헬라어 문장 검색 - ΠολψβίΗιστορί04́065́

(폴리비오스, Histories, book 4, chapter 65)

καταφέρειν. διελθὼν δὲ τὰ στενὰ τὸ λοιπὸν ἤδη βάδην καὶ πραεῖαν ἐποιεῖτο τὴν πορείαν, ἀναστροφὴν διδοὺσ τῇ δυνάμει πρὸσ τὰσ ἀπὸ τῆσ χώρασ ὠφελείασ. γέμοντοσ δὲ τοῦ στρατοπέδου πάντων τῶν ἐπιτηδείων, ἧκε πρὸσ τοὺσ [Ἀχαιοὺσ] Οἰνιάδασ.

καταστρατοπεδεύσασ δὲ πρὸσ τὸ Παιάνιον τοῦτο πρῶτον ἐξελεῖν ἔκρινε·

ποιησάμενοσ δὲ προσβολὰσ συνεχεῖσ εἷλεν αὐτὸ κατὰ κράτοσ, πόλιν κατὰ μὲν τὸν περίβολον οὐ μεγάλην ‐ ἐλάττων γὰρ ἦν ἑπτὰ σταδίων ‐ κατὰ δὲ τὴν σύμπασαν κατασκευὴν οἰκιῶν καὶ τειχῶν καὶ πύργων οὐδ’ ὁποίασ ἥττω. ταύτησ δὲ τὸ μὲν τεῖχοσ κατέσκαψε πᾶν εἰσ ἔδαφοσ, τὰσ δ’ οἰκήσεισ διαλύων τὰ ξύλα καὶ τὸν κέραμον εἰσ σχεδίασ καθήρμοζε καὶ συνεχῶσ κατῆγεν αὐτὰσ τῷ ποταμῷ μετὰ πολλῆσ φιλοτιμίασ εἰσ τοὺσ Οἰνιάδασ.

οἱ δ’ Αἰτωλοὶ τὸ μὲν πρῶτον ἐπεβάλοντο διατηρεῖν τὴν ἄκραν τὴν ἐν τοῖσ Οἰνιάδαισ, ἀσφαλισάμενοι τείχεσι καὶ τῇ λοιπῇ κατασκευῇ·

συνεγγίζοντοσ δὲ τοῦ Φιλίππου καταπλαγέντεσ ἐξεχώρησαν. ὁ δὲ βασιλεὺσ παραλαβὼν καὶ ταύτην τὴν πόλιν, ἐξ αὐτῆσ προελθὼν κατεστρατοπέδευσε τῆσ Καλυδωνίασ πρόσ τι χωρίον ὀχυρόν, ὃ καλεῖται μὲν Ἔλαοσ, ἠσφάλισται δὲ τείχεσι καὶ ταῖσ λοιπαῖσ παρασκευαῖσ διαφερόντωσ, Ἀττάλου τὴν περὶ αὐτὸ κατασκευὴν ἀναδεξαμένου τοῖσ Αἰτωλοῖσ.

γενόμενοι δὲ καὶ τούτου κύριοι κατὰ κράτοσ οἱ Μακεδόνεσ, καὶ πᾶσαν κατασύραντεσ τὴν Καλυδωνίαν, ἧκον πάλιν εἰσ τοὺσ Οἰνιάδασ.

ὁ δὲ Φίλιπποσ συνθεασάμενοσ τὴν εὐκαιρίαν τοῦ τόπου, πρόσ τε τἄλλα καὶ μάλιστα πρὸσ τὰσ εἰσ Πελοπόννησον διαβάσεισ, ἐπεβάλετο τειχίζειν τὴν πόλιν.

τοὺσ γὰρ Οἰνιάδασ κεῖσθαι συμβαίνει παρὰ θάλατταν, ἐπὶ τῷ πέρατι τῆσ Ἀκαρνανίασ τῷ πρὸσ Αἰτωλοὺσ συνάπτοντι, περὶ τὴν ἀρχὴν τοῦ Κορινθιακοῦ κόλπου.

τῆσ δὲ Πελοποννήσου τέτακται μὲν ἡ πόλισ καταντικρὺ τῆσ παραλίασ τῆσ τῶν Δυμαίων, ἔγγιστα δ’ αὐτῆσ ὑπάρχει τοῖσ κατὰ τὸν Ἄραξον τόποισ·

ἀπέχει γὰρ οὐ πλεῖον ἑκατὸν σταδίων. καὶ τῷ λιμένι καὶ τοῖσ νεωρίοισ ὁμοῦ τεῖχοσ περιβαλὼν ἐνεχείρει συνάψαι πρὸσ τὴν ἄκραν, χρώμενοσ πρὸσ τὴν οἰκονομίαν ταῖσ ἐκ τοῦ Παιανίου παρασκευαῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 65

(폴리비오스, Histories, book 4, chapter 65)

상위

목록

SEARCH

MENU NAVIGATION