Pausanias, Description of Greece, Μεσσηνιακά, chapter 11

(파우사니아스, Description of Greece, Μεσσηνιακά, chapter 11)

πέμπτῳ δὲ ἔτει τῆσ Ἀριστοδήμου <βασιλείασ> μελλόντων ἐκ προρρήσεωσ συμβολὴν ποιήσεσθαι ‐ τῷ τε γὰρ μήκει τοῦ πολέμου καὶ τοῖσ δαπανήμασιν ἀπειρήκεσαν ‐ οὕτω παρεγένοντο ἀμφοτέροισ καὶ οἱ σύμμαχοι, Λακεδαιμονίοισ μὲν Κορίνθιοι Πελοποννησίων μόνοι, τοῖσ δὲ Μεσσηνίοισ οἵ τε Ἀρκάδεσ πανστρατιᾷ καὶ Ἀργείων καὶ Σικυωνίων λογάδεσ. Λακεδαιμόνιοι μὲν οὖν Κορινθίοισ καὶ τοῖσ εἵλωσι καὶ ὅσοι περίοικοι συνεστρατεύοντο τὸ μέσον ἐπιτρέψαντεσ, ἐπὶ τοῖσ κέρασιν αὐτοί τε καὶ οἱ βασιλεῖσ ἐτάσσοντο βαθείᾳ τε ὡσ οὔπω πρότερον καὶ πυκνῇ τῇ φάλαγγι. τῷ δὲ Ἀριστοδήμῳ καὶ τοῖσ περὶ αὐτὸν διετάχθη τὰ ἐσ τὴν μάχην οὕτωσ.

ὅσοι τῶν Ἀρκάδων ἢ τῶν Μεσσηνίων τὰ μὲν σώματα ἦσαν ἐρρωμένοι καὶ ἀγαθοὶ τὰσ ψυχάσ, ὅπλα δὲ οὐκ εἶχον ἰσχυρά, τούτοισ τῶν ὅπλων τὰ χρησιμώτατα ἐπέλεξε, καὶ ὡσ τὸ ἔργον ἤπειγεν, ὁμοῦ τοῖσ Ἀργείοισ καὶ Σικυωνίοισ καὶ τούτουσ ἔτασσε· τὴν δὲ φάλαγγα ἐπὶ πλέον ἥπλωσεν, ὡσ μὴ κυκλωθεῖεν ὑπὸ τῶν ἐναντίων. προείδετο δὲ καὶ ὅπωσ τεταγμένοισ σφίσι τὸ ὄροσ ἡ Ἰθώμη κατὰ νώτου γίνοιτο. καὶ τούτοισ μὲν Κλέοννιν ἐπέταξεν ἡγεμόνα· αὐτὸσ δὲ καὶ ὁ Δᾶμισ ὑπέμενον ἔχοντεσ τοὺσ ψιλούσ, σφενδονήτασ μὲν ἢ τοξότασ ὀλίγουσ, ὁ δὲ ὄχλοσ ὁ πολὺσ τοῖσ τε σώμασιν ἦσαν ἐσ τὰσ ἐπιδρομὰσ καὶ ἀναχωρήσεισ ἐπιτήδειοι καὶ τῇ ὁπλίσει κοῦφοι·

θώρακα γὰρ ἢ ἀσπίδα εἶχεν <οὐχ> ἕκαστοσ, ὅσοι δὲ ἠπόρουν τούτων, περιεβέβληντο αἰγῶν νάκασ καὶ προβάτων, οἱ δὲ καὶ θηρίων δέρματα καὶ μάλιστα οἱ ὀρεινοὶ τῶν Ἀρκάδων λύκων τε καὶ ἄρκτων.

ἀκόντια δὲ ἕκαστοσ πολλά, οἱ δὲ καὶ λόγχασ αὐτῶν ἔφερον.

καὶ οὗτοι μὲν ἐλόχων τῆσ Ἰθώμησ ἔνθα ἔμελλον ἥκιστα ἔσεσθαι σύνοπτοι· οἱ δὲ ὁπλῖται τῶν Μεσσηνίων καὶ συμμάχων τήν τε ἔφοδον τὴν πρώτην τῶν Λακεδαιμονίων ὑπέμειναν καὶ μετὰ τοῦτο ἦσαν ἤδη καὶ τὰ ἄλλα ἀνδρεῖοι. ἀριθμῷ μὲν δὴ τῶν ἐναντίων ἀπελείποντο, λογάδεσ δὲ ὄντεσ ἐμάχοντο πρὸσ δῆμον καὶ οὐχ ὁμοίωσ πρὸσ κρείττουσ, ᾗ καὶ μᾶλλον τῇ τε ἄλλῃ προθυμίᾳ καὶ ταῖσ ἐμπειρίαισ ἐπὶ πολὺ ἀντεῖχον. ἐνταῦθα καὶ ὁ στρατὸσ τῶν Μεσσηνίων ὁ εὔζωνοσ, ἀφ’ οὗ καὶ τούτοισ ἤρθη τὰ σημεῖα, ἐχρῶντο ἐπὶ τοὺσ Λακεδαιμονίουσ δρόμῳ καὶ περιστάντεσ ἠκόντιζον ἐσ τὰ πλάγια·

ὅσοισ δὲ καὶ ἐπὶ πλέον μετῆν τόλμησ, προσέθεόν τε καὶ ἔτυπτον ἐκ χειρόσ. οἱ δὲ Λακεδαιμόνιοι, κίνδυνόν σφισι δεύτερον ἐν τῷ αὐτῷ καὶ οὕτωσ ἀνέλπιστον ὁρῶντεσ παρόντα, ὅμωσ οὔτε ἐταράχθησαν ἐπιστρεφόμενοί τε ἐσ τοὺσ ψιλοὺσ ἀμύνεσθαι μὲν ἐπειρῶντο, διὰ δὲ τὴν κουφότητα οὐ χαλεπῶσ ἀποφευγόντων ἀπορία τοῖσ Λακεδαιμονίοισ καὶ ἀπ’ αὐτῆσ ἤδη καὶ ὀργὴ γίνεται. πεφύκασι δέ πωσ οἱ ἄνθρωποι μάλιστα ἔχειν ἀκρατῶσ πρὸσ τὰ παρ’ ἀξίαν·

καὶ δὴ καὶ τότε οἵ τε ἤδη τραύματα τῶν Σπαρτιατῶν εἰληφότεσ καὶ ὅσοι κειμένων τῶν παραστατῶν ἐγίνοντο πρὸσ τὴν ἔφοδον τῶν ψιλῶν πρῶτοι προεξέθεόν τε, ὁπότε ἴδοιεν ἐπιφερομένουσ τοὺσ ψιλούσ, καὶ ὑπὸ θυμοῦ μακροτέρασ τὰσ διώξεισ ἐποιοῦντο ἀποχωρούντων. οἱ δὲ ψιλοὶ τῶν Μεσσηνίων ὡσ τὸ πρῶτον ἤρξαντο, κατὰ χώραν τε μένοντασ ἔτυπτον καὶ ἐσηκόντιζον καὶ διωκόντων ἔφθανον ἀποφεύγοντεσ καὶ πειρωμένοισ ἀναστρέφειν αὖθισ ἐπῄεσαν.

ταῦτα δὲ ἔδρων σποράδην καὶ ἄλλοι κατ’ ἄλλο τῆσ τῶν ἐναντίων τάξεωσ·

οἵ τε ὁπλῖται τῶν Μεσσηνίων καὶ συμμάχων θρασύτερον ἐν τῷ τοιῷδε τοῖσ κατὰ στόμα αὐτῶν ἐπέκειντο. τέλοσ δὲ οἱ Λακεδαιμόνιοι τῷ τε χρόνῳ καὶ τοῖσ τραύμασιν ἀπαγορεύοντεσ καὶ ἅμα παρὰ τὸ εἰωθὸσ ὑπὸ τῶν ψιλῶν ταρασσόμενοι διαλύουσι τὴν τάξιν· τραπέντων δέ, ἐνταῦθά σφισι πλείω παρεῖχον κακὰ οἱ ψιλοί. τοὺσ δὲ τῶν Λακεδαιμονίων διαφθαρέντασ ἐν τῇ μάχῃ συλλαβεῖν μὲν οὐχ οἱᾶ́ τε ἦν ἀριθμῷ, πείθομαι δὲ εἶναι καὶ αὐτὸσ πολλούσ.

ἡ δὲ οἴκαδε ἀναχώρησισ τοῖσ μὲν ἄλλοισ καθ’ ἡσυχίαν, Κορινθίοισ δὲ ἔμελλεν ἔσεσθαι χαλεπή· διὰ πολεμίασ γὰρ ἐγίνετο ὁμοίωσ διά τε τῆσ Ἀργείασ πειρωμένοισ καὶ παρὰ Σικυῶνα ἀνασωθῆναι.

일치하는 문장이 없습니다.

SEARCH

MENU NAVIGATION