Polybius, Histories, book 4, chapter 26

(폴리비오스, Histories, book 4, chapter 26)

Τούτου δὲ τοῦ δόγματοσ κυρωθέντοσ κατὰ τὸ πρῶτον ἔτοσ τῆσ ἑκατοστῆσ καὶ τετταρακοστῆσ ὀλυμπιάδοσ ὁ μὲν συμμαχικὸσ προσαγορευόμενοσ πόλεμοσ ἀρχὴν εἰλήφει δικαίαν καὶ πρέπουσαν τοῖσ γεγονόσιν ἀδικήμασιν. οἱ δὲ σύνεδροι παραχρῆμα πρεσβευτὰσ ἐξαπέστελλον πρὸσ τοὺσ συμμάχουσ, ἵνα παρ’ ἑκάστοισ διὰ τῶν πολλῶν ἐπικυρωθέντοσ τοῦ δόγματοσ ἐκφέρωσι πάντεσ τοῖσ Αἰτωλοῖσ τὸν ἀπὸ τῆσ χώρασ πόλεμον.

ἔπεμψε δὲ καὶ τοῖσ Αἰτωλοῖσ ἐπιστολὴν ὁ Φίλιπποσ, διασαφῶν ἵν’ εἴ τι λέγειν ἔχουσι δίκαιον ὑπὲρ τῶν ἐγκαλουμένων, ἔτι καὶ νῦν συνελθόντεσ διὰ λόγου ποιῶνται τὴν διεξαγωγήν·

διότι χωρὶσ κοινοῦ δόγματοσ λεηλατοῦσι καὶ πορθοῦσι πάντασ, οὐκ ἀμύνεσθαι τοὺσ ἀδικουμένουσ, ἐὰν δ’ ἀμύνωνται, νομισθήσεσθαι τούτουσ κατάρχειν τοῦ πολέμου, πάντων αὐτοὺσ εὐηθεστάτουσ εἶναι.

κομισάμενοι δ’ οἱ τῶν Αἰτωλῶν ἄρχοντεσ τὴν ἐπιστολὴν ταύτην, τὸ μὲν πρῶτον ἐλπίσαντεσ οὐχ ἥξειν τὸν Φίλιππον, συνέθεντο ῥητὴν ἡμέραν ἐν ᾗ πρὸσ τὸ Ῥίον ἀπαντήσουσι.

γνόντεσ δὲ παραγινόμενον, ἀπέστειλαν γραμματοφόρον διασαφοῦντεσ ὡσ οὐ δύνανται πρὸ τῆσ τῶν Αἰτωλῶν συνόδου δι’ αὑτῶν οὐδὲν ὑπὲρ τῶν ὅλων οἰκονομεῖν.

οἱ δ’ Ἀχαιοὶ συνελθόντεσ εἰσ τὴν καθήκουσαν σύνοδον τό τε δόγμα πάντεσ ἐπεκύρωσαν καὶ τὸ λάφυρον ἐπεκήρυξαν κατὰ τῶν Αἰτωλῶν.

προσελθόντοσ δὲ καὶ τοῦ βασιλέωσ πρὸσ τὴν βουλὴν ἐν Αἰγίῳ καὶ διαλεχθέντοσ διὰ πλειόνων, τὰ ῥηθέντα μετ’ εὐνοίασ ἀπεδέξαντο καὶ τὰ προϋπάρχοντα φιλάνθρωπα τοῖσ προγόνοισ ἀνενεώσαντο πρὸσ αὐτὸν τὸν Φίλιππον.

일치하는 문장이 없습니다.

SEARCH

MENU NAVIGATION