Polybius, Histories, book 4, chapter 57

(폴리비오스, Histories, book 4, chapter 57)

Καὶ τὰ μὲν περὶ Σινώπησ ἐν τούτοισ ἦν. ὁ δὲ βασιλεὺσ Φίλιπποσ, ἀναζεύξασ ἐκ Μακεδονίασ μετὰ τῆσ δυνάμεωσ ‐ ἐν γὰρ ταύταισ ταῖσ ἐπιβολαῖσ ἀπελίπαμεν ἄρτι τὸν συμμαχικὸν πόλεμον ‐ ὡρ́μησεν ἐπὶ Θετταλίασ καὶ τῆσ Ἠπείρου, σπεύδων ταύτῃ ποιήσασθαι τὴν εἰσβολὴν τὴν εἰσ Αἰτωλίαν. Ἀλέξανδροσ δὲ καὶ Δωρίμαχοσ κατὰ τὸν καιρὸν τοῦτον ἔχοντεσ πρᾶξιν κατὰ τῆσ τῶν Αἰγειρατῶν πόλεωσ, ἁθροίσαντεσ τῶν Αἰτωλῶν περὶ χιλίουσ καὶ διακοσίουσ εἰσ Οἰάνθειαν τῆσ Αἰτωλίασ, ἣ κεῖται καταντικρὺ τῆσ προειρημένησ πόλεωσ, καὶ πορθμεῖα τούτοισ ἑτοιμάσαντεσ, πλοῦν ἐτήρουν πρὸσ τὴν ἐπιβολήν.

πλεονάκισ παραβαλλόμενοσ καὶ διαβαίνων πρὸσ τοὺσ περὶ Δωρίμαχον ἐξεκέκλητο πρὸσ τὴν πρᾶξιν αὐτούσ, ἅτε λίαν οἰκείουσ ὄντασ τῶν τοιούτων ἐγχειρημάτων.

ἡ δὲ τῶν Αἰγειρατῶν πόλισ ἔκτισται μὲν τῆσ Πελοποννήσου κατὰ τὸν Κορινθιακὸν κόλπον μεταξὺ τῆσ Αἰγιέων καὶ Σικυωνίων πόλεωσ, κεῖται δ’ ἐπὶ λόφων ἐρυμνῶν καὶ δυσβάτων, νεύει δὲ τῇ θέσει πρὸσ τὸν Παρνασσὸν καὶ ταῦτα τὰ μέρη τῆσ ἀντίπερα χώρασ, ἀπέχει δὲ τῆσ θαλάττησ ὡσ ἑπτὰ στάδια.

παραπεσόντοσ δὲ πλοῦ τοῖσ περὶ τὸν Δωρίμαχον, ἀνήχθησαν καὶ καθορμίζονται νυκτὸσ ἔτι πρὸσ τὸν παρὰ τὴν πόλιν καταρρέοντα ποταμόν.

οἱ μὲν οὖν περὶ τὸν Ἀλέξανδρον καὶ Δωρίμαχον, ἅμα δὲ τούτοισ Ἀρχίδαμον τὸν Πανταλέοντοσ υἱόν, ἔχοντεσ περὶ αὑτοὺσ τὸ πλῆθοσ τῶν Αἰτωλῶν, προσέβαινον πρὸσ τὴν πόλιν κατὰ τὴν ἀπ’ Αἰγίου φέρουσαν ὁδόν.

ὁ δ’ αὐτόμολοσ, ἔχων εἴκοσι τοὺσ ἐπιτηδειοτάτουσ, διανύσασ ταῖσ ἀνοδίαισ τοὺσ κρημνοὺσ θᾶττον τῶν ἄλλων διὰ τὴν ἐμπειρίαν, καὶ διαδὺσ διά τινοσ ὑδρορροίασ, ἔτι κοιμωμένουσ κατέλαβε τοὺσ ἐπὶ τοῦ πυλῶνοσ.

κατασφάξασ δ’ αὐτοὺσ ἀκμὴν ἐν ταῖσ κοίταισ ὄντασ, καὶ διακόψασ τοῖσ πελέκεσι τοὺσ μοχλούσ, ἀνέῳξε τοῖσ Αἰτωλοῖσ τὰσ πύλασ.

οἱ δὲ παρεισπεσόντεσ λαμπρῶσ ἀπερινοήτωσ ἐχρήσαντο τοῖσ πράγμασιν.

ὃ καὶ παραίτιον ἐγένετο τοῖσ μὲν Αἰγειράταισ τῆσ σωτηρίασ, τοῖσ δ’ Αἰτωλοῖσ τῆσ ἀπωλείασ.

일치하는 문장이 없습니다.

SEARCH

MENU NAVIGATION