헬라어 문장 검색 - Παυσαν́Δεσξριπ́4́31́

(파우사니아스, Description of Greece, Μεσσηνιακά, chapter 31)

ὀλίγον δὲ ἀπωτέρω Φαρῶν Ἀπόλλωνοσ ἄλσοσ ἐστὶ Καρνείου καὶ ὕδατοσ ἐν αὐτῷ πηγή· θαλάσσησ δὲ ἕξ που στάδια ἀπέχουσιν αἱ Φαραί. ἐντεῦθεν πρὸσ μεσόγαιαν τῆσ Μεσσηνίασ σταδίουσ προελθόντι ὀγδοήκοντα, ἔστιν ἡ Θουριατῶν πόλισ, Ἄνθειαν δὲ αὐτὴν ἐν τοῖσ ἔπεσιν ὠνομάσθαι τοῖσ Ὁμήρου λέγουσι· Λακεδαιμονίοισ δὲ ἔχειν τοῖσ ἐν Σπάρτῃ τὴν Θουρίαν ἔδωκεν Αὔγουστοσ. Αὐγούστῳ γὰρ βασιλεύοντι Ῥωμαίων ἐπολέμησεν Ἀντώνιοσ, γένει καὶ οὗτοσ Ῥωμαῖοσ· καί οἱ τῶν ἐν τῇ Ἑλλάδι ἄλλοι τε καὶ οἱ Μεσσήνιοι προσέθεντο, ὅτι ἐφρόνουν Λακεδαιμόνιοι τὰ Αὐγούστου. καὶ ὁ μὲν τούτων ἕνεκα Μεσσηνίοισ καὶ τῶν ἄλλων τῶν ἀντιταξαμένων τοῖσ μὲν αὐτῶν ἔλαττον, τοῖσ δὲ καὶ ἐσ πλέον ἐπεξῆλθε·

Θουριᾶται δὲ ἐκ τῆσ πόλεωσ ἐν μετεώρῳ τὸ ἀρχαῖον οἰκουμένησ ἐσ τὸ πεδίον κατελθόντεσ οἰκοῦσιν. οὐ μὴν παντάπασί γε οὐδὲ τὴν ἄνω πόλιν ἐκλελοίπασιν, ἀλλὰ καὶ τείχουσ ἐρείπια καὶ ἱερόν ἐστιν αὐτόθι ὀνομαζόμενον θεοῦ Συρίασ· τὴν δὲ ἐν τῷ πεδίῳ πόλιν ποταμὸσ καλούμενοσ Ἄρισ παρέξεισιν. ἔστι δὲ ἐν τῇ μεσογαίῳ κώμη Καλάμαι καὶ Λίμναι χωρίον·

ἐν δὲ αὐτῷ Λιμνάτιδοσ ἱερόν ἐστιν Ἀρτέμιδοσ, ἔνθα Τηλέκλῳ βασιλεύοντι ἐν Σπάρτῃ τὴν τελευτὴν συμβῆναι λέγουσιν. ἰόντι δὲ ἐκ Θουρίασ ὡσ ἐπὶ Ἀρκαδίασ εἰσὶν αἱ πηγαὶ τοῦ Παμίσου·

καὶ ἐπ’ αὐταῖσ παισὶ μικροῖσ ἀκέσματα γίνεται. ἰοῦσι δὲ ἀπὸ τῶν πηγῶν ἐν ἀριστερᾷ καὶ προελθόντι ὡσ τεσσαράκοντα στάδια, ἔστι Μεσσηνίοισ ἡ ὑπὸ τῇ Ἰθώμῃ πόλισ·

περιέχεται δὲ οὐ τῇ Ἰθώμῃ μόνον ἀλλὰ καὶ ἐπὶ τὸν Πάμισον τὰ τετραμμένα ὑπὸ τῆσ Εὐάσ· τὸ δὲ ὄνομα γενέσθαι τῷ ὄρει φασὶ Βακχικόν τι ἐπίφθεγμα εὐοῖ Διονύσου πρῶτον ἐνταῦθα αὐτοῦ τε εἰπόντοσ καὶ τῶν ὁμοῦ τῷ Διονύσῳ γυναικῶν. περὶ δὲ τὴν Μεσσήνην τεῖχοσ, κύκλοσ μὲν πᾶσ λίθου πεποίηται, πύργοι δὲ καὶ ἐπάλξεισ εἰσὶν ἐνῳκοδομημένοι.

τὰ μὲν οὖν Βαβυλωνίων ἢ τὰ Μεμνόνεια τὰ ἐν Σούσοισ τείχη τοῖσ Περσικοῖσ οὔτε εἶδον οὔτε ἄλλων περὶ αὐτῶν ἤκουσα αὐτοπτούντων· τὰ δὲ ἐν Ἀμβρόσ<σ>ῳ τῇ Φωκικῇ ἔν τε Βυζαντίῳ καὶ Ῥόδῳ ‐ ταῦτα γὰρ δὴ τετείχισται τὰ χωρία ἄριστα ‐ τούτων Μεσσηνίοισ ἐστὶν ἐχυρώτερον. Μεσσηνίοισ δὲ ἐν τῇ ἀγορᾷ Διόσ ἐστιν ἄγαλμα Σωτῆροσ καὶ Ἀρσινόη κρήνη·

τὸ μὲν δὴ ὄνομα ἀπὸ τῆσ Λευκίππου θυγατρὸσ εἴληφεν, ὑπορρεῖ δὲ ἐσ αὐτὴν ὕδωρ ἐκ πηγῆσ καλουμένησ Κλεψύδρασ. θεῶν δὲ ἱερὰ Ποσειδῶνοσ, τὸ δὲ Ἀφροδίτησ ἐστί· καὶ οὗ μάλιστα ἄξιον ποιήσασθαι μνήμην, ἄγαλμα Μητρὸσ θεῶν λίθου Παρίου, Δαμοφῶντοσ δὲ ἔργον, ὃσ καὶ τὸν Δία ἐν Ὀλυμπίᾳ διεστηκότοσ ἤδη τοῦ ἐλέφαντοσ συνήρμοσεν ἐσ τὸ ἀκριβέστατον· καί οἱ δεδομέναι τιμαὶ παρὰ Ἠλείων εἰσί. Δαμοφῶντοσ δέ ἐστι τούτου καὶ ἡ Λαφρία καλουμένη παρὰ Μεσσηνίοισ·

σέβεσθαι δέ σφισιν ἀπὸ τοιοῦδε αὐτὴν καθέστηκε. Καλυδωνίοισ ἡ Ἄρτεμισ ‐ ταύτην γὰρ θεῶν μάλιστα ἔσεβον ‐ ἐπίκλησιν εἶχε Λαφρία· Μεσσηνίων δὲ οἱ λαβόντεσ Ναύπακτον παρὰ Ἀθηναίων ‐ τηνικαῦτα γὰρ Αἰτωλίασ ἐγγύτατα ᾤκουν ‐ παρὰ Καλυδωνίων ἔλαβον.

τὸ σχῆμα ἑτέρωθι δηλώσω. τὸ μὲν δὴ τῆσ Λαφρίασ ἀφίκετο ὄνομα ἔσ τε Μεσσηνίουσ καὶ ἐσ Πατρεῖσ Ἀχαιῶν μόνουσ, Ἐφεσίαν δὲ Ἄρτεμιν πόλεισ τε νομίζουσιν αἱ πᾶσαι καὶ ἄνδρεσ ἰδίᾳ θεῶν μάλιστα ἄγουσιν ἐν τιμῇ· τὰ δὲ αἴτια ἐμοὶ δοκεῖν ἐστὶν Ἀμαζόνων τε κλέοσ, αἳ φήμην τὸ ἄγαλμα ἔχουσιν ἱδρύσασθαι, καὶ ὅτι ἐκ παλαιοτάτου τὸ ἱερὸν τοῦτο ἐποιήθη.

τρία δὲ ἄλλα ἐπὶ τούτοισ συνετέλεσεν ἐσ δόξαν, μέγεθόσ τε τοῦ ναοῦ τὰ παρὰ πᾶσιν ἀνθρώποισ κατασκευάσματα ὑπερηρκότοσ καὶ Ἐφεσίων τῆσ πόλεωσ ἡ ἀκμὴ καὶ ἐν αὐτῇ τὸ ἐπιφανὲσ τῆσ θεοῦ. πεποίηται δὲ καὶ Εἰλειθυίασ Μεσσηνίοισ ναὸσ καὶ ἄγαλμα λίθου, πλησίον δὲ Κουρήτων μέγαρον, ἔνθα ζῷα τὰ πάντα ὁμοίωσ καθαγίζουσιν·

ἀρξάμενοι γὰρ ἀπὸ βοῶν τε καὶ αἰγῶν καταβαίνουσιν ἐσ τοὺσ ὄρνιθασ ἀφιέντεσ ἐσ τὴν φλόγα. καὶ Δήμητροσ ἱερὸν Μεσσηνίοισ ἐστὶν ἅγιον καὶ Διοσκούρων ἀγάλματα φέροντεσ τὰσ Λευκίππου· καί μοι καὶ ταῦτα ἐν τοῖσ προτέροισ ἐστὶν ἤδη δεδηλωμένα, ὡσ οἱ Μεσσήνιοι τοὺσ Τυνδάρεω παῖδασ ἀμφισβητοῦσιν αὑτοῖσ καὶ οὐ Λακεδαιμονίοισ προσήκειν. πλεῖστα δέ σφισι καὶ θέασ μάλιστα ἀγάλματα ἄξια τοῦ Ἀσκληπιοῦ παρέχεται τὸ ἱερόν·

χωρὶσ μὲν γὰρ τοῦ θεοῦ καὶ τῶν παίδων ἐστὶν ἀγάλματα, χωρὶσ δὲ Ἀπόλλωνοσ καὶ Μουσῶν καὶ Ἡρακλέουσ· τε ἡ Θηβαίων καὶ Ἐπαμινώνδασ ὁ Κλεόμμιδοσ Τύχη τε καὶ Ἄρτεμισ Φωσφόροσ, τὰ μὲν δὴ τοῦ λίθου Δαμοφῶν αὐτοῖσ εἰργάσατο ‐ Μεσσήνιον δὲ ὅτι μὴ τοῦτον ἄλλον γε οὐδένα λόγου ποιήσαντα ἀξίωσ οἶδα ἀγάλματα ‐ , ἡ δὲ εἰκὼν τοῦ Ἐπαμινώνδου ἐκ σιδήρου τέ ἐστι καὶ ἔργον ἄλλου, οὐ τούτου.

ἔστι δὲ καὶ Μεσσήνησ τῆσ Τριόπα ναὸσ καὶ ἄγαλμα χρυσοῦ καὶ λίθου Παρίου·

γραφαὶ δὲ κατὰ τοῦ ναοῦ τὸ ὄπισθεν αἱ βασιλεύσαντέσ εἰσι Μεσσήνησ, πρὶν μὲν ἢ στόλον ἀφικέσθαι τὸν Δωριέων ἐσ Πελοπόννησον Ἀφαρεὺσ καὶ οἱ παῖδεσ, κατελθόντων δὲ Ἡρακλειδῶν Κρεσφόντησ ἐστίν, ἡγεμὼν καὶ οὗτοσ τοῦ Δωρικοῦ, τῶν δὲ οἰκησάντων ἐν Πύλῳ Νέστωρ καὶ Θρασυμήδησ καὶ Ἀντίλοχοσ, προτετιμημένοι παίδων τῶν Νέστοροσ ἡλικίᾳ καὶ ἐπὶ Τροίαν μετεσχηκότεσ τῆσ στρατείασ. Λεύκιππόσ τε Ἀφαρέωσ ἀδελφὸσ καὶ Ἱλάειρά ἐστι καὶ Φοίβη, σὺν δέ σφισιν Ἀρσινόη.

γέγραπται δὲ καὶ Ἀσκληπιόσ, Ἀρσινόησ ὢν λόγῳ τῷ Μεσσηνίων, καὶ Μαχάων καὶ Ποδαλείριοσ, ὅτι ἔργου τοῦ πρὸσ Ἰλίῳ καὶ τούτοισ μέτεστι. ταύτασ τὰσ γραφὰσ ἔγραψεν Ὀμφαλίων, Νικίου τοῦ Νικομήδουσ μαθητήσ· οἱ δὲ αὐτὸν καὶ δουλεῦσαι παρὰ τῷ Νικίᾳ καὶ παιδικὰ γενέσθαι φασὶν αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 31

(파우사니아스, Description of Greece, Μεσσηνιακά, chapter 31)

상위

목록

SEARCH

MENU NAVIGATION