헬라어 문장 검색 - ΠολψβίΗιστορί04́004́

(폴리비오스, Histories, book 4, chapter 4)

Ἔτι δ’ αὐτοῦ παρεπιδημοῦντοσ ἐν τῇ Μεσσήνῃ, συνεγγίσαντεσ τῇ πόλει νυκτὸσ οἱ πειραταὶ καὶ προσβαλόντεσ κλίμακασ ἐξέκοψαν τὸ Χυρῶνοσ καλούμενον ἐπαύλιον, καὶ τοὺσ μὲν ἀμυνομένουσ ἀπέσφαξαν, τοὺσ δὲ λοιποὺσ τῶν οἰκετῶν δήσαντεσ καὶ τὰ κτήνη μετ’ αὐτῶν ἀπήγαγον. οἱ δὲ τῶν Μεσσηνίων ἔφοροι, πάλαι μὲν ἐπί τε τοῖσ γινομένοισ καὶ τῇ παρεπιδημίᾳ τοῦ Δωριμάχου διαλγοῦντεσ, τότε δὲ καὶ προσενυβρίζεσθαι δόξαντεσ, ἀνεκαλοῦντ’ αὐτὸν εἰσ τὰσ συναρχίασ.

ἐν ᾧ καιρῷ Σκύρων, ὃσ ἦν μὲν ἔφοροσ τότε τῶν Μεσσηνίων, εὐδοκίμει δὲ καὶ κατὰ τὸν ἄλλον βίον παρὰ τοῖσ πολίταισ, συνεβούλευε μὴ προίεσθαι τὸν Δωρίμαχον ἐκ τῆσ πόλεωσ, ἐὰν μὴ τὰ μὲν ἀπολωλότα πάντα τοῖσ Μεσσηνίοισ ἀποκαταστήσῃ, περὶ δὲ τῶν τεθνεώτων δωσιδίκουσ παράσχῃ τοὺσ ἠδικηκότασ.

πάντων δ’ ἐπισημηναμένων ὡσ δίκαια λέγοντοσ τοῦ Σκύρωνοσ, διοργισθεὶσ ὁ Δωρίμαχοσ εὐήθεισ αὐτοὺσ ἔφη τελέωσ ὑπάρχειν, εἰ Δωρίμαχον οἰόνται νῦν προπηλακίζειν, ἀλλ’ οὐ τὸ κοινὸν τῶν Αἰτωλῶν·

καὶ καθόλου δεινὸν ἡγεῖτο τὸ γινόμενον, καὶ κοινῆσ αὐτοὺσ ἐπιστροφῆσ ἔφη τεύξεσθαι, καὶ τοῦτο πείσεσθαι δικαίωσ. ἦν δέ τισ κατ’ ἐκείνουσ τοὺσ καιροὺσ ἄνθρωποσ ἀσυρὴσ ἐν τῇ Μεσσήνῃ, τῶν ἐξηρμένων τὸν ἄνδρα κατὰ πάντα τρόπον, ὄνομα Βαβύρτασ, ᾧ τισ εἰ περιέθηκε τὴν καυσίαν καὶ χλαμύδα τοῦ Δωριμάχου, μὴ οἱο͂́ν τ’ εἶναι διαγινώσκειν·

ἐπὶ τοσοῦτον ἐξωμοίωτο κατά τε τὴν φωνὴν καὶ τἄλλα μέρη τοῦ σώματοσ τῷ προειρημένῳ.

καὶ τοῦτ’ οὐκ ἐλάνθανε τὸν Δωρίμαχον. ὁμιλοῦντοσ οὖν [αὐτοῦ] ἀνατατικῶσ τότε καὶ μάλ’ ὑπερηφάνωσ τοῖσ Μεσσηνίοισ, περιοργισθεὶσ ὁ Σκύρων "Νομίζεισ γὰρ ἡμῖν" ἔφη "σοῦ μέλειν ἢ τῆσ σῆσ ἀνατάσεωσ, Βαβύρτα;

παραυτίκα μὲν εἴξασ ὁ Δωρίμαχοσ τῇ περιστάσει συνεχώρησε πάντων ἐπιστροφὴν ποιήσεσθαι τῶν γεγονότων ἀδικημάτων τοῖσ Μεσσηνίοισ·

ἐπανελθὼν δ’ εἰσ τὴν Αἰτωλίαν οὕτω πικρῶσ ἤνεγκε καὶ βαρέωσ τὸ ῥηθὲν ὡσ οὐδεμίαν ἄλλην ἔχων εὔλογον πρόφασιν δι’ αὐτὸ τοῦτο τοῖσ Μεσσηνίοισ ἐξέκαυσε τὸν πόλεμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 4

(폴리비오스, Histories, book 4, chapter 4)

상위

목록

SEARCH

MENU NAVIGATION