτοῦ δὲ γυναικὸσ τῆσ αὐτῆσ καὶ ἀδελφῆσ ὁμομητρίασ· Οἰβάλῳ συνῴκησε Γοργοφόνη, καί μοι δὶσ ἤδη τὰ ἐσ αὐτὴν ὁ λόγοσ ἔν τε τῇ Ἀργολίδι ἐδήλωσε καὶ ἐν τῇ Λακωνικῇ συγγραφῇ.

ὁ δ’ οὖν Ἀφαρεὺσ πόλιν τε ἔκτισεν ἐν τῇ Μεσσηνίᾳ τὴν Ἀρήνην καὶ Νηλέα τὸν Κρηθέωσ τοῦ Αἰόλου, Ποσειδῶνοσ δὲ ἐπίκλησιν, ἀνεψιὸν ὄντα αὐτῷ, φεύγοντα ἐξ Ιὠλκοῦ Πελίαν ἐδέξατο οἴκῳ καὶ τῆσ γῆσ οἱ ἔδωκε τὰ ἐπὶ θαλάσσῃ, ἐν οἷσ ἄλλαι τε ἦσαν πόλεισ καὶ ἡ Πύλοσ, ἔνθα καὶ ᾤκησε καὶ τὸ βασίλειον κατεστήσατο ὁ Νηλεύσ.

ἀφίκετο δὲ ἐσ τὴν Ἀρήνην καὶ Λύκοσ ὁ Πανδίονοσ, ὅτε καὶ αὐτὸσ τὸν ἀδελφὸν Αἰγέα ἐξ Ἀθηνῶν ἔφευγε·

καὶ τὰ ὄργια ἐπέδειξε τῶν Μεγάλων θεῶν Ἀφαρεῖ καὶ τοῖσ παισὶ καὶ τῇ γυναικὶ Ἀρήνῃ· ταῦτα δέ σφισιν ἐπεδείκνυτο ἀγαγὼν ἐσ τὴν Ἀνδανίαν, ὅτι καὶ τὴν Μεσσήνην ὁ Καύκων ἐμύησεν ἐνταῦθα. Ἀφαρεῖ δὲ τῶν παίδων πρεσβύτεροσ μὲν καὶ ἀνδρειότεροσ Ἴδασ, νεώτεροσ δὲ ἦν Λυγκεύσ, ὃν ἔφη Πίνδαροσ ‐ ὅτῳ πιστὰ ‐ οὕτωσ ὀξὺ ὁρᾶν ὡσ καὶ διὰ στελέχουσ θεᾶσθαι δρυόσ.

Λυγκέωσ μὲν δὴ παῖδα οὐκ ἴσμεν γενόμενον, Ἴδα δὲ Κλεοπάτραν θυγατέρα ἐκ Μαρπήσσησ, ἣ Μελεάγρῳ συνῴκησεν. ὁ δὲ τὰ ἔπη ποιήσασ τὰ Κύπρια Πρωτεσιλάου φησίν, ὃσ ὅτε κατὰ τὴν Τρῳάδα ἔσχον Ἕλληνεσ ἀποβῆναι πρῶτοσ ἐτόλμησε, Πρωτεσιλάου τούτου τὴν γυναῖκα Πολυδώραν μὲν τὸ ὄνομα, θυγατέρα δὲ Μελεάγρου φησὶν εἶναι τοῦ Οἰνέωσ. εἰ τοίνυν ἐστὶν ἀληθέσ, αἱ γυναῖκεσ αὗται τρεῖσ οὖσαι τὸν ἀριθμὸν ἀπὸ Μαρπήσσησ ἀρξάμεναι προαποθανοῦσι πᾶσαι τοῖσ ἀνδράσιν ἑαυτὰσ ἐπικατέσφαξαν.

일치하는 문장이 없습니다.

SEARCH

MENU NAVIGATION