헬라어 텍스트

Polybius, Histories, book 4, chapter 84

(폴리비오스, Histories, book 4, chapter 84)

Ὁ δ’ Ἀπελλῆσ, δοκῶν ἠνυκέναι τι τῆσ προθέσεωσ τῷ δι’ αὐτοῦ καθεστάσθαι τὸν τῶν Ἀχαιῶν στρατηγόν, αὖθισ ἐνεχείρει τοῖσ περὶ τὸν Ἄρατον, βουλόμενοσ εἰσ τέλοσ ἀποσπάσαι τὸν Φίλιππον ἀπὸ τῆσ πρὸσ αὐτοὺσ φιλίασ. ἐπεβάλετο δὲ τὴν διαβολὴν πλάττειν διὰ τοιαύτησ τινὸσ ἐπινοίασ. Ἀμφίδαμοσ ὁ τῶν Ἠλείων στρατηγόσ, ἐν ταῖσ Θαλάμαισ ἁλοὺσ ἅμα τοῖσ συμπεφευγόσι, καθάπερ ἀνώτερον ἡμῖν ἐρρήθη περὶ τούτων, ὡσ ἧκε μετὰ τῶν ἄλλων αἰχμαλώτων ἀγόμενοσ εἰσ Ὀλυμπίαν, ἔσπευσε διά τινων εἰσ λόγουσ ἐλθεῖν τῷ βασιλεῖ.

τυχὼν δὲ τούτου διελέγετο, φάσκων εἶναι δυνατὸσ ἐπαγαγέσθαι τοὺσ Ἠλείουσ εἰσ τὴν πρὸσ αὐτὸν φιλίαν καὶ συμμαχίαν.

πρὸσ δὲ τούτοισ αὐτοὺσ ἐλευθέρουσ, ἀφρουρήτουσ, ἀφορολογήτουσ, χρωμένουσ τοῖσ ἰδίοισ πολιτεύμασι, διατηρήσει.

οἱ μὲν οὖν Ἠλεῖοι διακούσαντεσ τούτων οὐδὲν προσέσχον, καίπερ ἐπισπαστικῶν καὶ μεγάλων εἶναι δοκούντων τῶν προτεινομένων·

ὁ δ’ Ἀπελλῆσ, ἐκ τούτου τοῦ πράγματοσ πλάσασ τὴν διαβολήν, προσήνεγκε τῷ Φιλίππῳ, φάσκων τοὺσ περὶ τὸν Ἄρατον οὐκ εἰλικρινῆ τὴν φιλίαν ἄγειν πρὸσ Μακεδόνασ οὐδ’ ἀληθινῶσ εὐνοεῖν αὐτῷ·

καὶ γὰρ νῦν τῆσ Ἠλείων ἀλλοτριότητοσ τούτουσ αἰτίουσ γεγονέναι.