Polybius, Histories, book 4, chapter 87

(폴리비오스, Histories, book 4, chapter 87)

οὐ ψέγων, ἀλλ’ ἐπαινῶν καὶ φάσκων ἐπιτήδειον αὐτὸν εἶναι μετὰ τοῦ βασιλέωσ ἐν τοῖσ ὑπαίθροισ συνδιατρίβειν, βουλόμενοσ ἕτερον ἐπισταθῆναι δι’ αὑτοῦ τοῖσ ἐν Πελοποννήσῳ πράγμασι. καινὸσ γὰρ δή τισ οὗτοσ εὑρ́ηται τρόποσ διαβολῆσ τὸ μὴ ψέγοντασ, ἀλλ’ ἐπαινοῦντασ λυμαίνεσθαι τοὺσ πέλασ·

εὑρ́ηται δὲ μάλιστα καὶ πρῶτον τοιαύτη κακεντρέχεια καὶ βασκανία καὶ δόλοσ ἐκ τῶν περὶ τὰσ αὐλὰσ διατριβόντων καὶ τῆσ τούτων πρὸσ ἀλλήλουσ ζηλοτυπίασ καὶ πλεονεξίασ.

ὁμοίωσ δὲ καὶ τὸν ἐπὶ τῆσ θεραπείασ τεταγμένον Ἀλέξανδρον, ὅτε λάβοι καιρόν, διέδακνε, βουλόμενοσ καὶ τὴν περὶ τὸ σῶμα φυλακὴν τοῦ βασιλέωσ δι’ αὑτοῦ γενέσθαι καὶ καθόλου κινῆσαι τὴν ὑπ’ Ἀντιγόνου καταλειφθεῖσαν διάταξιν.

Ἀντίγονοσ γὰρ καλῶσ μὲν ζῶν προέστη τῆσ τε βασιλείασ καὶ τοῦ παιδὸσ αὑτοῦ, καλῶσ δὲ τὸν βίον μεταλλάττων προενοήθη πρὸσ τὸ μέλλον περὶ πάντων τῶν πραγμάτων.

ἀπολιπὼν γὰρ διαθήκην ἔγραφε Μακεδόσιν ὑπὲρ τῶν διῳκημένων·

ὁμοίωσ δὲ καὶ περὶ τοῦ μέλλοντοσ διέταξε πῶσ καὶ διὰ τίνων ἕκαστα δεήσει χειρίζεσθαι, βουλόμενοσ μηδεμίαν ἀφορμὴν καταλιπεῖν τοῖσ περὶ τὴν αὐλὴν πρὸσ ἀλλήλουσ φιλοτιμίασ καὶ στάσεωσ. ἐν οἷσ τῶν τότε συστρατευομένων αὐτὸσ μὲν Ἀπελλῆσ ἐν τοῖσ ἐπιτρόποισ ἀπελέλειπτο, Λεόντιοσ δ’ ἐπὶ τῶν πελταστῶν, Μεγαλέασ δ’ ἐπὶ τοῦ γραμματείου, Ταυρίων δ’ ἐπὶ τῶν κατὰ Πελοπόννησον, Ἀλέξανδροσ δ’ ἐπὶ τῆσ θεραπείασ.

τὸν μὲν οὖν Λεόντιον καὶ Μεγαλέαν ὑφ’ αὑτὸν εἶχεν ὁλοσχερῶσ, τὸν δ’ Ἀλέξανδρον καὶ Ταυρίωνα μεταστησάμενοσ ἀπὸ τῆσ χρείασ ἔσπευδε καὶ ταῦτα καὶ τἄλλα πάντα δι’ αὑτοῦ καὶ διὰ τῶν ἰδίων φίλων χειρίζειν.

ὃ δὴ καὶ ῥᾳδίωσ ἂν ἐπετέλεσε μὴ παρασκευάσασ ἀνταγωνιστὴν Ἄρατον αὑτῷ·

νῦν δὲ ταχέωσ πεῖραν ἔλαβε τῆσ σφετέρασ ἀφροσύνησ καὶ πλεονεξίασ. ὃ γὰρ αὐτὸσ ἐπεβάλετο πρᾶξαι κατὰ τῶν πέλασ, τοῦτ’ ἔπαθε καὶ λίαν ἐν πάνυ βραχεῖ χρόνῳ.

πῶσ δὲ καὶ τίνι τρόπῳ τοῦτο συνέβη γενέσθαι κατὰ μὲν τὸ παρὸν ὑπερθησόμεθα καὶ καταστρέψομεν τὴν βύβλον ταύτην, ἐν δὲ τοῖσ ἑξῆσ πειρασόμεθα σαφῶσ ὑπὲρ ἑκάστων ἐξαγγέλλειν.

Φίλιπποσ δὲ τὰ προειρημένα διαταξάμενοσ ἐπανῆλθεν εἰσ Ἄργοσ, κἀνταῦθα τὴν παραχειμασίαν ἐποίει μετὰ τῶν φίλων, τὰσ δὲ δυνάμεισ ἀπέλυσεν εἰσ Μακεδονίαν.

일치하는 문장이 없습니다.

SEARCH

MENU NAVIGATION