헬라어 문장 검색 - ΠολψβίΗιστορί04́058́

(폴리비오스, Histories, book 4, chapter 58)

ἐχρῶντο τοῖσ πράγμασι. διὸ καὶ βραχὺν παντελῶσ χρόνον ἁθρόοι συμμείναντεσ περὶ τὴν ἀγοράν, λοιπὸν ἐκπαθεῖσ ὄντεσ πρὸσ τὰσ ὠφελείασ διέρρεον, καὶ παρεισπίπτοντεσ εἰσ τὰσ οἰκίασ διήρπαζον τοὺσ βίουσ, ἤδη φωτὸσ ὄντοσ. οἱ δ’ Αἰγειρᾶται, τοῦ πράγματοσ αὐτοῖσ ἀνελπίστου καὶ παραδόξου τελέωσ συμβεβηκότοσ, οἷσ μὲν ἐπέστησαν οἱ πολέμιοι κατὰ τὰσ οἰκίασ, ἐκπλαγεῖσ καὶ περίφοβοι γενόμενοι πάντεσ ἐτρέποντο πρὸσ φυγὴν ἔξω τῆσ πόλεωσ, ὡσ ἤδη βεβαίωσ αὐτῆσ κεκρατημένησ ὑπὸ τῶν πολεμίων.

ὅσοι δὲ τῆσ κραυγῆσ ἀκούοντεσ ἐξ ἀκεραίων τῶν οἰκιῶν ἐξεβοήθουν, πάντεσ εἰσ τὴν ἄκραν συνέτρεχον.

οὗτοι μὲν οὖν ἀεὶ πλείουσ ἐγίνοντο καὶ θαρραλεώτεροι, τὸ δὲ τῶν Αἰτωλῶν σύστρεμμα τοὐναντίον ἔλαττον καὶ ταραχωδέστερον διὰ τὰσ προειρημένασ αἰτίασ.

οὐ μὴν ἀλλὰ συνορῶντεσ οἱ περὶ τὸν Δωρίμαχον ἤδη τὸν περιεστῶτα κίνδυνον αὐτούσ, συστραφέντεσ ὡρ́μησαν ἐπὶ τοὺσ κατέχοντασ τὴν ἄκραν, ὑπολαμβάνοντεσ τῇ θρασύτητι καὶ τόλμῃ καταπληξάμενοι τρέψασθαι τοὺσ ἡθροισμένουσ ἐπὶ τὴν βοήθειαν.

οἱ δ’ Αἰγειρᾶται παρακαλέσαντεσ σφᾶσ αὐτοὺσ ἠμύνοντο καὶ συνεπλέκοντο τοῖσ Αἰτωλοῖσ γενναίωσ.

οὔσησ δὲ τῆσ ἄκρασ ἀτειχίστου, καὶ τῆσ συμπλοκῆσ ἐκ χειρὸσ καὶ κατ’ ἄνδρα γινομένησ, τὸ μὲν πρῶτον ἦν ἀγὼν οἱο͂ν εἰκόσ, ἅτε τῶν μὲν ὑπὲρ πατρίδοσ καὶ τέκνων, τῶν δ’ ὑπὲρ σωτηρίασ ἀγωνιζομένων·

τέλοσ γε μὴν ἐτράπησαν οἱ παρεισπεπτωκότεσ τῶν Αἰτωλῶν. οἱ δ’ Αἰγειρᾶται, λαβόντεσ ἀφορμὴν ἐγκλίματοσ, ἐνεργῶσ ἐπέκειντο καὶ καταπληκτικῶσ τοῖσ πολεμίοισ.

ἐξ οὗ συνέβη τοὺσ πλείστουσ τῶν Αἰτωλῶν διὰ τὴν πτοίαν αὐτοὺσ ὑφ’ αὑτῶν φεύγοντασ ἐν ταῖσ πύλαισ συμπατηθῆναι. ὁ μὲν οὖν Ἀλέξανδροσ ἐν χειρῶν νόμῳ κατ’ αὐτὸν ἔπεσε τὸν κίνδυνον, ὁ δ’ Ἀρχίδαμοσ ἐν τῷ περὶ τὰσ πύλασ ὠθισμῷ καὶ πνιγμῷ διεφθάρη.

τὸ δὲ λοιπὸν πλῆθοσ τῶν Αἰτωλῶν τὸ μὲν συνεπατήθη, τὸ δὲ κατὰ τῶν κρημνῶν φεῦγον ταῖσ ἀνοδίαισ ἐξετραχηλίσθη.

τὸ δὲ καὶ διασωθὲν αὐτῶν μέροσ πρὸσ τὰσ ναῦσ, ἐρριφὸσ τὰ ὅπλα παναίσχρωσ, ἅμα δ’ ἀνελπίστωσ ἐποιήσατο τὸν ἀπόπλουν.

Αἰγειρᾶται μὲν οὖν, διὰ τὴν ὀλιγωρίαν ἀποβαλόντεσ τὴν πατρίδα, διὰ τὴν εὐψυχίαν καὶ γενναιότητα πάλιν ἔσωσαν παραδόξωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 58

(폴리비오스, Histories, book 4, chapter 58)

상위

목록

SEARCH

MENU NAVIGATION