헬라어 문장 검색 - Παυσαν́Δεσξριπ́4́04́

(파우사니아스, Description of Greece, Μεσσηνιακά, chapter 4)

ἐπὶ δὲ Φίντα τοῦ Συβότα πρῶτον Μεσσήνιοι τότε τῷ Ἀπόλλωνι ἐσ Δῆλον θυσίαν καὶ ἀνδρῶν χορὸν ἀποστέλλουσι· τὸ δέ σφισιν ᾆσμα προσόδιον ἐσ τὸν θεὸν ἐδίδαξεν Εὔμηλοσ, εἶναί τε ὡσ ἀληθῶσ Εὐμήλου νομίζεται μόνα τὰ ἔπη ταῦτα. ἐγένετο δὲ καὶ πρὸσ Λακεδαιμονίουσ ἐπὶ τῆσ Φίντα βασιλείασ διαφορὰ πρῶτον, ἀπὸ αἰτίασ ἀμφισβητουμένησ μὲν καὶ ταύτησ, γενέσθαι δὲ οὕτω λεγομένησ. ἔστιν ἐπὶ τοῖσ ὁρ́οισ τῆσ Μεσσηνίασ ἱερὸν Ἀρτέμιδοσ καλουμένησ Λιμνάτιδοσ, μετεῖχον δὲ αὐτοῦ μόνοι Δωριέων οἵ τε Μεσσήνιοι καὶ οἱ Λακεδαιμόνιοι.

βιασθείσασ τῶν παρθένων διεργάσασθαι λέγουσιν αὑτὰσ ὑπὸ αἰσχύνησ·

Μεσσήνιοι δὲ τοῖσ ἐλθοῦσι σφῶν ἐσ τὸ ἱερὸν πρωτεύουσιν ἐν Μεσσήνῃ κατὰ ἀξίωμα, τούτοισ φασὶν ἐπιβουλεῦσαι Τήλεκλον, αἴτιον δὲ εἶναι τῆσ χώρασ τῆσ Μεσσηνίασ τὴν ἀρετήν, ἐπιβουλεύοντα δὲ ἐπιλέξαι Σπαρτιατῶν ὁπόσοι πω γένεια οὐκ εἶχον, τούτουσ δὲ ἐσθῆτι καὶ κόσμῳ τῷ λοιπῷ σκευάσαντα ὡσ παρθένουσ ἀναπαυομένοισ τοῖσ Μεσσηνίοισ ἐπεισαγαγεῖν, δόντα ἐγχειρίδια·

καὶ τοὺσ Μεσσηνίουσ ἀμυνομένουσ τούσ τε ἀγενείουσ νεανίσκουσ καὶ αὐτὸν ἀποκτεῖναι Τήλεκλον, Λακεδαιμονίουσ δὲ ‐ οὐ γὰρ ἄνευ τοῦ κοινοῦ ταῦτα βουλεῦσαι σφῶν τὸν βασιλέα ‐ συνειδότασ ὡσ ἄρξαιεν ἀδικίασ, τοῦ φόνου σφᾶσ τοῦ Τηλέκλου δίκασ οὐκ ἀπαιτῆσαι. ταῦτα μὲν ἑκάτεροι λέγουσι, πειθέσθω δὲ ὡσ ἔχει τισ ἐσ τοὺσ ἑτέρουσ σπουδῆσ. γενεᾷ δὲ ὕστερον βασιλεύοντοσ ἐν Λακεδαίμονι Ἀλκαμένουσ τοῦ Τηλέκλου, τῆσ δὲ οἰκίασ τῆσ ἑτέρασ Θεοπόμπου τοῦ Νικάνδρου τοῦ Χαρίλλου τοῦ Πολυδέκτου τοῦ Εὐνόμου τοῦ Πρυτάνιδοσ τοῦ Εὐρυπῶντοσ, Μεσσηνίων δὲ Ἀντιόχου καὶ Ἀνδροκλέουσ τῶν Φίντα, Λακεδαιμονίων καὶ Μεσσηνίων ἐξήρθη τὸ ἐσ ἀλλήλουσ μῖσοσ·

καὶ ἦρξαν οἱ Λακεδαιμόνιοι πολέμου, ἐπιγενομένησ ἀφορμῆσ σφισιν ἐθελέχθρωσ μὲν ἔχουσι καὶ πολεμῆσαι πάντωσ ἐγνωκόσιν οὐ μόνον ἀποχρώσησ ἀλλὰ καὶ τὰ μάλιστα εὐπροσώπου, μετὰ δὲ εἰρηνικωτέρασ γνώμησ κἂν διελύθη δικαστηρίου γνώσει. τὰ δὲ συμβάντα ἔσχεν οὕτω. Πολυχάρησ Μεσσήνιοσ τά τε ἄλλα οὐκ ἀφανὴσ καὶ νίκην Ὀλυμπίασιν ἀνῃρημένοσ ‐ τετάρτην Ὀλυμπιάδα ἦγον Ἠλεῖοι καὶ ἀγώνισμα ἦν σταδίου μόνον, ὅτε ὁ Πολυχάρησ ἐνίκησεν ‐ , τούτῳ τῷ ἀνδρὶ ἐγένοντο βοῦσ·

καὶ ‐ οὐ γὰρ ἐκέκτητο ἰδίαν γῆν ὡσ νομὰσ ταῖσ βουσὶν ἱκανὰσ εἶναι ‐ Σπαρτιάτῃ σφᾶσ δίδωσιν Εὐαίφνῳ βόσκεσθαί τε ἐν ἐκείνου καὶ μοῖραν εἶναι καὶ Εὐαίφνῳ τοῦ καρποῦ τῶν βοῶν.

ἦν δὲ ἄρα τοιόσδε τισ ὁ Εὐαίφνοσ, κέρδη τε ἄδικα ἐπίπροσθεν ἢ πιστὸσ εἶναι ποιούμενοσ καὶ ἄλλωσ αἱμύλοσ·

ὃσ καὶ τότε καταπλεύσασιν ἐσ τὴν Λακωνικὴν ἐμπόροισ ἀποδόμενοσ βοῦσ τὰσ Πολυχάρουσ ἦλθεν αὐτὸσ ὡσ Πολυχάρην ἄγγελοσ, ἐλθὼν δὲ ἀποβάντασ ἔλεγεν ἐσ τὴν χώραν λῃστὰσ καὶ βιασαμένουσ αὐτὸν λείαν βοῦσ τε ἄγεσθαι καὶ βουκόλουσ. ἑώσ δὲ οὗτοσ παρέπειθεν, ἐν τούτῳ τῶν τισ βουκόλων ἀποδιδράσκει τοὺσ ἐμπόρουσ, ἐπανήκων δὲ καταλαμβάνει τε αὐτοῦ παρὰ τῷ δεσπότῃ τὸν Εὐαίφνον καὶ Πολυχάρουσ ἐναντίον ἤλεγχεν. ἁλισκόμενοσ δὲ καὶ οὐκ ἔχων ἀπαρνήσασθαι πολλὰ μὲν αὐτὸν Πολυχάρην, πολλὰ δὲ καὶ τοῦ Πολυχάρουσ τὸν παῖδα ἱκέτευε νεῖμαί οἱ συγγνώμην·

ἐν γὰρ τῇ ἀνθρωπίνῃ φύσει καὶ ἄλλων ἐνόντων, ἐφ’ οἷσ βιαζόμεθα ἄδικοι γίνεσθαι, τὰ κέρδη μεγίστην ἀνάγκην ἔχειν· τιμὴν δὲ ἥντινα εἰλήφει τῶν βοῶν, λόγῳ τε ἀπέφαινε καὶ τὸν παῖδα ἠξίου τὸν Πολυχάρουσ ἕπεσθαί οἱ κομιούμενον. ὡσ δὲ προϊόντεσ ἐγίνοντο ἐν τῇ Λακωνικῇ, ἔργον ἐτόλμησεν Εὐαίφνοσ ἀνοσιώτερον τοῦ προτέρου· φονεύει τοῦ Πολυχάρουσ τὸν υἱόν.

ὁ δὲ ὡσ καὶ ταῦτα ἔγνω πεπονθώσ, φοιτῶν ἐσ τὴν Λακεδαίμονα τοῖσ βασιλεῦσιν ἦν καὶ τοῖσ ἐφόροισ δι’ ὄχλου, πολλὰ μὲν τὸν παῖδα ἀνακλαίων, καταριθμούμενοσ δὲ οἱᾶ ὑπὸ Εὐαίφνου πεπονθὼσ ἦν, ὃν αὐτὸσ ξένον ἐποιήσατο καὶ πρὸ πάντων Λακεδαιμονίων ἐπίστευσεν. ὡσ δέ οἱ συνεχῶσ ἰόντι ἐπὶ τὰσ ἀρχὰσ οὐδεμία ἐγίνετο τιμωρία, ἐνταῦθα παρετράπη τε ὁ Πολυχάρησ ἐκ τοῦ νοῦ καὶ τῷ θυμῷ χρώμενοσ, ἅτε ἔχων ἀφειδῶσ ἤδη καὶ αὑτοῦ, πάντα τινὰ ὃν λάβοι Λακεδαιμονίων ἐτόλμα φονεύειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 4

(파우사니아스, Description of Greece, Μεσσηνιακά, chapter 4)

상위

목록

SEARCH

MENU NAVIGATION