Pausanias, Description of Greece, Μεσσηνιακά, chapter 21 16:

καὶ τούτων μὲν τοῖσ τελευταίοισ Γόργον καὶ Μάντικλον ἐπέστησεν ἄρχοντασ· αὐτὸσ δὲ ἀναδραμὼν ἐσ τοὺσ προτεταγμένουσ τῆσ τε κεφαλῆσ τῷ νεύματι καὶ τοῦ δόρατοσ τῇ κινήσει δῆλοσ ἦν διέξοδόν τε αἰτούμενοσ καὶ ἀποχωρεῖν ἤδη βεβουλευμένοσ. τῷ τε οὖν Ἐμπεράμῳ καὶ Σπαρτιατῶν τοῖσ παροῦσι διεῖναι τοὺσ Μεσσηνίουσ ἤρεσκε μηδὲ λυσσῶντασ ἀνθρώπουσ καὶ ἐσ τὸ ἔσχατον ἀπονοίασ ἥκοντασ ἐξαγριᾶναι πέρα· καὶ ἅμα οὕτω σφᾶσ ποιεῖν Ἕκασ ὁ μάντισ ἐκέλευεν.