Pausanias, Description of Greece, Μεσσηνιακά, chapter 36

(파우사니아스, Description of Greece, Μεσσηνιακά, chapter 36)

ἔστι δὲ ἐκ Μοθώνησ ὁδὸσ σταδίων μάλιστα ἑκατὸν ἐπὶ τὴν ἄκραν τὸ Κορυφάσιον· ἐπ’ αὐτῇ δὲ ἡ Πύλοσ κεῖται. ταύτην ᾤκισε Πύλοσ ὁ Κλήσωνοσ ἀγαγὼν ἐκ τῆσ Μεγαρίδοσ τοὺσ ἔχοντασ τότε αὐτὴν Λέλεγασ· καὶ τῆσ μὲν οὐκ ὤνατο ὑπὸ Νηλέωσ καὶ τῶν ἐξ Ιὠλκοῦ Πελασγῶν ἐκβληθείσ, ἀποχωρήσασ δὲ ἐσ τὴν ὅμορον ἔσχεν ἐνταῦθα Πύλον τὴν ἐν τῇ Ἠλείᾳ. Νηλεὺσ δὲ βασιλεύσασ ἐσ τοσοῦτο προήγαγεν ἀξιώματοσ τὴν Πύλον ὡσ καὶ Ὅμηρον ἐν τοῖσ ἔπεσιν ἄστυ ἐπονομάσαι Νηλήιον. ἐνταῦθα ἱερόν ἐστιν Ἀθηνᾶσ ἐπίκλησιν Κορυφασίασ καὶ οἶκοσ καλούμενοσ Νέστοροσ·

ἐν δὲ αὐτῷ καὶ ὁ Νέστωρ γέγραπται· καὶ μνῆμα ἐντὸσ τῆσ πόλεώσ ἐστιν αὐτῷ, τὸ δὲ ὀλίγον ἀπωτέρω τῆσ Πύλου Θρασυμήδουσ φασὶν εἶναι. καὶ σπήλαιόν ἐστιν ἐντὸσ τῆσ πόλεωσ· βοῦσ δὲ ἐνταῦθα τὰσ Νέστοροσ καὶ ἔτι πρότερον Νηλέωσ φασὶν αὐλίζεσθαι. εἰή δ’ ἂν Θεσσαλικὸν τὸ γένοσ τῶν βοῶν τούτων, Ἰφίκλου ποτὲ τοῦ Πρωτεσιλάου πατρόσ·

ταύτασ γὰρ δὴ τὰσ βοῦσ Νηλεὺσ ἕδνα ἐπὶ τῇ θυγατρὶ ᾔτει τοὺσ μνωμένουσ, καὶ τούτων ἕνεκα ὁ Μελάμπουσ χαριζόμενοσ τῷ ἀδελφῷ Βίαντι ἀφίκετο ἐσ τὴν Θεσσαλίαν, καὶ ἐδέθη μὲν ὑπὸ τῶν βουκόλων τοῦ Ἰφίκλου, λαμβάνει δὲ μισθὸν ἐφ’ οἷσ αὐτῷ δεηθέντι ἐμαντεύσατο. ἐσπουδάκεσαν δὲ ἄρα οἱ τότε πλοῦτόν τινα συλλέγεσθαι τοιοῦτον, ἵππων καὶ βοῶν ἀγέλασ, εἰ δὴ Νηλεύσ τε γενέσθαι οἱ βοῦσ ἐπεθύμησε τὰσ Ἰφίκλου καὶ Ἡρακλεῖ κατὰ δόξαν τῶν ἐν Ἰβηρίᾳ βοῶν προσέταξεν Εὐρυσθεὺσ ἐλάσαι τῶν Γηρυόνου βοῶν τὴν ἀγέλην.

φαίνεται δὲ καὶ Ἔρυξ τότε ἐν Σικελίᾳ δυναστεύων δριμὺν οὕτωσ ἔχων ἐσ τὰσ βοῦσ τὰσ ἐξ Ἐρυθείασ ἔρωτα, ὥστε καὶ ἐπάλαισε πρὸσ τὸν Ἡρακλέα ἆθλα ἐπὶ τῇ πάλῃ καταθέμενοσ τάσ τε βοῦσ ταύτασ καὶ ἀρχὴν τὴν ἑαυτοῦ.

πεποίηκε δὲ καὶ Ὅμηροσ ἐν Ἰλιάδι, ὡσ Ἰφιδάμασ ὁ Ἀντήνοροσ τὰ πρῶτα τῶν ἕδνων ἑκατὸν βοῦσ τῷ πενθερῷ δοίη. ταῦτα μὲν τὸν λόγον μοι βεβαιοῖ, βουσὶ τοὺσ τότε χαίρειν μάλιστα ἀνθρώπουσ· ἐνέμοντο δὲ ἐμοὶ δοκεῖν αἱ τοῦ Νηλέωσ βοῦσ ἐν τῇ ὑπερορίᾳ τὰ πολλά·

ὑπόψαμμόσ τε γάρ ἐστιν ὡσ ἐπίπαν ἡ τῶν Πυλίων χώρα καὶ πόαν βουσὶν οὐχ ἱκανὴ τοσαύτην παρασχέσθαι. μαρτυρεῖ δέ μοι καὶ Ὅμηροσ ἐν μνήμῃ Νέστοροσ ἐπιλέγων ἀεὶ βασιλέα αὐτὸν ἠμαθόεντοσ εἶναι Πύλου. τοῦ λιμένοσ δὲ ἡ Σφακτηρία νῆσοσ προβέβληται, καθάπερ τοῦ ὁρ́μου τοῦ Δηλίων ἡ Ῥήνεια·

ἐοίκασι δὲ αἱ ἀνθρώπειαι τύχαι καὶ χωρία τέωσ ἄγνωστα ἐσ δόξαν προῆχθαι. Καφηρέωσ τε γάρ ἐστιν ὄνομα τοῦ ἐν Εὐβοίᾳ τοῖσ σὺν Ἀγαμέμνονι Ἕλλησιν ἐπιγενομένου χειμῶνοσ ἐνταῦθα, ὡσ ἐκομίζοντο ἐξ Ἰλίου· Ψυττάλειάν τε τὴν ἐπὶ Σαλαμῖνι ἴσμεν ἀπολομένων ἐν αὐτῇ τῶν Μήδων.

ὡσαύτωσ δὲ καὶ τὴν Σφακτηρίαν τὸ ἀτύχημα τὸ Λακεδαιμονίων γνώριμον τοῖσ πᾶσιν ἐποίησεν· Ἀθηναῖοι δὲ καὶ Νίκησ ἀνέθηκαν ἄγαλμα ἐν ἀκροπόλει χαλκοῦν ἐσ μνήμην τῶν ἐν τῇ Σφακτηρίᾳ. ἀφικομένων δὲ ἐσ Κυπαρισσιὰσ ἐκ Πύλου σφίσι πηγὴ ὑπὸ τῇ πόλει πλησίον θαλάσσησ ἐστί·

ῥυῆναι δὲ Διονύσῳ τὸ ὕδωρ λέγουσι θύρσῳ πλήξαντι ἐσ τὴν γῆν, καὶ ἐπὶ τούτῳ Διονυσιάδα ὀνομάζουσι τὴν πηγήν. ἔστι δὲ καὶ Ἀπόλλωνοσ ἐν Κυπαρισσιαῖσ ἱερὸν καὶ Ἀθηνᾶσ ἐπίκλησιν Κυπαρισσίασ. ἐν δὲ Αὐλῶνι καλουμένῳ ναὸσ Ἀσκληπιοῦ καὶ ἄγαλμά ἐστιν Αὐλωνίου· κατὰ τοῦτο ὁ ποταμὸσ ἡ Νέδα μεταξὺ τῆσ τε Μεσσηνίασ ἤδη καὶ τῆσ Ἠλείασ διέξεισιν.

일치하는 문장이 없습니다.

SEARCH

MENU NAVIGATION