Polybius, Histories, book 4, chapter 56

(폴리비오스, Histories, book 4, chapter 56)

Τὰ μὲν οὖν κατὰ τὴν Κρήτην ἐν τούτοισ ἦν· περὶ δὲ τοὺσ καιροὺσ τούτουσ καὶ Μιθριδάτησ ἐξήνεγκε Σινωπεῦσι πόλεμον, καί τισ οἱο͂ν ἀρχὴ τότε καὶ πρόφασισ ἐγένετο τῆσ ἐπὶ τὸ τέλοσ ἀχθείσησ ἀτυχίασ Σινωπεῦσιν. εἰσ δὲ τὸν πόλεμον τοῦτον πρεσβευσάντων αὐτῶν πρὸσ Ῥοδίουσ καὶ παρακαλούντων βοηθεῖν, ἔδοξε τοῖσ Ῥοδίοισ προχειρίσασθαι τρεῖσ ἄνδρασ, καὶ δοῦναι τούτοισ δραχμῶν δεκατέτταρασ μυριάδασ, τοὺσ δὲ λαβόντασ παρασκευάσαι τὰ πρὸσ τὴν χρείαν ἐπιτήδεια τοῖσ Σινωπεῦσιν.

οἱ δὲ κατασταθέντεσ ἡτοίμασαν οἴνου κεράμια μύρια, τριχὸσ εἰργασμένησ τάλαντα τριακόσια, νεύρων εἰργασμένων ἑκατὸν τάλαντα, πανοπλίασ χιλίασ, χρυσοῦσ ἐπισήμουσ τρισχιλίουσ, ἔτι δὲ λιθοφόρουσ τέτταρασ καὶ τοὺσ ἀφέτασ τούτοισ.

ἃ καὶ λαβόντεσ οἱ τῶν Σινωπέων πρέσβεισ ἐπανῆλθον.

ἦσαν γὰρ οἱ Σινωπεῖσ ἐν ἀγωνίᾳ μὴ πολιορκεῖν σφᾶσ ὁ Μιθριδάτησ ἐγχειρήσῃ καὶ κατὰ γῆν καὶ κατὰ θάλατταν· διὸ καὶ τὰσ παρασκευὰσ πρὸσ τοῦτο τὸ μέροσ ἐποιοῦντο πάσασ. ἡ δὲ Σινώπη κεῖται μὲν ἐν τοῖσ δεξιοῖσ μέρεσι τοῦ Πόντου παρὰ τὸν εἰσ Φᾶσιν πλοῦν, οἰκεῖται δ’ ἐπί τινοσ χερρονήσου προτεινούσησ εἰσ τὸ πέλαγοσ, ἧσ τὸν μὲν αὐχένα τὸν συνάπτοντα πρὸσ τὴν Ἀσίαν, ὅσ ἐστιν οὐ πλεῖον δυεῖν σταδίων, ἡ πόλισ ἐπικειμένη διακλείει κυρίωσ·

τὸ δὲ λοιπὸν τῆσ χερρονήσου πρόκειται μὲν εἰσ τὸ πέλαγοσ, ἔστι δ’ ἐπίπεδον καὶ πανευέφοδον ἐπὶ τὴν πόλιν, κύκλῳ δ’ ἐκ θαλάττησ ἀπότομον καὶ δυσπροσόρμιστον καὶ παντελῶσ ὀλίγασ ἔχον προσβάσεισ.

ἐπεβάλοντο τῆσ χερρονήσου κύκλῳ τὸ νησίζον ὀχυροῦν, ἀποσταυροῦντεσ καὶ περιχαρακοῦντεσ τὰσ ἐκ θαλάττησ προσβάσεισ, ἅμα δὲ καὶ βέλη καὶ στρατιώτασ τιθέντεσ ἐπὶ τοὺσ εὐκαίρουσ τῶν τόπων·

ἔστι γὰρ τὸ πᾶν μέγεθοσ αὐτῆσ οὐ πολύ, τελέωσ δ’ εὐκατακράτητον καὶ μέτριον.

일치하는 문장이 없습니다.

SEARCH

MENU NAVIGATION