헬라어 문장 검색 - ΠολψβίΗιστορί04́069́

(폴리비오스, Histories, book 4, chapter 69)

θροίζεσθαι μετὰ τῶν ὅπλων. τῆσ δὲ πρωτοπορείασ τῶν Μακεδόνων ἐπιβαλούσησ ἐπὶ τὴν ὑπερβολὴν τὴν περὶ τὸ καλούμενον Ἀπέλαυρον, ἣ πρόκειται τῆσ τῶν Στυμφαλίων πόλεωσ περὶ δέκα στάδι’, ἅμα συνεκύρησε καὶ τὴν τῶν Ἠλείων πρωτοπορείαν συμπεσεῖν ἐπὶ τὴν ὑπερβολήν. ὁ μὲν οὖν Εὐριπίδασ, συννοήσασ τὸ γεγονὸσ ἐκ τῶν προσηγγελμένων, παραλαβὼν μεθ’ ἑαυτοῦ τινασ τῶν ἱππέων καὶ διαδρὰσ τὸν ἐνεστῶτα καιρὸν ἐποιεῖτο τὴν ἀποχώρησιν εἰσ τὴν Ψωφῖδα ταῖσ ἀνοδίαισ·

τὸ δὲ λοιπὸν πλῆθοσ τῶν Ἠλείων, ἐγκαταλελειμμένον ὑπὸ τοῦ προεστῶτοσ καὶ γεγονὸσ ἐκπλαγὲσ ἐπὶ τῷ συμβεβηκότι, κατὰ πορείαν ἔμενε, διαπορούμενον τί δεῖ ποιεῖν καὶ πῇ τρέπεσθαι.

τὸ μὲν γὰρ πρῶτον αὐτῶν οἱ προεστῶτεσ ὑπελάμβανον τῶν Ἀχαιῶν αὐτῶν τινασ συνεπιβεβοηθηκέναι·

καὶ μάλιστ’ ἠπάτων αὐτοὺσ οἱ χαλκάσπιδεσ· Μεγαλοπολίτασ γὰρ εἶναι τούτουσ ἐδόξαζον, διὰ τὸ τοιούτοισ ὅπλοισ κεχρῆσθαι τοὺσ προειρημένουσ ἐν τῷ περὶ Σελλασίαν [ἐν τῷ] πρὸσ Κλεομένη κινδύνῳ, καθοπλίσαντοσ Ἀντιγόνου τοῦ βασιλέωσ πρὸσ τὴν παροῦσαν χρείαν.

διόπερ ἀπεχώρουν τηροῦντεσ τὰσ τάξεισ πρόσ τινασ ὑπερδεξίουσ τόπουσ, οὐκ ἀπελπίζοντεσ τὴν σωτηρίαν.

ἅμα δὲ τῷ προσάγοντασ αὐτοῖσ τοὺσ Μακεδόνασ σύνεγγυσ γενέσθαι λαβόντεσ ἔννοιαν τοῦ κατ’ ἀλήθειαν ὄντοσ, πάντεσ ὡρ́μησαν πρὸσ φυγήν, ῥίψαντεσ τὰ ὅπλα. ζωγρίᾳ μὲν οὖν ἑάλωσαν αὐτῶν περὶ χιλίουσ καὶ διακοσίουσ, τὸ δὲ λοιπὸν διεφθάρη πλῆθοσ, τὸ μὲν ὑπὸ τῶν Μακεδόνων, τὸ δ’ ὑπὸ τῶν κρημνῶν·

διέφυγον δ’ οὐ πλείουσ τῶν ἑκατόν. ὁ δὲ Φίλιπποσ τά τε σκῦλα καὶ τοὺσ αἰχμαλώτουσ εἰσ Κόρινθον ἀποπέμψασ εἴχετο τῶν προκειμένων.

τοῖσ δὲ Πελοποννησίοισ πᾶσι παράδοξον ἐφάνη τὸ γεγονόσ·

ἅμα γὰρ ἤκουον τὴν παρουσίαν καὶ τὴν νίκην τοῦ βασιλέωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 69

(폴리비오스, Histories, book 4, chapter 69)

상위

목록

SEARCH

MENU NAVIGATION