헬라어 문장 검색 - Παυσαν́Δεσξριπ́4́10́

(파우사니아스, Description of Greece, Μεσσηνιακά, chapter 10)

Μεσσηνίοισ χρησμὸν ἀθύμωσ διέκειντο καὶ αὐτοὶ καὶ οἱ βασιλεῖσ ἔσ τε τὰ λοιπὰ καὶ ἄρχειν ὀκνοῦντεσ μάχησ. ἔτει δὲ ἕκτῳ μετὰ τὸν ἐξ Ἰθώμησ Λυκίσκου δρασμὸν οἱ Λακεδαιμόνιοι ‐ τὰ γὰρ ἱερὰ ἐγίνετο αὐτοῖσ αἴσια ‐ στρατεύουσιν ἐπὶ τὴν Ἰθώμην·

οἱ δὲ Κρῆτεσ οὐκέτι παρόντεσ σφίσιν ἔτυχον. ὑστέρησαν δὲ καὶ οἱ τῶν Μεσσηνίων σύμμαχοι ‐ δι’ ὑποψίασ γὰρ οἱ Σπαρτιᾶται καὶ ἄλλοισ ἤδη Πελοποννησίων καὶ Ἀρκάσιν ἦσαν καὶ Ἀργείοισ μάλιστα ‐ καὶ οἱ μὲν Ἀργεῖοι κρύφα ἔμελλον τῶν Λακεδαιμονίων ἀφίξεσθαι καὶ ἰδίᾳ δὴ μᾶλλον <ἢ> μετὰ δόγματοσ κοινοῦ, τοῖσ δὲ Ἀρκάσιν ἡ στρατεία μὲν ἀνείρητο ἐκ τοῦ φανεροῦ, παρέτυχον δὲ οὐδ’ οὗτοι. τοὺσ γὰρ Μεσσηνίουσ καὶ ἄνευ συμμάχων κινδυνεῦσαι προήγαγεν ἡ δόξα τοῦ χρησμοῦ. τὰ μὲν οὖν πολλὰ οὐδέν τι ἐγένετο διάφορα ἢ καὶ ἐπὶ τῆσ προτέρασ μάχησ, ἥ τε ἡμέρα καὶ τότε μαχομένουσ προαπέλιπεν·

οὐ μέντοι βιασθῆναί γε οὐδέτερον κέρασ ἢ καὶ λόχον μνημονεύουσιν, ἐπεὶ μηδὲ τὴν τάξιν, ὡσ ἀπ’ ἀρχῆσ ἐτάχθησαν, συμμεῖναί φασιν, ἀλλ’ ἀφ’ ἑκατέρων τοὺσ ἀρίστουσ συνελθόντασ ἐσ τὸ μεσαίτατον ἐνταῦθα τὸν πάντα ἔχειν πόνον. ὁ γὰρ Εὐφαὴσ πλέον τι ἢ βασιλέα εἰκὸσ ἦν προθυμούμενοσ καὶ ἀφειδῶσ τοῖσ περὶ τὸν Θεόπομπον ἐγκείμενοσ τραύματα τε πολλά τε καὶ οὐκ ἰάσιμα λαμβάνει·

λιποψυχήσαντα δὲ αὐτὸν καὶ πεσόντα οἱ Λακεδαιμόνιοι καὶ ὀλίγον ὅμωσ ἐμπνέοντα ἐποιοῦντο παρ’ αὑτοὺσ ἑλκύσαι σπουδήν. ἐπήγειρε δὲ καὶ τοὺσ Μεσσηνίουσ ἥ τε ἐσ τὸν Εὐφαῆ προϋπάρχουσα εὔνοια καὶ τὰ ὀνείδη τὰ μέλλοντα· ψυχὰσ ἢ ἐκεῖνον προεμένων ἀποσωθῆναί τινα.

τότε μὲν δὴ πεσὼν ὁ Εὐφαὴσ τήν τε μάχην ἐπεμήκυνε καὶ προήγαγεν ἐσ πλέον παρὰ ἑκατέρων τὰ τολμήματα·

ὕστερον δὲ ἀνήνεγκε μὲν καὶ ᾔσθετο ὅτι οὐκ ἔλαττον ἐσχήκασιν ἐν τῷ ἔργῳ, ἡμέραισ δὲ οὐ πολλαῖσ ἀποθνήσκει, βασιλεύσασ Μεσσηνίων τρία ἔτη καὶ δέκα καὶ πολεμήσασ Λακεδαιμονίοισ τὸν πάντα τῆσ βασιλείασ χρόνον. Εὐφαεῖ δὲ οὐκ ὄντων παίδων τὸν αἱρεθέντα ὑπὸ τοῦ δήμου κατελείπετο ἔχειν τὴν ἀρχήν, Κλέοννίσ τε καὶ Δᾶμισ ἐσ ἀμφισβήτησιν Ἀριστοδήμῳ προῆλθον, τά τε ἄλλα καὶ τὰ ἐσ πόλεμον διαφέρειν νομιζόμενοι·

τὸν δὲ Ἄντανδρον οἱ πολέμιοι κατειργάσαντο ἐν τῇ μάχῃ προκινδυνεύοντα Εὐφαοῦσ. ἦσαν δὲ καὶ τῶν μάντεων αἱ γνῶμαι κατὰ ταὐτὰ ἀμφοτέρων, Ἐπηβόλου καὶ Ὀφιονέωσ, μὴ σφᾶσ ἀνδρὶ ἐναγεῖ καὶ θυγατρὸσ μίασμα ἐπικειμένῳ δοῦναι τὴν Αἰπύτου καὶ τῶν ἀπογόνων τιμήν· ᾑρέθη δὲ ὅμωσ καὶ ἐβασίλευσεν Ἀριστόδημοσ.

ὁ δὲ Ὀφιονεὺσ οὗτοσ ὁ τῶν Μεσσηνίων μάντισ τυφλὸσ ὢν εὐθὺσ ἐκ γενετῆσ μαντικήν τινα εἶχε τοιαύτην· πυνθανόμενοσ τὰ γινόμενα ἑκάστοισ ἰδίᾳ τε καὶ ἐν κοινῷ προέλεγεν οὕτω τὰ μέλλοντα. οὗτοσ μὲν τρόπον ἐμαντεύετο τὸν εἰρημένον, Ἀριστόδημοσ δὲ βασιλεύσασ τῷ τε δήμῳ διέμεινε τὰ εἰκότα χαρίζεσθαι προθυμούμενοσ καὶ τοὺσ ἐν τέλει τούσ τε ἄλλουσ καὶ μάλιστα Κλέοννιν καὶ Δᾶμιν ἦγεν ἐν τιμῇ· διὰ θεραπείασ δὲ εἶχε καὶ τὰ τῶν συμμάχων, Ἀρκάδων τε τοῖσ δυνατοῖσ καὶ ἐσ Ἄργοσ καὶ Σικυῶνα ἀποστέλλων δῶρα. τὸν δὲ πόλεμον ἐπὶ τῆσ Ἀριστοδήμου βασιλείασ ἐπολέμουν λῃστείαισ τε κατ’ ὀλίγουσ ἀεὶ καὶ περὶ τὴν ὡραίαν καταδρομαῖσ ἐσ τὴν ἀλλήλων χρώμενοι, συνεσέβαλλον δὲ καὶ παρὰ τῶν Ἀρκάδων τοῖσ Μεσσηνίοισ ἐσ τὴν Λακωνικήν·

Ἀργεῖοι δὲ προαναφῆναι μὲν τὸ ἐσ τοὺσ Λακεδαιμονίουσ ἔχθοσ οὐκ ἠξίουν, γινομένου δὲ ἀγῶνοσ παρεσκευάζοντο ὡσ μεθέξοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 10

(파우사니아스, Description of Greece, Μεσσηνιακά, chapter 10)

상위

목록

SEARCH

MENU NAVIGATION