Ancient Greek Text

Polybius, Histories, book 4, chapter 86

(폴리비오스, Histories, book 4, chapter 86)

ἀνακαλύπτειν τι τούτων. τοῦ δὲ βασιλέωσ εὐαρεστήσαντοσ τοῖσ λεγομένοισ, καὶ φήσαντοσ οὐκ ὀλιγωρήσειν, ἀλλ’ ἐξετάσειν, τότε μὲν διελύθησαν. ἐν δὲ ταῖσ ἑξῆσ ἡμέραισ ὁ μὲν Ἀπελλῆσ οὐδεμίαν ἀπόδειξιν προσῆγε τοῖσ εἰρημένοισ·

τοῖσ δὲ περὶ τὸν Ἄρατον ἐγένετό τι συγκύρημα τοιοῦτον. οἱ γὰρ Ἠλεῖοι, καθ’ ὃν καιρὸν ὁ Φίλιπποσ αὐτῶν ἐπόρθει τὴν χώραν, ὑποπτεύσαντεσ τὸν Ἀμφίδαμον ἐπεβάλοντο συλλαβεῖν καὶ δήσαντεσ εἰσ τὴν Αἰτωλίαν ἐκπέμπειν.

ὁ δὲ προαισθόμενοσ αὐτῶν τὴν ἐπίνοιαν ἀπεχώρησε τὰσ μὲν ἀρχὰσ εἰσ Ὀλυμπίαν, μετὰ δὲ ταῦτα πυνθανόμενοσ τὸν Φίλιππον ἐν τῇ Δύμῃ περὶ τὴν τῶν λαφύρων οἰκονομίαν διατρίβειν, ἔσπευσε πρὸσ τοῦτον διαπεσεῖν.

ὅθεν οἱ περὶ τὸν Ἄρατον, ἀκούσαντεσ τὸν Ἀμφίδαμον ἐκ τῆσ Ἤλιδοσ ἐκπεπτωκότα παρεῖναι, γενόμενοι περιχαρεῖσ διὰ τὸ μηδὲν αὑτοῖσ συνειδέναι, προσελθόντεσ ᾤοντο δεῖν τὸν βασιλέα καλεῖν τὸν Ἀμφίδαμον·

καὶ γὰρ εἰδέναι περὶ τῶν κατηγορουμένων ἐκεῖνον βέλτιστα πρὸσ ὃν ἐρρήθη, καὶ δηλώσειν τὴν ἀλήθειαν, πεφευγότα μὲν ἐξ οἴκου διὰ τὸν Φίλιππον, τὰσ δ’ ἐλπίδασ ἔχοντα τῆσ σωτηρίασ κατὰ τὸ παρὸν ἐν ἐκείνῳ.

πεισθεὶσ δὲ τοῖσ λεγομένοισ ὁ βασιλεύσ, καὶ μεταπεμψάμενοσ τὸν Ἀμφίδαμον, εὑρ͂ε τὴν διαβολὴν οὖσαν ψευδῆ.

διὸ καὶ τὸν μὲν Ἄρατον ἀπὸ ταύτησ τῆσ ἡμέρασ ἀεὶ καὶ μᾶλλον ἀπεδέχετο καὶ κατηξίου, πρὸσ δὲ τὸν Ἀπελλῆν λοξότερον εἶχε·

τῇ γε μὴν ὁλοσχερεῖ προκατεχόμενοσ ἀποδοχῇ πολλὰ παρορᾶν ἠναγκάζετο τῶν ὑπ’ αὐτοῦ γινομένων.