Polybius, Histories, book 4, chapter 2

(폴리비오스, Histories, book 4, chapter 2)

καλλίστην ὑπόστασιν ὑπολαμβάνοντεσ εἶναι ταύτην διὰ τὸ πρῶτον μὲν τὴν Ἀράτου σύνταξιν ἐπὶ τούτουσ καταστρέφειν τοὺσ καιρούσ, οἷσ συνάπτοντεσ τὴν διήγησιν τὸν ἀκόλουθον ὑπὲρ τῶν Ἑλλήνων ἀποδιδόναι προῃρήμεθα λόγον, δεύτερον δὲ διὰ τὸ καὶ τοὺσ χρόνουσ οὕτωσ συντρέχειν τοὺσ ἑξῆσ καὶ τοὺσ πίπτοντασ ὑπὸ τὴν ἡμετέραν ἱστορίαν ὥστε τοὺσ μὲν καθ’ ἡμᾶσ εἶναι, τοὺσ δὲ κατὰ τοὺσ πατέρασ ἡμῶν· ἐξ οὗ συμβαίνει τοῖσ μὲν αὐτοὺσ ἡμᾶσ παραγεγονέναι, τὰ δὲ παρὰ τῶν ἑωρακότων ἀκηκοέναι.

τὸ γὰρ ἀνωτέρω προσλαμβάνειν τοῖσ χρόνοισ, ὡσ ἀκοὴν ἐξ ἀκοῆσ γράφειν, οὐκ ἐφαίνεθ’ ἡμῖν ἀσφαλεῖσ ἔχειν οὔτε τὰσ διαλήψεισ οὔτε τὰσ ἀποφάσεισ.

μάλιστα δ’ ἀπὸ τούτων ἠρξάμεθα τῶν καιρῶν διὰ τὸ καὶ τὴν τύχην ὡσ ἂν εἰ κεκαινοποιηκέναι πάντα τὰ κατὰ τὴν οἰκουμένην ἐν τοῖσ προειρημένοισ καιροῖσ.

Φίλιπποσ μὲν γὰρ ὁ Δημητρίου κατὰ φύσιν υἱὸσ ἔτι παῖσ ὢν ἄρτι παρελάμβανε τὴν Μακεδόνων ἀρχήν·

Ἀχαιὸσ δὲ τῆσ ἐπὶ τάδε τοῦ Ταύρου δυναστεύων οὐ μόνον προστασίαν εἶχε βασιλικήν, ἀλλὰ καὶ δύναμιν·

ὁ δὲ Μέγασ ἐπικληθεὶσ Ἀντίοχοσ μικροῖσ ἀνώτερον χρόνοισ, τἀδελφοῦ Σελεύκου μετηλλαχότοσ, ἔτι κομιδῇ νέοσ ὢν τὴν ἐν Συρίᾳ διεδέδεκτο βασιλείαν.

ἅμα δὲ τούτοισ Ἀριαράθησ παρέλαβε τὴν Καππαδοκῶν ἀρχήν.

ὁ δὲ Φιλοπάτωρ Πτολεμαῖοσ ἐν τοῖσ αὐτοῖσ καιροῖσ τῶν κατ’ Αἴγυπτον ἐγεγόνει κύριοσ. Λυκοῦργοσ δὲ Λακεδαιμονίων μετ’ οὐ πολὺ κατεστάθη βασιλεύσ.

ᾕρηντο δὲ Καρχηδόνιοι προσφάτωσ ἐπὶ τὰσ προειρημένασ πράξεισ στρατηγὸν αὑτῶν Ἀννίβαν. οὕτωσ δὲ τοιαύτησ περὶ πάσασ τὰσ δυναστείασ καινοποιίασ οὔσησ, ἔμελλε πραγμάτων ἔσεσθαι καινῶν ἀρχή.

τοῦτο γὰρ δὴ πέφυκε καὶ φιλεῖ συμβαίνειν κατὰ φύσιν· ὃ καὶ τότε συνέβη γενέσθαι. Ῥωμαῖοι μὲν γὰρ καὶ Καρχηδόνιοι τὸν προειρημένον ἐνεστήσαντο πόλεμον, Ἀντίοχοσ δὲ καὶ Πτολεμαῖοσ ἅμα τούτοισ τὸν ὑπὲρ τῆσ Κοίλησ Συρίασ, Ἀχαιοὶ δὲ καὶ Φίλιπποσ τὸν πρὸσ Αἰτωλοὺσ καὶ Λακεδαιμονίουσ·

οὗ τὰσ αἰτίασ συνέβη γενέσθαι τοιαύτασ.

일치하는 문장이 없습니다.

SEARCH

MENU NAVIGATION