헬라어 텍스트

Polybius, Histories, book 4, chapter 59

(폴리비오스, Histories, book 4, chapter 59)

Κατὰ δὲ τοὺσ αὐτοὺσ καιροὺσ Εὐριπίδασ, ὃσ ἦν ἀπεσταλμένοσ ὑπὸ τῶν Αἰτωλῶν στρατηγὸσ τοῖσ Ἠλείοισ, καταδραμὼν τὴν Δυμαίων καὶ Φαραιέων, ἔτι δὲ τὴν τῶν Τριταιέων χώραν, καὶ περιελασάμενοσ λείασ πλῆθοσ ἱκανόν, ἐποιεῖτο τὴν ἀποχώρησιν ὡσ ἐπὶ τὴν Ἠλείαν. ὁ δὲ Μίκκοσ ὁ Δυμαῖοσ, ὅσπερ ἐτύγχανε κατ’ ἐκείνουσ τοὺσ καιροὺσ ὑποστράτηγοσ ὢν τῶν Ἀχαιῶν, ἐκβοηθήσασ πανδημεὶ τούσ τε Δυμαίουσ καὶ Φαραιεῖσ, ἅμα δὲ καὶ Τριταιεῖσ ἔχων, προσέκειτο τοῖσ πολεμίοισ ἀπαλλαττομένοισ.

ἐνεργότερον δ’ ἐπικείμενοσ τοῖσ φεύγουσιν ἐμπεσὼν εἰσ ἐνέδραν ἐσφάλη καὶ πολλοὺσ ἀπέβαλε τῶν ἀνδρῶν·

τετταράκοντα μὲν γὰρ ἔπεσον, ἑάλωσαν δὲ περὶ διακοσίουσ τῶν πεζῶν. ὁ μὲν οὖν Εὐριπίδασ, ποιήσασ τοῦτο τὸ προτέρημα, καὶ μετεωρισθεὶσ ἐπὶ τῷ γεγονότι, μετ’ ὀλίγασ ἡμέρασ αὖτισ ἐξελθὼν κατέλαβε παρὰ τὸν Ἄραξον φρούριον τῶν Δυμαίων εὔκαιρον τὸ καλούμενον Τεῖχοσ·

ὅ φασιν οἱ μῦθοι τὸ παλαιὸν Ἡρακλέα πολεμοῦντα τοῖσ Ἠλείοισ ἐποικοδομῆσαι, βουλόμενον ὁρμητηρίῳ χρῆσθαι τούτῳ κατ’ αὐτῶν.