Pausanias, Description of Greece, Μεσσηνιακά, chapter 27 8:

ὡσ δὲ ἡ τελετή σφισιν ἀνεύρητο, ταύτην μέν, ὅσοι τοῦ γένουσ τῶν ἱερέων ἦσαν, κατετίθεντο ἐσ βίβλουσ· Ἐπαμινώνδασ δέ, ὥσ οἱ τὸ χωρίον, ἔνθα νῦν ἔχουσιν οἱ Μεσσήνιοι τὴν πόλιν, μάλιστα ἐσ οἰκισμὸν ἐφαίνετο ἐπιτήδειον, ἐκέλευεν ἀνασκοπεῖσθαι τοῖσ μάντεσιν, <εἴ> οἱ βουλήσεται ταύτῃ καὶ τὰ τῶν θεῶν ἐπιχωρῆσαι. φαμένων δὲ καὶ τούτων εἶναι τὰ ἱερὰ αἴσια, οὕτω παρεσκευάζετο ἐσ τὸν οἰκισμόν, λίθουσ τε ἄγεσθαι κελεύων καὶ ἄνδρασ μεταπεμπόμενοσ, οἷσ τέχνη στενωποὺσ κατατέμνεσθαι καὶ οἰκίασ καὶ ἱερὰ οἰκοδομεῖσθαι καὶ τείχη περιβάλλεσθαι.