헬라어 문장 검색 - ΠολψβίΗιστορί04́034́

(폴리비오스, Histories, book 4, chapter 34)

ἐν ταῖσ ὁλοσχερέσι περιστάσεσι. Λακεδαιμόνιοι δὲ τῶν εἰθισμένων ἐποίησάν τι ‐ τοῦτο γὰρ συνεχὲσ ἦν τοῖσ προειρημένοισ ‐ τέλοσ γὰρ τοὺσ παρὰ τῶν συμμάχων πρέσβεισ ἀναποκρίτουσ ἀπέστειλαν. οὕτωσ ἐξηπόρησαν ὑπὸ τῆσ ἀλογίασ καὶ κακίασ τῆσ αὑτῶν. καί μοι δοκεῖ τοῦτ’ ἀληθὲσ εἶναι διότι πολλάκισ τολμᾶν περιττὸν εἰσ ἄνοιαν καὶ τὸ μηδὲν καταντᾶν εἰώθεν.

οὐ μὴν ἀλλὰ μετὰ ταῦτα, κατασταθέντων ἐφόρων ἄλλων, οἱ κινήσαντεσ ἐξ ἀρχῆσ τὰ πράγματα καὶ γενόμενοι τῆσ προειρημένησ σφαγῆσ αἴτιοι διεπέμποντο πρὸσ τοὺσ Αἰτωλούσ, ἐπισπώμενοι πρεσβευτήν.

τῶν δὲ καὶ μάλ’ ἀσμένωσ ὑπακουσάντων, ἧκε μετ’ ὀλίγον πρεσβεύων εἰσ τὴν Λακεδαίμονα Μαχατᾶσ.

καὶ παραυτίκα προσῄει τοῖσ ἐφόροισ οἰόμενοι δεῖν τῷ τε Μαχατᾷ δίδοσθαι τὴν ἔφοδον ἐπὶ τοὺσ πολλούσ, καὶ βασιλέασ καθιστάναι κατὰ τὰ πάτρια, καὶ μὴ περιορᾶν τὸν πλείω χρόνον παρὰ τοὺσ νόμουσ καταλελυμένην τὴν τῶν Ἡρακλειδῶν ἀρχήν.

οἱ δ’ ἔφοροι, δυσαρεστούμενοι μὲν τοῖσ ὅλοισ πράγμασιν, οὐ δυνάμενοι δὲ πρὸσ τὴν ὁρμὴν ἀντοφθαλμεῖν, ἀλλὰ δεδιότεσ τὴν τῶν νέων συστροφήν, περὶ μὲν τῶν βασιλέων ἔφασαν μετὰ ταῦτα βουλεύσεσθαι, τῷ δὲ Μαχατᾷ συνεχώρησαν δώσειν τὴν ἐκκλησίαν.

συναχθέντοσ δὲ τοῦ πλήθουσ παρελθὼν ὁ Μαχατᾶσ παρεκάλει διὰ πλειόνων αὐτοὺσ αἱρεῖσθαι τὴν πρὸσ Αἰτωλοὺσ συμμαχίαν, εἰκῇ μὲν καὶ θρασέωσ κατηγορῶν Μακεδόνων, ἀλόγωσ δὲ καὶ ψευδῶσ ἐγκωμιάζων τοὺσ Αἰτωλούσ.

μεταστάντοσ δὲ τούτου, πολλῆσ ἀμφισβητήσεωσ ἐτύγχανε τὸ πρᾶγμα·

τινὲσ μὲν γὰρ συνηγόρουν τοῖσ Αἰτωλοῖσ καὶ συντίθεσθαι πρὸσ αὐτοὺσ παρῄνουν τὴν συμμαχίαν, ἔνιοι δὲ τούτοισ ἀντέλεγον. καὶ τέλοσ ἐπείσθησαν τηρεῖν τὴν πρὸσ Φίλιππον καὶ Μακεδόνασ συμμαχίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 34

(폴리비오스, Histories, book 4, chapter 34)

상위

목록

SEARCH

MENU NAVIGATION