헬라어 문장 검색 - ΠολψβίΗιστορί04́005́

(폴리비오스, Histories, book 4, chapter 5)

Στρατηγὸσ μὲν οὖν ὑπῆρχε τῶν Αἰτωλῶν Ἀρίστων· οὗτοσ δὲ διά τινασ σωματικὰσ ἀσθενείασ ἀδύνατοσ ὢν πρὸσ πολεμικὴν χρείαν, ἅμα δὲ καὶ συγγενὴσ ὑπάρχων Δωριμάχου καὶ Σκόπα, τρόπον τινὰ παρακεχωρήκει τούτῳ τῆσ ὅλησ ἀρχῆσ. ὁ δὲ Δωρίμαχοσ κατὰ κοινὸν μὲν οὐκ ἐτόλμα παρακαλεῖν τοὺσ Αἰτωλοὺσ εἰσ τὸν κατὰ τῶν Μεσσηνίων πόλεμον διὰ τὸ μηδεμίαν ἔχειν ἀξίαν λόγου πρόφασιν, ἀλλ’ ὁμολογουμένωσ ἐκ παρανομίασ καὶ σκώμματοσ γεγονέναι τὴν ὁρμήν·

ἀφέμενοσ δὲ τῆσ ἐπινοίασ ταύτησ ἰδίᾳ προετρέπετο τὸν Σκόπαν κοινωνῆσαι τῆσ ἐπιβολῆσ αὐτῷ τῆσ κατὰ τῶν Μεσσηνίων, ὑποδεικνύων μὲν τὴν ἀπὸ Μακεδόνων ἀσφάλειαν διὰ τὴν ἡλικίαν τοῦ προεστῶτοσ ‐ οὐ γὰρ εἶχε πλεῖον ἐτῶν τότε Φίλιπποσ ἑπτακαίδεκα ‐ παρατιθεὶσ δὲ τὴν Λακεδαιμονίων ἀλλοτριότητα πρὸσ τοὺσ Μεσσηνίουσ, ἀναμιμνήσκων δὲ τῆσ Ἠλείων πρὸσ σφᾶσ εὐνοίασ καὶ συμμαχίασ·

ἐξ ὧν ἀσφαλῆ τὴν εἰσβολὴν τὴν εἰσ τὴν Μεσσηνίαν ἐσομένην αὐτοῖσ ἀπέφαινεν.

τὸ δὲ συνέχον τῆσ Αἰτωλικῆσ προτροπῆσ, ὑπὸ τὴν ὄψιν ἐτίθει τὰσ ἐσομένασ ὠφελείασ ἐκ τῆσ τῶν Μεσσηνίων χώρασ, οὔσησ ἀπρονοήτου καὶ διαμεμενηκυίασ ἀκεραίου μόνησ τῶν ἐν Πελοποννήσῳ κατὰ τὸν Κλεομενικὸν πόλεμον.

ἐπὶ δὲ πᾶσι τούτοισ συνίστανε τὴν ἐξακολουθήσουσαν εὔνοιαν σφίσι παρὰ τοῦ τῶν Αἰτωλῶν πλήθουσ.

Ἀχαιοὺσ δ’, ἂν μὲν κωλύσωσι τὴν δίοδον, οὐκ ἐρεῖν ἐγκλήματα τοῖσ ἀμυνομένοισ·

ἐὰν δ’ ἀγάγωσι τὴν ἡσυχίαν, οὐκ ἐμποδιεῖν αὐτοῖσ πρὸσ τὴν ἐπιβολήν. πρὸσ δὲ Μεσσηνίουσ προφάσεωσ οὐκ ἀπορήσειν ἔφη·

πάλαι γὰρ αὐτοὺσ ἀδικεῖν Ἀχαιοῖσ καὶ Μακεδόσιν ἐπηγγελμένουσ κοινωνήσειν τῆσ συμμαχίασ. κατὰ δὲ τὰσ αὑτῶν ὁρμὰσ καὶ κρίσεισ διαλαβόντεσ ἅμα Μεσσηνίοισ, Ἠπειρώταισ, Ἀχαιοῖσ, Ἀκαρνᾶσι, Μακεδόσι πόλεμον ἐξήνεγκαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 5

(폴리비오스, Histories, book 4, chapter 5)

상위

목록

SEARCH

MENU NAVIGATION