헬라어 문장 검색 - ΠολψβίΗιστορί04́014́

(폴리비오스, Histories, book 4, chapter 14)

λίππου τοῦ βασιλέωσ. τὸ δὲ τῶν Ἀχαιῶν πλῆθοσ μετά τινασ ἡμέρασ ἁθροισθὲν εἰσ τὴν καθήκουσαν σύνοδον, πικρῶσ διέκειτο καὶ κοινῇ καὶ κατ’ ἰδίαν πρὸσ τὸν Ἄρατον, ὡσ τοῦτον ὁμολογουμένωσ αἴτιον γεγονότα τοῦ προειρημένου συμπτώματοσ. διὸ καὶ τῶν ἀντιπολιτευομένων κατηγορούντων αὐτοῦ καὶ φερόντων ἀπολογισμοὺσ ἐναργεῖσ, ἔτι μᾶλλον ἠγανάκτει καὶ παρωξύνετο τὸ πλῆθοσ.

ἐδόκει γὰρ πρῶτον ἁμάρτημα προφανὲσ εἶναι τὸ μηδέπω τῆσ ἀρχῆσ αὐτῷ καθηκούσησ προλαβόντα τὸν ἀλλότριον καιρὸν ἀναδέχεσθαι τοιαύτασ πράξεισ ἐν αἷσ συνῄδει πολλάκισ αὑτῷ διεσφαλμένῳ·

δεύτερον δὲ καὶ μεῖζον τούτου τὸ διαφεῖναι τοὺσ Ἀχαιοὺσ ἀκμὴν ἐν μέσῳ Πελοποννήσου τῶν Αἰτωλῶν ὑπαρχόντων, ἄλλωσ τε καὶ προδιειληφότα διότι σπεύδουσιν οἱ περὶ τὸν Σκόπαν καὶ Δωρίμαχον κινεῖν τὰ καθεστῶτα καὶ συνταράξαι τὸν πόλεμον·

τρίτον δὲ τὸ συμβαλεῖν τοῖσ ὑπεναντίοισ οὕτω μετ’ ὀλίγων μηδεμιᾶσ κατεπειγούσησ ἀνάγκησ, δυνάμενον ἀσφαλῶσ εἰσ τὰσ παρακειμένασ πόλεισ ἀποχωρῆσαι καὶ συναγαγεῖν τοὺσ Ἀχαιοὺσ καὶ τότε συμβαλεῖν τοῖσ πολεμίοισ, εἰ τοῦτο πάντωσ ἡγεῖτο συμφέρειν·

τελευταῖον καὶ μέγιστον τὸ προθέμενον καὶ συμβαλεῖν οὕτωσ εἰκῇ καὶ ἀσκόπωσ χρήσασθαι τοῖσ πράγμασιν ὥστε παρέντα τὰ πεδία καὶ τὴν τῶν ὁπλιτῶν χρείαν δι’ αὐτῶν τῶν εὐζώνων ταῖσ παρωρείαισ πρὸσ Αἰτωλοὺσ ποιήσασθαι τὸν κίνδυνον, οἷσ οὐδὲν ἦν τούτου προυργιαίτερον οὐδ’ οἰκειότερον.

οὐ μὴν ἀλλ’ ἅμα τῷ προελθόντα τὸν Ἄρατον ἀναμνῆσαι μὲν τῶν προπεπολιτευμένων καὶ πεπραγμένων πρότερον αὑτῷ, φέρειν δ’ ἀπολογισμοὺσ περὶ τῶν ἐγκαλουμένων ὡσ οὐ γέγονεν αἴτιοσ τῶν συμβεβηκότων, αἰτεῖσθαι δὲ συγγνώμην, εἰ καί τι παρεώρακε κατὰ τὸν γενόμενον κίνδυνον, οἰέσθαι δὲ δεῖν καὶ καθόλου σκοπεῖσθαι τὰ πράγματα μὴ πικρῶσ, ἀλλ’ ἀνθρωπίνωσ, οὕτωσ ταχέωσ καὶ μεγαλοψύχωσ μετεμελήθη τὸ πλῆθοσ ὥστε καὶ τοῖσ συνεπιτιθεμένοισ αὐτῷ τῶν ἀντιπολιτευομένων ἐπὶ πολὺ δυσαρεστῆσαι καὶ περὶ τῶν ἑξῆσ πάντα βουλεύεσθαι κατὰ τὴν Ἀράτου γνώμην.

τὰ δ’ ἑξῆσ εἰσ τὴν τετταρακοστὴν ἐπὶ ταῖσ ἑκατόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 4, chapter 14

(폴리비오스, Histories, book 4, chapter 14)

상위

목록

SEARCH

MENU NAVIGATION