헬라어 문장 검색 - ΠολψβίΗιστορί04́038́

(폴리비오스, Histories, book 4, chapter 38)

τοιαύτασ αἰτίασ. Βυζάντιοι κατὰ μὲν θάλατταν εὐκαιρότατον οἰκοῦσι τόπον καὶ πρὸσ ἀσφάλειαν καὶ πρὸσ εὐδαιμονίαν πάντη τῶν ἐν τῇ καθ’ ἡμᾶσ οἰκουμένῃ, κατὰ δὲ γῆν πρὸσ ἀμφότερα πάντων ἀφυέστατον. κατὰ μὲν γὰρ θάλατταν οὕτωσ ἐπίκεινται τῷ στόματι τοῦ Πόντου κυρίωσ ὥστε μήτ’ εἰσπλεῦσαι μήτ’ ἐκπλεῦσαι μηδένα δυνατὸν εἶναι τῶν ἐμπόρων χωρὶσ τῆσ ἐκείνων βουλήσεωσ.

ἔχοντοσ δὲ τοῦ Πόντου πολλὰ τῶν πρὸσ τὸν βίον εὐχρήστων τοῖσ ἄλλοισ ἀνθρώποισ, πάντων εἰσὶ τούτων κύριοι Βυζάντιοι.

πρὸσ μὲν γὰρ τὰσ ἀναγκαίασ τοῦ βίου χρείασ τά τε θρέμματα καὶ τὸ τῶν εἰσ τὰσ δουλείασ ἀγομένων σωμάτων πλῆθοσ οἱ κατὰ τὸν Πόντον ἡμῖν τόποι παρασκευάζουσι δαψιλέστατον καὶ χρησιμώτατον ὁμολογουμένωσ·

πρὸσ δὲ περιουσίαν μέλι, κηρόν, τάριχοσ ἀφθόνωσ ἡμῖν χορηγοῦσι. δέχονται γε μὴν τῶν ἐν τοῖσ παρ’ ἡμῖν τόποισ περιττευόντων ἔλαιον καὶ πᾶν οἴνου γένοσ·

σίτῳ δ’ ἀμείβονται, ποτὲ μὲν εὐκαίρωσ διδόντεσ, ποτὲ δὲ λαμβάνοντεσ. πάντων δὴ τούτων ἢ κωλύεσθαι δέον ἦν ὁλοσχερῶσ τοὺσ Ἕλληνασ ἢ τελέωσ ἀλυσιτελῆ γίνεσθαι σφίσι τὴν ἀλλαγὴν αὐτῶν, Βυζαντίων ἤτοι βουλομένων ἐθελοκακεῖν καὶ συνδυάζειν ποτὲ μὲν Γαλάταισ, τοτὲ δὲ πλείονα Θρᾳξὶν ἢ τὸ παράπαν μὴ κατοικούντων τοὺσ τόπουσ·

διά τε γὰρ τὴν στενότητα τοῦ πόρου καὶ τὸ παρακείμενον πλῆθοσ τῶν βαρβάρων ἄπλουσ ἂν ἡμῖν ἦν ὁμολογουμένωσ ὁ Πόντοσ.

μέγιστα μὲν οὖν ἴσωσ αὐτοῖσ ἐκείνοισ περιγίνεται λυσιτελῆ πρὸσ τοὺσ βίουσ διὰ τὰσ τῶν τόπων ἰδιότητασ·

ἅπαν γὰρ τὸ μὲν περιττεῦον παρ’ αὐτοῖσ ἐξαγωγῆσ, τὸ δὲ λεῖπον εἰσαγωγῆσ ἑτοίμου τυγχάνει καὶ λυσιτελοῦσ ἄνευ πάσησ κακοπαθείασ καὶ κινδύνου·

πολλά γε μὴν καὶ τοῖσ ἄλλοισ εὔχρηστα δι’ ἐκείνουσ, ὡσ εἰρήκαμεν, ἀπαντᾷ.

διὸ καὶ κοινοί τινεσ ὡσ εὐεργέται πάντων ὑπάρχοντεσ εἰκότωσ ἂν οὐ μόνον χάριτοσ, ἀλλὰ καὶ ἐπικουρίασ κοινῆσ τυγχάνοιεν ὑπὸ τῶν Ἑλλήνων κατὰ τὰσ ὑπὸ τῶν βαρβάρων περιστάσεισ. ῥητέον ἂν εἰή τί τὸ συμβαῖνόν ἐστι καὶ τί τὸ ποιοῦν τὴν τηλικαύτην καὶ τοιαύτην εὐπορίαν τῆσ προειρημένησ πόλεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 4, chapter 38

(폴리비오스, Histories, book 4, chapter 38)

상위

목록

SEARCH

MENU NAVIGATION