Polybius, Histories, book 4, chapter 35

(폴리비오스, Histories, book 4, chapter 35)

εἰσ τὴν οἰκείαν, οἱ δ’ ἐξ ἀρχῆσ αἴτιοι γεγονότεσ τῆσ κινήσεωσ, οὐδαμῶσ εἶξαι δυνάμενοι τοῖσ παροῦσιν, αὖτισ ἐπεβάλοντο πρᾶγμα ποιεῖν πάντων ἀσεβέστατον, φθείραντέσ τινασ τῶν νέων. κατὰ γάρ τινα θυσίαν πάτριον ἔδει τοὺσ μὲν ἐν ταῖσ ἡλικίαισ μετὰ τῶν ὅπλων πομπεύειν ἐπὶ τὸν τῆσ Ἀθηνᾶσ τῆσ Χαλκιοίκου νεών, τοὺσ δ’ ἐφόρουσ συντελεῖν τὰ περὶ τὴν θυσίαν, αὐτοῦ περὶ τὸ τέμενοσ διατρίβοντασ.

ἐν τούτῳ τῷ καιρῷ τῶν πομπευόντων ἐν τοῖσ ὅπλοισ τινὲσ νεανίσκων ἄφνω προσπεσόντεσ θύουσι τοῖσ ἐφόροισ ἀπέσφαξαν αὐτούσ.

καίτοι πᾶσι τοῖσ καταφυγοῦσι τὴν ἀσφάλειαν παρεσκεύαζε τὸ ἱερόν, κἂν θανάτου τισ ᾖ κατακεκριμένοσ· τότε δὲ διὰ τὴν ὠμότητα τῶν τολμώντων εἰσ τοῦτ’ ἦλθε καταφρονήσεωσ ὥστε περὶ τὸν βωμὸν καὶ τὴν τράπεζαν τῆσ θεοῦ κατασφαγῆναι τοὺσ ἐφόρουσ ἅπαντασ.

ἑξῆσ δὲ τούτου τἀκόλουθον τῇ προθέσει ποιοῦντεσ ἀνεῖλον μὲν τοὺσ περὶ Γυρίδαν τῶν γερόντων, ἐφυγάδευσαν δὲ τοὺσ ἀντειπόντασ τοῖσ Αἰτωλοῖσ, εἵλοντο δ’ ἐξ αὑτῶν ἐφόρουσ, συνέθεντο δὲ πρὸσ τοὺσ Αἰτωλοὺσ τὴν συμμαχίαν.

ἐποίουν δὲ ταῦτα, καὶ τήν τε πρὸσ Ἀχαιοὺσ ἀπέχθειαν καὶ τὴν πρὸσ Μακεδόνασ ἀχαριστίαν καὶ καθόλου τὴν πρὸσ πάντασ ἀλογίαν ὑπέμενον ‐ οὐχ ἥκιστα δὲ διὰ Κλεομένη καὶ τὴν πρὸσ ἐκεῖνον εὔνοιαν ‐ ἐπελπίζοντεσ ἀεὶ καὶ προσδοκίαν ἔχοντεσ τῆσ ἐκείνου παρουσίασ ἅμα καὶ σωτηρίασ.

οὕτωσ οἱ δυνάμενοι τῶν ἀνθρώπων ἐπιδεξίωσ ὁμιλεῖν τοῖσ συμπεριφερομένοισ οὐ μόνον παρόντεσ, ἀλλὰ καὶ μακρὰν ἀφεστῶτεσ ἐγκαταλείπουσί τινα καὶ λίαν ἰσχυρὰ τῆσ πρὸσ αὑτοὺσ εὐνοίασ αἰθύγματα.

οἵ γε χωρὶσ τῶν ἄλλων καὶ τότε, πολιτευόμενοι κατὰ τὰ πάτρια σχεδὸν ἤδη τρεῖσ ἐνιαυτοὺσ μετὰ τὴν Κλεομένουσ ἔκπτωσιν, οὐδ’ ἐπενόησαν οὐδέποτε βασιλεῖσ καταστῆσαι τῆσ Σπάρτησ·

ἅμα δὲ τῷ τὴν φήμην ἀφικέσθαι περὶ τῆσ Κλεομένουσ τελευτῆσ εὐθέωσ ὡρ́μησαν ἐπὶ τὸ βασιλεῖσ καθιστάναι τά τε πλήθη καὶ τὸ τῶν ἐφόρων ἀρχεῖον.

καὶ κατέστησαν οἱ κοινωνοῦντεσ ἔφοροι τῆσ αἱρέσεωσ τοῖσ στασιώταισ, οἱ καὶ τὴν πρὸσ Αἰτωλοὺσ συνθέμενοι συμμαχίαν, ὑπὲρ ὧν τὸν ἄρτι λόγον ἐποιησάμην, τὸν μὲν ἕνα νομίμωσ καὶ καθηκόντωσ, Ἀγησίπολιν, ὄντα μὲν παῖδα τὴν ἡλικίαν, υἱὸν δ’ Ἀγησιπόλιδοσ τοῦ Κλεομβρότου·

τὸν δὲ συνέβαινε βεβασιλευκέναι καθ’ οὓσ καιροὺσ ἐξέπεσε Λεωνίδησ ἐκ τῆσ ἀρχῆσ, διὰ τὸ κατὰ γένοσ ὑπάρχειν ἔγγιστα τῆσ οἰκίασ ταύτησ.

ἐπίτροπον δὲ τοῦ παιδὸσ εἵλοντο Κλεομένη, Κλεομβρότου μὲν υἱόν, Ἀγησιπόλιδοσ δ’ ἀδελφόν.

ἀπὸ δὲ τῆσ ἑτέρασ οἰκίασ, ὄντων ἐκ τῆσ Ἱππομέδοντοσ θυγατρὸσ Ἀρχιδάμῳ δυεῖν παίδων, ὃσ ἦν υἱὸσ Εὐδαμίδου, ζῶντοσ δὲ καὶ Ἱππομέδοντοσ ἀκμήν, ὃσ ἦν υἱὸσ Ἀγησιλάου τοῦ Εὐδαμίδου, καὶ ἑτέρων δὲ πλειόνων ἀπὸ τῆσ οἰκίασ ὑπαρχόντων, ἀπωτέρω μὲν τῶν προειρημένων, προσηκόντων δὲ κατὰ γένοσ, τούτουσ μὲν ἅπαντασ ὑπερεῖδον, Λυκοῦργον δὲ βασιλέα κατέστησαν, οὗ τῶν προγόνων οὐδεὶσ ἐτετεύχει τῆσ προσηγορίασ·

ὃσ δοὺσ ἑκάστῳ τῶν ἐφόρων τάλαντον Ἡρακλέουσ ἀπόγονοσ καὶ βασιλεὺσ ἐγεγόνει τῆσ Σπάρτησ.

οὕτωσ εὐώνα πανταχῇ τὰ καλὰ γέγονε.

τοιγαροῦν οὐ παῖδεσ παίδων, ἀλλ’ αὐτοὶ πρῶτοι τῆσ ἀνοίασ ἀπέτισαν τοὺσ μισθοὺσ οἱ καταστήσαντεσ.

일치하는 문장이 없습니다.

SEARCH

MENU NAVIGATION