헬라어 문장 검색 - ΠολψβίΗιστορί04́003́

(폴리비오스, Histories, book 4, chapter 3)

Αἰτωλοὶ πάλαι μὲν δυσχερῶσ ἔφερον τὴν εἰρήνην καὶ τὰσ ἀπὸ τῶν ἰδίων ὑπαρχόντων δαπάνασ, ὡσ ἂν εἰθισμένοι μὲν ζῆν ἀπὸ τῶν πέλασ, δεόμενοι δὲ πολλῆσ χορηγίασ διὰ τὴν ἔμφυτον ἀλαζονείαν, ᾗ δουλεύοντεσ ἀεὶ πλεονεκτικὸν καὶ θηριώδη ζῶσι βίον, οὐδὲν οἰκεῖον, πάντα δ’ ἡγούμενοι πολέμια. οὐ μὴν ἀλλὰ τὸν πρὸ τοῦ χρόνον, ἑώσ Ἀντίγονοσ ἔζη, δεδιότεσ Μακεδόνασ ἦγον ἡσυχίαν.

ἐπειδὴ δ’ ἐκεῖνοσ μετήλλαξε τὸν βίον, παῖδα καταλιπὼν Φίλιππον, καταφρονήσαντεσ ἐζήτουν ἀφορμὰσ καὶ προφάσεισ τῆσ εἰσ Πελοπόννησον ἐπιπλοκῆσ, ἀγόμενοι κατὰ τὸ παλαιὸν ἔθοσ ἐπὶ τὰσ ἐκ ταύτησ ἁρπαγάσ, ἅμα δὲ καὶ νομίζοντεσ ἀξιόχρεωσ εἶναι σφᾶσ πρὸσ τὸ πολεμεῖν αὐτοῖσ Ἀχαιοῖσ.

ὄντεσ δ’ ἐπὶ ταύτησ τῆσ προθέσεωσ, βραχέα ταὐτομάτου σφίσι συνεργήσαντοσ ἔλαβον ἀφορμὰσ πρὸσ τὴν ἐπιβολὴν τοιαύτασ.

λόγῳ μὲν παραφυλάξων τήν τε χώραν καὶ τὴν πόλιν τῶν Φιγαλέων, ἔργῳ δὲ κατασκόπου τάξιν ἔχων τῶν ἐν Πελοποννήσῳ πραγμάτων.

τέλοσ ἀπορούμενοσ ἐπέτρεψε τοῖσ πειραταῖσ λῄζεσθαι τὰ τῶν Μεσσηνίων θρέμματα, φίλων ὄντων καὶ συμμάχων.

τὸ μὲν οὖν πρῶτον ἠδίκουν τὰ περὶ τὰσ ἐσχατιὰσ ποίμνια, μετὰ δὲ ταῦτα, προβαινούσησ τῆσ ἀπονοίασ, ἐνεχείρησαν καὶ τὰσ ἐπὶ τῶν ἀγρῶν οἰκίασ ἐκκόπτειν, ἀνυπονοήτωσ τὰσ νύκτασ ἐπιφαινόμενοι.

τῶν δὲ Μεσσηνίων ἐπὶ τούτοισ ἀγανακτούντων καὶ διαπρεσβευομένων πρὸσ τὸν Δωρίμαχον, τὰσ μὲν ἀρχὰσ παρήκουε, βουλόμενοσ τὰ μὲν ὠφελεῖν τοὺσ ὑπ’ αὐτὸν ταττομένουσ, τὰ δ’ αὐτὸσ ὠφελεῖσθαι, μερίτησ γινόμενοσ τῶν λαμβανομένων.

πλεοναζούσησ δὲ τῆσ παρουσίασ τῶν πρεσβειῶν διὰ τὴν συνέχειαν τῶν ἀδικημάτων, αὐτὸσ ἥξειν ἐπὶ τὴν Μεσσήνην ἔφη, δικαιολογησόμενοσ πρὸσ τοὺσ ἐγκαλοῦντασ τοῖσ Αἰτωλοῖσ.

ἐπειδὴ δὲ παρεγένετο, προσπορευομένων αὐτῷ τῶν ἠδικημένων, τοὺσ μὲν διέσυρε χλευάζων, τῶν δὲ κατανίστατο, τοὺσ δ’ ἐξέπληττε λοιδορῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 4, chapter 3

(폴리비오스, Histories, book 4, chapter 3)

상위

목록

SEARCH

MENU NAVIGATION