Polybius, Histories, book 4, chapter 36

(폴리비오스, Histories, book 4, chapter 36)

Ὁ δὲ Μαχατᾶσ, πυθόμενοσ τὰ γεγονότα περὶ τοὺσ Λακεδαιμονίουσ, ἧκε πάλιν ὑποστρέψασ εἰσ τὴν Σπάρτην, καὶ παρεκάλει τοὺσ ἐφόρουσ καὶ τοὺσ βασιλέασ ἐξανεγκεῖν τοῖσ Ἀχαιοῖσ τὸν πόλεμον· μόνωσ γὰρ οὕτωσ ἔφη λῆξαι τὴν τῶν Λακεδαιμονίων φιλονεικίαν τῶν ἐκ παντὸσ τρόπου διακοπτόντων τὴν πρὸσ Αἰτωλοὺσ συμμαχίαν τήν τε τῶν ἐν Αἰτωλίᾳ τὰ παραπλήσια τούτοισ πραττόντων.

ὁ δὲ Λυκοῦργοσ ἀναλαβὼν τοὺσ στρατιώτασ καί τινασ τῶν πολιτικῶν ἐνέβαλεν εἰσ τὴν Ἀργείαν, ἀφυλάκτωσ διακειμένων εἰσ τέλοσ τῶν Ἀργείων διὰ τὴν προϋπάρχουσαν κατάστασιν.

καὶ Πολίχναν μὲν καὶ Πρασίασ καὶ Λεύκασ καὶ Κύφαντα προσπεσὼν ἄφνω κατέσχε·

Γλυμπέσι δὲ καὶ Ζάρακι προσπεσὼν ἀπέπεσε. τούτου δὲ ταῦτα πράξαντοσ, ἐπεκήρυξαν τὸ λάφυρον οἱ Λακεδαιμόνιοι κατὰ τῶν Ἀχαιῶν.

ἔπεισαν δὲ καὶ τοὺσ Ἠλείουσ οἱ περὶ τὸν Μαχατᾶν, παραπλήσια λέγοντεσ ἅπερ καὶ πρὸσ τοὺσ Λακεδαιμονίουσ, ἐξενεγκεῖν τοῖσ Ἀχαιοῖσ τὸν πόλεμον. Παραδόξωσ δὲ καὶ κατὰ νοῦν τοῖσ Αἰτωλοῖσ τῶν πραγμάτων προκεχωρηκότων, οὗτοι μὲν εὐθαρσῶσ ἐνέβαινον εἰσ τὸν πόλεμον, οἱ δ’ Ἀχαιοὶ τἀναντία·

Μεσσήνιοι δ’ ἡσυχίαν εἶχον, Αἰτωλοὶ δέ, προσειληφότεσ τὴν Ἠλείων καὶ Λακεδαιμονίων ἄγνοιαν, πανταχόθεν περιεῖχον αὐτοὺσ τῷ πολέμῳ.

일치하는 문장이 없습니다.

SEARCH

MENU NAVIGATION